Ong hu mbaok di mbang nyaom urang hu angan je dalam palei 

Patagok bruk ngak di urang hu angan je dalam bhap bini bangsa Cam jeng yau urang Cam Ahier di puk palei; ong Huỳnh Cứng kham merat pathau khan, jak ba mikva oh pang, oh jia tui dom panuac ndom oh njauk, oh biak di kol khamang pacuh, pajarak ngak brei pamaoh gauk, neh rabha bruk gun pataom bangsa; jak ba bhap bani kham merat hu mbaok tame bruk “Taong abih bhap bani gun pataom gauk padang ngak palei pala bahrau, ban ilamo” meng rilo jalan ngak siam gheih  yau: dalam dom harei lễ, tết hu nao jak ba dom urang dang akaok but pajaih, dom halau janeng pathau khan, jak ba, kakei anek taco, gauk gar dalam but pajaih ngak siam dom jalan ba di Đảng, adat hukum di Karja; dak padang jalan diuk rai ilamo dalam bruk lakhah caga, ndam metai saong dom rija roya; klak nao dom adat cambat tanarakun oh daok lagaih haong rai diuk harei ini...

Lac Phaok akaok Hội đồng sư cả Bà la môn huyện Bắc Bình; ong Huỳnh Cứng haong dom halau janeng, urang hu angan je dalam bhap bani Cam peih ngak hu siam bruk pacang caga kaol kanjah jhak saong dak padang bruk taong abih bhap bani khik caga siam mekre, sron mbon palei negar; mbluak di abih lac pambuak bruk haong pakat ủy, karja puk palei padang ngak rilo bruk “Eng drei pacang caga, eng drei khik iek khik”,  khik hu an ninh trật tự biak lac labik hadah dalam bruk ieu pataom dom halau janeng, urang hu angan je hu mbaok tame tapak, siam lagaih jang dalam bruk khik kajap siam mekre sron mbon puk palei, patagok hu yaom glaong ilamo meng kan siam gheih, bruk gun pataom bangsa yau: bruk “But pajaih ilamo khik siam mekre, sron mbon puk palei”; bruk “But pajaih ilamo Đặng - Nguyễn hu mbaok tame khik kajap an ninh trật tự” saong bruk “Halau janeng Bà la môn giáo hu mbaok tame khik ramik siam mekre ba mai sron mbon ka rai diuk”.

Langiu di nan, ong Huỳnh Cứng daok hu mbaok tapak tame langyah ba brei siam mekre dom bruk meriak gauk dalam halau janeng Cam, di urang Cam Awar haong urang Cam Ahier; dom bruk taong gauk di urang Yuan  haong urang Cam daok jaik taphia gauk dalam xã. Pambuak bruk haong Công an pacang cakak rilo bruk ngak pathau khan, parai tabiak harak gar hu asal kadha ndok ly khai di urang Cam; cap mek hu 03 bruk gam haong 05 urang co klaik drap ar, khan brei thau 10 bruk biak hu yaom, pabak ka bruk điều tra di gah Công an; jak ba 04 urang njuk jru phien eng drei khan brei thau piah ka gah Công an ngak hồ sơ khik iek tui Nghị định 111/NĐ-CP di Raja-ei.

Dom rik daong biak siam di ong Huỳnh Cứng saong dom halau janeng,  urang hu angan je dalam bhum urang Cam hu rik daong haong pakat ủy, karja, gah chức năng peih ngak siam bruk khik kajap siam mekre, sron mbon di puk palei; dom yaom glaong ilamo meng kan siam gheih hu khik ramik saong patagok; bruk mê tín dị đoan dak harei dak hu tah klak; ba xã harat urang Cam Ahier mek hu chuẩn palei pala bahrau./.

Urang lang: Jasi -29/5