Kuhria mboh dahlau ka bruk pablei brah tabiak negar langiu thun 2024, tui dom chuyên gia mboh lac, yaom brah jeng daok di tanut glaong saong oh tuk halei bo trun mala 640 - 650 USD sa tấn. Makna lac kayua padai brah di dunya daok dak harei dak kurang, daok Việt Nam daok hu lagaih ka bruk pablei brah tabiak negar langiu. Tui kuhria mboh, bruk caong blei brah di dom taneh ia di dunya biak rilo, dalam nan hu dom darak pasa meng kan lac Philippines, Indonesia atau Trung Quốc.

Ong Phạm Thái Bình, Công ty Cổ phần Ngak nong Công nghệ glaong Trung An khan lac, bahrau ini, darak pasa Indonesia kakei blei 1,5 triệu tấn brah jao di dalam thun 2023 min oh ginup brah piah jao. Anak tal, bhum ĐBSCL meda yuak padai bilan Đông Xuân, ini lac bilan padai praong abih dalam thun haong năng suất, chất lượng glaong. Mayah tui kuhria mboh dahlau di dom urang ilamo lac yaom brah di dunya meda trun min oh rilo, tuk nan yaom padai bilan Đông Xuân tuk tame bilan yuak meda trun min oh rilo kayua yaom padai glaong blaoh ye yaom brah pablei tabiak negar langiu jeng daok di tanut 670 – 680 USD/tấn. Ong Phạm Thái Bình brei thau: " Urak ini brah di dunya daok dak harei dak kurang, tok hu Việt Nam drei meng hu bruk siam lagaih nan, tuk bruk caong blei brah di dom taneh ia di dunya urak ini lac biak rilo. Ngan saong padai Việt Nam urang nong pablei tagok tal 8.800 atau 9.000 đồng/kg, nan ye yaom brah oh  mala 700 USD".

Thun 2024 hu kuhria mboh dahlau lac jeng daok biak rilo “dư địa” ka bruk pablei tabiak negar langiu brah di Việt Nam tuk gah pabak kurang saong dom taneh ia daok patagok bruk blei tame piah khik kajap an ninh pandap mbang anak dom srau kadau kan thau dahlau di dunya. Ong Nguyễn Như Tiệp, Akaok Cục Chất lượng,Ngak tabiak saong cak rok patagok darak pasa, Mintri Ngak nong saong patagok palei pala ndom lac: "Tui bruk di dunya urak ini ye thun 2024 bruk caong blei brah di dunya daok tagok saong dư địa piah ka drei patui veik patagok bruk pablei tabiak negar langiu, saong dư địa piah ka kol drei patagok bruk pabak jeng daok. Tui kuhria thun 2024 jeng daok tui jalan yau nan".

Kuhria mboh dahlau ka thun 2024, amuk Trần Thanh Bình, Akaok Jabat xuất nhập khẩu, Cục xuất nhập khẩu, Mintri Công Thương brei thau, darak pasa Ấn Độ jeng daok pakauk pablei tabiak negar langiu, meyah hu biak rilo ye negar ini meng padeih pakauk. Dalam tuk nan, brah di Ấn Độ daok trun dut saong thun 2022, tok pabak hu bruk blei mbang dalam taneh ia. Tui nan, doanh nghiệp Việt njauk duah thau cambaih khau tin meng gah blei tame piah ba tabiak “tukvak ameh” piah mbaoh tangin pambuak bruk pablei.

" Kol drei jeng mboh dom gah blei tame urak ini jeng daok caong blei tame. kayua yau nan ye ngan haong vụ Đông Xuân thun 2024 jaik tal ye dom doanh nghiệp njauk caga dahlau, tui iek catang jalan ngak, bruk caong di dom darak pasa, gah pambuak bruk blei tame praong".

Pablei tabiak negar langiu brah di Việt Nam dalam thun ini tui kuhria lac glaong abih meng dahlau mai saong lac thun jayah di urang nong, doanh nghiep dalam gah padai brah. Min, tui dom urang ilamo, mayah bruk pablei tabiak negar langiu brah di Việt Nam thun ini mek hu 8 triệu tấn ye tapa thun 2024 dom brah daok kadaong dalam kho meda daok biak takik. Nan ye, dom doanh nghiep njauk caik hatai dalam bruk mbaoh tangin tame harak pambuak bruk, plaih dom bala oh kuhria mboh dahlau hu di gah pabak.

Tui Mintri Ngak nong saong patagok palei pala, padai vu Đông Xuân 2023 - 2024 bhum ĐBSCL meda trun pajaih jaik 1,5 triệu hecta ngan haong sản lượng tui kuhria lac labaih 10 triệu tấn padai, pataom rilo abih di dom pajaih padai pahe, padai hu chat luong glaong piah pabak ka hatai caong dalam taneh ia saong pablei tabiak negar langiu. Dalam tuk nan, tukvak urak ini, rilo taneh ia daok patagok bruk blei tame piah pabak ka bruk daok kurang./.