Sa di dalam baoh xa ngak nong daok di huyen Krông Ana, tinh Dak Lak, xa Bình Hoà gaok ralo kan daman dalam bruk padang palei ngak nong barau, dalam nan hu tanut taka brei ka adat hukum di jalan mbak. Gam haong bruk kham marat di pakat uy Ndang, karja xa dan haong sa hatai di bhap bini, xa Bình Hoà taduon hu tanut palei ngak nong barau di thun 2017. Tal ini, xa daok paganap, paglaong dom tanut brei ka xa mek hu tanut palei ngak nong barau glaong jang. Muk Nguyễn Thị Hiền Trinh, akaok Uy mban Mat tran to quoc Viet Nam xa Bình Hòa brei thau lac:

“Tuk padang danak dak ngak nong barau ye yaok thun gah dân vận, mặt trận jeng hu peih di palei, piah dakwah brei ka bhapbini mboh praong di danak dak yau habar, piah ka mikwa bhap bini ba hatai daong ba di drei tame... Tal ini labaih 99% dom jalan nao mai dalam hu abih bê tông hoá.”

Gam haong xa Ea Sol, huyen Ea Hleo, tame bruk padang palei ngak nong barau meng thun 2011, di angak taneh praong, manuac urang daok takik, jien mek tame yaok akaok manuac daok bier, jalan mbak nao mai oh ka siam, gilang jien nagar jeng daok kurang. Ndang bo, karja xa Ea Sol brei njauk ngak dalau bruk patagok rai diuk, patagok jien mek tame di bhap bini, meng patagok hu prein padang palei ngak nong barau. Dalam nan jak ba urang ngak nong pandar ilamu jammariak barau tame bruk ngak mbang pala raong, ka njauk ka lagaih ka hu yaom mek tame glaong jang. Ong Hoàng Trở, akaok kapul pahasa urang ngak nong xa Ea Sol brei thau lac,  xã hu angan xã palei ngak nong barau thun blaoh:

“Pasalih janih phun pala, bad om janih phun hu yaom kinh te glaong tame bruk jak ba mik wa urang ngak nong pataom tame pala yau ye phun: durian, maka, durang pahe... piah bam ai yaom kaom kein raba glaong jang.

Gam haong ralo bruk ngak dah karah lagaih haong bhum bhaok puk palei, dalam nan hu bruk brei pachreih dom pakat đảng haong urang ndang, tal ini, taong abih dalam tinh Dak Lak hu 78/151 xa palei ngak nong barau, 5 xa palei ngak nong barau glaong jang, 1 labik pakat huyen (Buon Ma Thuot) ganap blaoh bruk padang palei ngak nong barau. Yau habar tal thun 2025, Dak Lak hu 100 xa, 4 pakat huyen hu angan palei ngak nong barau.

Piah ngak hu bruk ini, ong Nguyễn Đình Trung, Uy vien Ndng pakat nagar, Bi thu pakat Tinh Dak Lak brei thau lac, tinh daok patagok bruk brei paglaong ilmu saneng bruk ngak di pakat uy, karja dom pakat haong taong abih danak dak politik dalam padang palei ngak nong barau.

“Tinh hu ngak danak dak cambac, xa halei hu tanut hagait ye tinh brei ngak ka cambac tanut nan yau danak dak brei tabiak. Piah luac di nyu brei patagok kinh te xa hoi jeng ieu lac ngak ka plai pal siam jang, rai diuk di mikwa hu patagok, danak dak politik pakat palei khang karo jang.”

 Pachreih paglaong bruk ngak di urang pan akaok pakat uy, palagaih ba bruk di karja dan haong bar up tame di bhap bini rahra pacah gauk tame bruk “Dak Lak ba prein yava padang palei ngak nong barau”, dom dom puk palei boon srok di tinh Dak Lak daok dak harei dak mboh dah krah siam makre, raidiuk mikwa dak harei dak tagok karo./.