Tal bac di Sang bac tiểu học xã Song Tử Tây, huyện pulao Trường Sa lac tal bac ghép, hu 6 anek saih, parabha jeng 2 kapul di 2 khối lớp. Dom thun tapa, daok kan kandah min bruk pato pakai di huyện Trường Sa hu ngak njauk tui bruk ba tabiak, taong abih anek saih jeng pabak hu prein bac. Dalam huyện hu 3 sang bac Tiểu học, dom gru pato hu pilih ruah, ba mai, hu daong paglaong siam mekre bruk pato saong bac. Gru Nguyễn Hữu Phú, lac gru pato di Sang bac Tiểu học Song Tử Tây, huyện Trường Sa brei thau:“Tal bac ghép hu anek saih bac glaong – biar karei di gauk, pato bac jeng gaok kan kandah, glaih glar jang pato di baoh taneh. Daok di pulao atah  di sang, uan sang biak rilo. Drei rik hasit prein yava di drei brei ka taneh ia. Adei sa-ai, urang jakar, urang lin, bhap bini daok pak ini jeng caik hatai sangka rilo.”

Salih bahrau praong abih di huyện pulao Trường Sa dalam dom thun tapa lac dom cơ sở hạ tầng. Langiu di 3 sang bac, mangaok dom pulao hu 10 bilai y tế, 9 baoh baha, 2 sang ilamu meng kan, 1 cầu cảng, 1 mblang kapal haoh, 2 palei ngak ikan… Taong abih dom baoh sang di bhap bini hu padang ngak khang kajap, praong, mekre; thông tin liên lạc, jalan mbak nao mai, jalan bê tông, labik padang piah ia taba, hu padang ngak ginup. Abih di nyu lac, dom năng lượng hacih meng điện ngin, điện ia harei hu buh jien tame ngak, daong ngak brei salih bahrau khang mbaok meta, raidiuk di mangaok dom pulao.

Dom sang bhap bini daok mangaok dom pulao hu karja tacei pato, daong ba, palagaih brei patagok kinh tế, raong glang saong glang iek phun pala, taong cap kaya ikan lagaih haong bruk di tasik. Yaok sang daok dalam sa baoh sang praong 70 m2 hu padang ngak gheih, mekre, khang, kajap, hu ginup bilik tuai, 2 bilik ndih, sang ging saong pandap pandar yaok harei, yau papan ndih, tu, tivi… Sa-ai Nguyễn Thị Lan, sa urang daok di xã Song Tử Tây, huyện Trường Sa, tỉnh Khánh Hòa brei thau: “Kol dahlak mboh lac raidiuk sron mbon, drei kham merat pala drak, taong cap kaya ikan jaik pulao piah duh ka raidiuk yaok harei. Biak thau dhar phor bruk sangka, pachreih ba di dom jabat, kapul nyaom di baoh taneh hu klah rabha piah ka raidiuk kol dahlak di pulao hu ginup jang.”

Huyện pulao Trường Sa, tỉnh Khánh Hòa urak ini hu padang ngak 4 “âu tàu”, lac: Song Tử Tây, Đá Tây, Trường Sa, Sinh Tồn haong dom Pasak dịch vụ duh ka bruk ngak ikan. 5 thun tapa, Đồn Biên phòng Trường Sa hu taduan raok jaik 390 kapal, gilai gam haong jaik 6.000 urang ngak tame plaih, daok dalam âu tàu di dom pulao, labaih 440 urang nao tasik hu cấp cứu kayua njauk bala tuk ngak bruk di mangaok tasik.

Peih ngak Sarak ka 09 /2022 di Mintri Chính trị ka dak padang, patagok tỉnh Khánh Hòa tal thun 2030, pamaong tal thun 2045, huyện pulao Trường Sa pataom tame padang ngak năng lượng, labik halang ia tapa hu công suất praong pambuak haong padang ngak cơ sở hạ tầng dom labik dịch vụ duh ka bruk ngak ikan. Tapa nan, peih tabiak jalan ka bhap bini taong cap kaya ikan, cakrok kinh tế.

Ong Lê Đình Hải, Akaok UBND huyện Trường Sa, tỉnh Khánh Hòa brei thau, huyện Trường Sa mek padang ngak chính trị ngak jalan piah paglaong siam mekre abih gah, gam haong nan, buh prein tabiak piah cakrok KT, ilamu, XH, khik kajap an sinh, pacang caga bala meng langik tasik,  cứu hộ cứu nạn: “Urang lin saong bhap bini huyện Trường Sa khang hatai thau cambaih saong peih ngak jayah Sarak 09 di Mintri Chính trị, dalam nan, pataom tame pambuak gauk khang kajap, patagok KTXH saong quốc phòng- an ninh. Jhul khang bruk padang ngak saong cakrok huyện Trường Sa jeng pasak kinh tế, ilamu, XH di mangaok tasik di taneh ia, lac labik khang kajap khik caga quyền ngak po tasik, pulao di taneh ia”./.