Dự thảo Hukum BHXH pasiam veik brei dui katut panak tukvak đóng BH meng 20 thun trun daok 15 thun

Sa-ai Ngô Thị Khoa ngak bruk di Cty TNHH Italisa Việt Nam, labik ngak kong Song Khê - Nội Hoàng, tỉnh Bắc Giang tal urak ini hu labaih 8 thun saong sa-ai jeng hu 8 thun đóng BHXH. Sa-ai Khoa ngak bruk di xưởng ngak dom pandap vệ sinh, pandap sang ging ngan saong 2 ka ngak bruk lac ka mesup meng mon 7 meteh tal mon 4 meteh biar harei,  ka melam meng mon 7 meteh melam tal mon 4 meteh sabuh mesup. Di umo 46 thun, sa-ai Khoa kham merat biak rilo meng pabak hu bruk ngak tui ka yau nan.

Daok tui sa-ai Nguyễn Văn Hải, urang ngak di Cty TNHH Jhik saong Pablei salih đồng phục Việt Thắng, Bắc Giang, rilo doanh nghiệp tuk halei jeng ndom lac kan pilih ruah hu urang ngak, min tukvak tapa, hu oh takik doanh nghiệp duah jalan brei padeih dom urang ngak umo mangaok 40-45 thun piah khik kajap năng suất saong chất lượng pandap ngak. Nan ye sa-ai Hải caong khin Rajaei ramik veik hukum, trun thun blei BHXH piah khik quyền lợi di urang ngak, saong tapa nan jeng patrun, patakik bruk urang ngak suak mek BHXH sa mbang: “Urang ngak yau dahlak caong hu prein yava, ngak tui ka nan ye oh thau ngak hu tal umo 60 thun halei oh, atau dom menuac tapa umo 45 thun meda njauk dom Cty brei padeih, bo cang tukvak blei bảo hiểm ginup 20 thun lac biak kan kandah ngan saong urang ngak.”

Di danak dak Thủ tướng Rajaei taom gaok, ndom biai nao mai haong urang ngak rah tabiak bahrau ini, ong Đào Ngọc Dung, Akaok Mintri LĐTBXH brei thau: anak dom caong khin patrun dom thun blei bảo hiểm di urang ngak, Mintri daok dang tabiak padang ngak Dự thảo Hukum BHXH pasiam veik, dalam nan, brei trun  daok 15 thun saong meda trun tal 10 thun: “Bruk ramik pasiam veik Hukum BHXH, urak ini hu ngak salah bloh ngan saong 11 nyaom sarak salih bahrau bảo hiểm saong Quốc hội brei adat thun 2023 pok tagok Quốc hội. Dalam dom nyaom ini, kol drei brei trun tukvak blei BHXH. Dahlau daih, kol drei tabiak adat lac 20 thun. Dự thảo brei trun daok 15 thun saong yam tal 10 năm, tui jalan đóng rilo hu mbang rilo, đóng takik hu mbang takik ka nyu công bằng.”

Jeng tui ong Đào Ngọc Dung, dự thảo Hukum BHXH pasiam veik hu tagok jang bruk pambuak gauk di dom nyaom BHXH haong gauk, khik kajap quyền lợi ka urang ngak. Gam haong nan, ba tabiak sarak piah pachreih urang ngak blei bảo hiểm atah jang. Langiu di nan, brei langyah catang dom bruk kan kandah di urang ngak piah kateik urang ngak blei salih, salih sổ bảo hiểm piah patrun patakik bruk suak mek BHXH sa mbang.

Urak ini taneh ia drei hu 55 triệu urang ngak, dalam nan hu jaik 20 triệu urang hu harak pambuak bruk ngak, min bahrau hu 16 triệu urang blei BHXH bắt buộc. Ini lac biak biar. Kayua yau nan ye, piah dui pachreih urang ngak blei bảo hiểm xã hội halan hatian, taphia dom bruk ramik veik Hukum BHXH, bruk kham merat salih bahrau thủ tục hành chính dalam bayar jien di gah BHXH, ye brei hu bruk ba tangin tame di bhap bini saong dom kapul nyaom chính trị xã hội, piah ngak brei salih bahrau khang kadang saong siam lagaih dalam jalan sahneng di đơn vị, doanh nghiệp pandar urang ngak saong bol bhap rahra ka Bảo hiểm xã hội./.

 Urang lang: Mousa Phương – 16/06