Bruk salih bahrau gah ngak mbang, ilamu, bhap bini di bhum taneh Ðồng Tháp Mười ngak ka dom urang nao atah palei tuk hu mbang mai veik jeng mboh tatuak drei. Rilo sang bac, sang kiak pakacah gauk tamuh tagok. Bein phun mbang baoh bak 1 sambo mau hijao atah. Rilo khu, cụm công nghiệp hu padang tagok saong daok dalam tuk peih praong…

Tukvak tapa, hu bruk sangka buh jien tame ngak di Trung ương, klau tỉnh Tiền Giang, Long An, Ðồng Tháp hu peih praong dom jalan roya, jalan tỉnh hu bruk pambuak gauk di dom tỉnh saong dom bhum. Urak ini, dom jalan nao mai mbuan lagaih tapa grauk bhum hu tuh bê-tông nhựa, jalan bê-tông samu tapak atah lahik meta maong... Jalan mbak dak harei dak hu ngak siam, abih di nyu lac jalan nao mai dalam palei hu cakrok khang kadang, pabak ginup bruk nao mai di bhap bini, bruk pablei salih pajeng ba pandap panda dalam bhum…

Gam haong jalan nao mai, thủy lợi hu ngak siam ye brei kuhria tal bruk ngak mbang duah jien ka bhap bini. Huyện Tân Thạnh (Long An) daok mangaok bhum taneh lakhun Ðồng Tháp Mười, jaik haong huyện Tân Phước (Tiền Giang); dua huyện Tháp Mười saong Tràm Chim (Ðồng Tháp). Tal urak ini, urang ngak nong huyện Tân Thạnh hu salih labaih 1.000ha taneh ngak padai takik kein laba tapa pala durian, kruac bung klik hijao, kruac aik oh hu asar, panat Thái… Meng nan, rilo urang ngak nong paglaong jien mek tame, yam tagok ngak kaya meda.

Tui UBND huyện Tân Thạnh, huyện daok ramik ngak xã Tân Lập lac bhum pala phun mbang baoh pambuak haong labik ravang me-in bein. Huyện padang hu klau mã số bhum pala ka phun durian ginup paka pablei tapa tal dom darak pasar praong di mangaok dunya.

Piah paglaong jien mek tame ka urang nong, tỉnh Ðồng Tháp daok peih ngak Danak dak rami ramik veik gah ngak nong. Huyện hu pilih ruah gah pandap praong lac padai brah, pa-ok, bingu kiểng, ikan pra piah ramik veik bruk ngak tui jalan trun yaom phun, ngak tui tanut chuẩn GAP, pambuak sản xuất haong pablei pandap, paglaong chất lượng kaya nong tapa bruk pandar ilamu kỹ thuật bahrau.

Min piah cakrok khang bhum Ðồng Tháp Mười, tỉnh Tiền Giang daok peih praong dom ribaong tathuak ia sua, pasiam dom ar pacang pakat bhum piah pacang ia sua ka dom labik pala menaih pambuak haong jalan mbak nao mai dalam palei, padang dom danak dak dalam mblang hamu ba ia ka bruk ngak nong.

Ong Nguyễn Văn Khang, dahlau daih ngak Chủ tịch Ủy ban bhap bini tỉnh Tiền Giang mboh lac, njauk patagok kinh tế bhum Ðồng Tháp Mười tui jalan ngak nong khang kajap, sangka rilo tal bruk biến đổi khí hậu saong kan kandah di nyu. Meng nan, dom puk palei hu jalan ngak tabiak rilo pajaih padai, phun pala, athur raong piah lagaih haong biến đổi khí hậu.

Rilo chuyên gia jeng mboh lac, njauk pandar ilamu công nghệ bahrau piah ba công nghiệp sản xuất tame khik kajap hu môi trường sinh thái. Dom khu, cụm công nghiệp brei hu sang mac langyah ia nerak praong. Bhap bini Ðồng Tháp Mười brei diukrai lagaih haong biến đổi khí hậu… Kol drei oh njauk lac pacang ia sua tal got tal gha bo njauk ngak ar pacang tui jalan pasang iek hu ia sua. Ðồng Tháp Mười jeng brei kuhria tal bruk khik piah ia taba piah khik kajap ka hệ sinh thái.

Dom chuyên gia taong yaom, Ðồng Tháp Mười lac bhum taneh dauk ia hu yaok ratuh janih athur, phun kayau quý hiếm. Pandap pak ini jeng lac padai brah, baoh kayau, kaya ikan, caraih, ikan hamu saong phun jru. Piah cakrok patagok siam prein khang di bhum taneh ini, 3 tỉnh Long An, Tiền Giang saong Ðồng Tháp brei patui bruk klah rabha dom kaya pandap hu meng langik tasik ka nyu lagaih piah mek hu bruk pachreih tui glaong saong pamaong tal cakrok patagok khang kajap./.

Urang lang: M.Phuong