Hadang di Viet Nam hu di angaok drak pasa dunya 

Tamat sa thun bak cuang kandah, drei hadang di dom tỉnh ban raong hadang peih prong mblang taneh, raong hadang pandar ilamu kỹ thuật yau Bạc Liêu, Bình Thuận, Phú Yên, Khánh Hoà; hadang sinh thái ala halui glai, hadang – padai hữu cơ yau di Cà Mau, Sóc Trăng… hu ba mai jak jeng siam mekre dalam tukvak kan kandah ini. Di Cà Mau, yaom lac njauk kan kandah trak meng COVID-19 min gah hadang Cà Mau jeng cakrok patagok biak khang saong lac sa tanut hadah dalam bruk cak rok patagok kinh tế di Cà Mau. Oh lac tok hu sản lượng hadang raong cak rok patagok dương bo yaom jien pablei hadang tabiak negar langiu jeng mek hu biak glaong, tapa bruk ba tabiak.

Urak ini, dom doanh nghiệp ngak tabiak, pablei tabiak negar langiu di tỉnh Cà Mau jeng daok peih ngak. Bruk pablei hadang tabiak negar langiu jeng hu rilo siam mekre, 1,1 tỷ USD. Taphia di nan, yaom saong darak pasar peih prong, ngak tabiak hadom lac negar langiu blei abih. Dalam dom darak pasar blei hadang Cà Mau, darak pasar Hoa Kỳ lac dang akaok. Ta-eng darak pasar châu Âu jeng hu mboh dak harei dak blei tame rilo hadang di Cà Mau.

Ong Nguyễn Minh Tuấn, Akaok Công ty cổ phần Ngak tabiak Pablei tabiak blei tame negar langiu kaya ikan Minh Cường ndom lac, bruk pablei tabiak negar langiu hadang thun 2021 "kan dalam min mbuan langiu". Kayua kan kandah prong abih di doanh nghiệp nan lac njauk peih ngak dom jalan pacang caga jit ngak ka jien ndo buh tame ngak, jien ndo pajeng ba patagok. Min cagar veik, dom negar angaok dunya jak gauk peih pabah mbang, darak pasar peih prong. Kadha njauk ndom lac doanh nghiệp oh ginup pandap panda piah meda pabak hatai caong khin ka dom urang blei caong khin  pambuak bruk ka thun 2022.

Tui pathau khan di Mentri Công Thương, tỉnh Sóc Trăng hu jien mek tame meng bruk pablei hadang tabiak negar langiu dalam thun 2021 glaong abih negar, labaih 1,3 tỷ USD, tapa 28% bruk ba tabiak meng akaok thun, tagok jaik 15% dut haong jien mek tame meng bruk pablei hadang tabiak negar langiu thun 2020 di tỉnh.

Ong Võ Văn Chiêu, Akaok Sở Công Thương tỉnh Sóc Trăng ndom lac, bruk cak rok patagok gah pablei hadang tabiak negar langiu dalam thun 2021 hu daong ka tỉnh Sóc Trăng tapa mbaok hu rilo tỉnh, ban karei hu pren khang gah drei hadang. Dom doanh nghiệp rik daong prong dalam gah raong pala saong pablei hadang tabiak negar langiu   di Sóc Trăng nan lac Cty cổ phần Thủy sản hacih Việt Nam, Cty TNHH Khánh Sủng, Cty TNHH Tài Kim Anh, Cty TNHH Kim Anh, Cty cổ phần Thực phẩm Sao Ta, Cty cổ phần Thủy sản Sóc Trăng, Cty cổ phần ngak tabiak kaya ikan dalam aia Út Xi…

          Yaom lac bruk pablei tabiak negar langiu hu siam mekre, min bruk duh hatai di gah hadang, dom doanh nghiệp ngak tabiak, pablei hadang tabiak negar langiu nan lac bruk kurang drei hadang tamo piah duh ka bruk ngak tabiak. Kayua yau nan ye, Mentri Ngak nong saong patagok palei pala pachreih dom ỉnh ban ba tabiak jalan ngak, ngak tabiak hadang ka nyu ginup, mek hu chất lượng pabak ka bruk ngak tabiak, pablei tabiak negar langiu dalam thun 2022.

Ong Phùng Đức Tiến, Thứ trưởng Mentri ngak nong saong patagok palei pala khan lac, gah hadang di negar drei daok hu mbuan lagaih haong pren khang meng nan mai, ngan haong dom doanh nghiệp hu labaih 20 thun hu ilamu meng bruk ngak tabiak tal bruk pablei tabiak negar langiu. Bruk kham merat peih ngak samu gauk di taong abih hệ thống chính trị meng Raja-ei, mentri, karja palei tal doanh nghiệp, bhap bani ye meda daok jhul ka nyu cak rok patagok.

Jalan ngak akaok mereip dalam thun ini nan lac khik ramik siam gah sản lượng, pabak brei hadang tamo siam piah ngak tabiak. Ini lac kadha prong kayua lac gah thủy sản mbuan njauk kan kandah meng langik tasik, abih di nyu lac tua riya pandiak bhang, njaom ia mbak, langik tasik oh siam yau urak ini saong bruk meriak gauk biak khang di dom darak pasar blei tame di negar langiu. Jalan ngak patui di nan lac ramik veik ka nyu siam dom kadha cuang kandah dalam chuỗi pambuak bruk yau bruk ba gauk ngak tabiak, jalan ngak piah khik ramik saong peih prong darak pasar.

Hadei di rilo cuang kandah, gah hadang, dom doanh nghiệp, urang raong hadang thei jeng kham merat khik ramik, cak rok patagok bruk ngak hadang piah pabak brei hu drei hadang tamo siam duh ka bruk pablei tabiak negar langiu, khik kajap labik dang di drei hadang Việt angaok darak pasar dunya./.

Urang lang: Jasi - 14/1