Rilo pandap panda gaok rilo kan kandah  tuk pablei tabiak di labik tapen negar Trung Quốc

Ong Nguyễn Khắc Huy, Giám đốc Công ty Hoàng Phát Fruit langyah lac: “urak ini bruk pablei baoh kayau tabiak negar langiu tapa darak pasa “kan tame” yau ye Nhật Bản atau Hàn Quốc jeng hu adat biak catang ka bruk labaih jru khik caga phun pala. Yaom lac urak ini Trung Quốc jeng ka oh hu dom adat ini min Việt Nam njauk caik hatai, piah tal tuk Trung Quốc ba tabiak bruk nan jeng meda pabak hu. Việt Nam pablei kaya nong tapa Trung Quốc biak rilo, nan ye bhap bini saong DN njauk pabak hu bruk ba tabiak di gah Trung Quốc, oh njauk ieu gah Trung Quốc pabak veik”.

Maong mboh dom kan kandah dalam bruk pablei kaya nong tame darak pasa Trung Quốc urak ini, chuyên gia gah ngak nong Đặng Kim Sơn, dahlau daih ngak akaok  Viện sarak saong jalan cak rok patagok gah ngak nong, palei pala (di Mintri ngak nong saong patagok palei pala) mboh lac, darak pasa Trung Quốc daok salih karei, oh daok lac darak pasa “mbuan” yau dahlau dieh. Kayua yau nan ye, ong Sơn ba tabiak panuac lac, Việt Nam njauk paglaong prein pambuak gauk, pablei kaya nong. Njauk tal tuk nao tapak tame darak pasa dalam taneh ia di Trung Quốc meng jalan kapar ahaoh, jalan tasik, oh lac tok nao tapa jalan radaih yau urak ini.

Tacei tabiak cambaih jalan radaih jeng daok hu maong lac jalan pajeng ba lagaih, ong Trần Thanh Hải, Phó akaok Cục Xuất nhập khẩu (Mintri Công Thương) brei thau, ini lac jalan ngak hu rilo DN pilih ruah kayua pandap panda kaya nong meng sang bein meda nduac tapak tabiak tal jalan tapen negar hadei di labaih 2-3 harei, oh njauk salih tapa radaih karei. Gam haong nan, radaih tải jeng lagaih haong pandap sit, yaok radaih jaik 20 tấn, lagaih haong pandap sit yau nan saong lagaih haong prein di dom po bein.

Min ong Hải jeng brei thau, labik oh lagaih di bruk pablei tabiak negar langiu tapa jalan radaih lac oh khang kajap, mbuan gar veik. Langiu di nan, bruk pablei tabiak negar langiu tapa jalan radaih di pabah mbang negar mbuan njauk bala jang kayua ini lac jalan pablei salih kayua karja puk palei gah daih negar khik ramk, oh lac kayua Trung ương khik ramik yau di pambah mbang negar dunya, pambah mbang praong nan ye sarak meda salih karei chip.

Ndem ka bruk pablei kaya nong tabiak negar langiu meng jalan tasik, ong Hải brei thau cambaih jalan ngak ini pagam pambak biak rilo tame dom container laar di yaok hãng gilai. Dalam tuk dom hãng gilai Việt Nam oh hu kanduh container nan ye dom po pandap meda njauk nao pah kanduh container. Gam haong nan, mayah khin ba container laar mai pabak ka po pandap Việt Nam, dom sruh gilai njauk pajeng container laar saoh meng negar langiu mai, tui nan tamuh tabiak jien pajeng container mai.

Yaom lac yau nan, jalan pajeng kaya nong pablei tabiak negar langiu meng jalan tasik tui ong Hải hu biak rilo siam lagaih, tuk Việt Nam saong Trung Quốc jeng daok di jalan tasik jar var abih di dunya, dom pabah lamnge jeng jaik gauk, dalam tuk bruk pablei salih pandap panda di 2 taneh ia gam gam  tagok.

Jalan ngak tuk camriep piah salih jalan sahaneng  ini tui ong Hải nan lac bruk dom DN, urang blei salih, po bien njauk saneng chip tal bruk piluh ruah menuac ngak hu ilamo dalam bruk pablei salih, hu thau ka bruk pablei salih dunya, thau cambaih dom ilamo tiếp thị, peih bruk pablei salih piah meda duah hu dom tuai bahrau daok gah dalam taneh ia nan, oh lac urang pablei salih di bhum tapen negar. Ong Hải ndom lac, mayah DN hu khang hatai salih karei gam haong bruk daong di karja, di hiệp hội, ye bruk salih jalan pablei tabiak negar langiu khang kajap meda lac oh daok biak kan./.

Urang lang: Thu Thao – 24/01