Phường Đa Kao, Quận 1, TP.HCM hu labaih 25.000 menuac ngan haong 96 tổ dân phố saong 8 khu phố. Meng di tuk số hóa saong peih bruk khik ramik ban thông minh tal urak ini, jabat UBND phường oh daok bruk rahra dak gauk jeng talei atah cang ngak harak gar, cang khan brei thau dom bruk ngak suan gah khik ramik trật tự đô thị…Dom urang mai tapak tal jabat UBND phường trun hu sa mateh.

 50 adat hành chính hu phường Đa Kao peih ngak online pakat 3, 4. Akaok UBND phường hu mbaok tame dalam nyaom zalo di dom khu phố, urang jakar phường hu mbaok tame nyaom zalo di dom tổ dân phố. Tui nan, hu jalan ngak, sarak hagait njauk peih ngak, lac meng phường trun tal rahra tok lac dalam dom pluh minit. Ong Đỗ Hữu Cường, akaok UBND phường Đa Kao brei thau: “Taong abih dom adat, harak gar, dom bruk pathau khan jeng hu phường jhul khang peih ngak di dom website, nyaom zalo, dom mblah wed, ứng dụng salih so piah ka dom bruk ngak hu peih ngak praong dalam. Pambuak bruk nao mai di kanja saong rahra di môi trường số samar, rahra thau hu mbuan lagaih saong cambaih laih jang.”

Ong Nguyễn Hải Hùng, umo 74 thun, lac urang dang akaok Tổ dân phố 49, khu phố 4, phường Đa Kao meng di thun 1980 tal urak ini brei thau lac salih bahrau biak rilo. “Dahlak mboh jalan ngak yau ini biak samar, samar jang rilo mbang dut saong dahlau deih tuk ka oh hu công nghệ. Rahra uan tabuan saong biak njauk hatai. Ngak yau ini lac hu kein laba ka dua gah, mikva jeng hu dom kein lagaih, bruk hu mbaok tame biak samar drah di kanja, gam haong nan kanja pak ini jeng thau hu bruk biak samar drah, langyah bruk samar ka mikva.”

  Jeng dreih yau nan, di dom labik karei di TP.HCM, bruk pandar dữ liệu haong gauk piah langyah dom caong khin di rahra, peih ngak dịch vụ công online pakat 3, 4; bruk pandar công nghệ, padang dom nyaom  zalo tal yaok tổ dân phố piah tacei ba bruk ngak, pambuak bruk haong rahra…daok hu peih ngak biak siam lagaih. Amuk Võ Thị Trung Trinh, Phó Yam ndok Sở Thông tin saong Truyền thông TP.HCM brei thau: “Tuk Ban raya ba tabiak jalan ngak cak rok patagok ban thông minh ye Ban pamaong tal sa ban pabak bruk ka rahra siam di abih, mek rahra ngak pasak dalam salih bahrau bruk pabak dom dịch vụ hành chính công ka rahra. Dalam tukvak urak ini, Ban raya patagok dom jalan pambuak gauk di rahra haong kanja, kanja haong rahra jaik gauk jang. Ngak habar piah ka rahra pambuak bruk hu kein lagaih jang, pasang iek hu siam  jang bruk ngak di kanja.”

Abih di nyu nan lac, Ban daok ngak pasiam saong ba pandar nyaom 5 nền tảng duh ka bruk tacei pato, ba jalan. 5 hệ thống ini gam haong hệ thống pasang iek bruk langyah dom adat hành chính meda pabak bruk ka urang pan akaok Ban raya, dom pakat kanja ban raya tacei pato, ba jalan, dom jabat rahra pok ngak pasang iek meng công nghệ saong dữ liệu khách quan. Ini jeng lac dom bruk praong piah ba jalan đô thị thông minh tui Danak dak di Ban raya./.