Lac sa dalam dom bhum du lịch praong dalam taneh ia, Đông Nam Bộ pataom hu biak rilo kein lagaih, prein khang piah cak rok patagok dom janih, dom pandap du lịch, dui pachreih hu rilo tuai yau ye du lịch sinh thái glai, sinh thái tasik – kaoh pulao, du lịch bhap bini, du lịch ilamo, pandap mbang, du lịch MICE… Min di rilo tinh, ban dalam bhum Đông Nam Bộ, bruk cak rok patagok khang gah "kinh tế oh hu thak" jeng ka oh samu haong prein khang. Dom tuai mai ma-in daok veik lavik harei di dom tỉnh daok bier, rilo labik tal bahrau tok pachreih hu tuai di tuk puac adit.

Tiến sỹ Lê Văn Khoa, sang bac Đại học Thủ Dầu Một – Bình Dương mboh lac, pandap du lịch di dom tinh, ban daok biak takik janih, mbuan ngak ka tuai lah matah. Chất lượng pandap du lịch oh glaong, ka oh ginup prein dui pachreih tuai du lịch saong prein maraik gauk haong pandap du lịch dalam bhum.

Sarak ka 24 di Mintri Chính trị ka bruk cak rok patagok kinh tế - xã hội saong tani tanat quốc phòng, an ninh bhum Đông Nam Bộ tal thun 2030, pamaong tal thun 2045 hu ndem tal rilo bruk ngak, jalan ngak ka bhum. Sarak brei thau cambaih: Cak rok patagok bhum jeng pasak dịch vụ di bhum Đông Nam Á ka jien padai, pablei salih, du lịch, mbeik drei tame dunya, cak rok patagok dịch vụ hu chất lượng saong yaom tagok glaong dalam dom gah jien padai, gilang paraik, bảo hiểm; công nghệ thông tin - viễn thông, Ilamo - công nghệ; du lịch, logistics...

Lambaok ka dom tinh, ban bhum Đông Nam Bộ jeng ndom lac, sarak ka 24 daok peih tabiak dom siam lagaih bahrau ka cak rok patagok kinh tế - xã hội dalam bhum, dalam nan hu gah Du lịch – sa dalam dom prein khang di Đông Nam Bộ. Piah peih ngak hu kein laba, yaok tinh, ban jang yeu dalam bhum brei hu rilo jalan ngak samu gauk, ngak khang jang.

Tui Thứ trưởng Mintri Ilamo, Thể thao saong Du lịch Đoàn Văn Việt, dom tinh, ban, doanh nghiệp du lịch, dịch vụ di Đông Nam Bộ njauk patui veik buh jien tame cak rok patagok pandap panda, ngak brei hadah jang angan je di du lịch bhum, padang tabiak dom danak dak du lịch pachreih hu tuai damuai, salih bahrau biak khang meng asal kadha tal jalan pachreih bruk yaih khan, pambuak gam yaih khan online di mangaok dom nền tảng số; paglaong siam lagaih bruk pandar công nghệ dalam khik ramik saong pambuak gauk cak rok patagok du lịch.

Urang par akaok UBND ban raya Hồ Chí Minh hu panuac lac, dom tinh, ban Đông Nam Bộ njauk padang ngak dom pandap du lịch tui jalan cak rok patagok prein khang di yaok labik, ngak jeng bruk pambuak gauk “6 tinh, ban sa labik tal”. dalam nan,  TP Hồ Chí Minh lac pabah mbang, lac labik akaok jalan pambuak haong dom tinh, ban dalam taneh ia saong gam dunya di abih tih dom janih pandap panda. Kayua yau nan ye, mayah peih ngak siam bruk pambuak gauk, Đông Nam Bộ meda hu “jalan du lịch" hu rilo prein khang, patagok jien mek tame, pachreih hu rilo tuai damuai.

Tỉnh Bình Phước jeng daok pasang iek, padang ngak dom tour du lịch pambuak haong bruk roh duah, ba drei tame. Dalam nan hu pambuak haong Labik khik ramik ilamo bangsa S’tiêng sóc Bom Bo, labik Du lịch trảng cỏ Bù Lạch ngan haong dom pandap du lịch ba drei tame di mangaok khinh khí cầu, thể thao; sangka du lịch rah tui jalan cao tốc Chơn Thành (Bình Phước) - Gia Nghĩa (Đắk Nông). Gam tui di nan, cak rok patagok dom tour du lịch tâm linh, du lịch padeih padai sangka prein yava tui jalan đông y.

Tỉnh Bình Phước saong Tây Ninh jeng pambuak gauk padang ngak dom tour du lịch pambuak haong dom labik du lịch yau ye Tòa Thánh Tây Ninh, labik du lịch Ceik Bà Đen, Căn cứ Trung ương Cục miền Nam, labik inem krung Bộ Chỉ huy Miền Tà Thiết, labik khik ramik ilamo bangsa Stiêng Sóc Bom Bo, tagok prein dui pachreih ka dom pandap du lịch dom tinh, ban di bhum Đông Nam Bộ.

Meng dom jalan ngak, sarak hu tacei tabiak cambaih laih, dom jalan ngak samu gauk hu dom gah, dom tinh, ban ba tabiak, dalam tukvak anak tal, Du lịch Đông Nam Bộ meda hu dom salih bahrau,  ngak jeng sa dalam 7 bhum du lịch praong di dalam taneh ia./.