Kong ty nho Ba Mọi hu 7 pandap OCOP nan lac danui nho that, medal thu, patei thu, siro nho Phan Rang, alak vang nho. Hu bruk pachreih saong daong di So Ngak nong saong Patagok palei pala, Kong ty hu peih praong bruk ngak tabiak pandap tui chuoi gia tri, buh jien tame labik ngak tabiak medal pala hacih hu pacang halam njol praong 5 hecta, brei ngak salah bruk papaok pandap, meng nan hu tame bruk ngak tabiak pandap medal OCOP that. Urak ini, kong ty hu pdang ngak lubang ham padang alak praong 500 met vuong gah dalam hu pagam mac ngak la-ar, alak tamo hu padang dom thung ngak meng kayau sồi, kayau meng phun ngo, khik brei alak tagok paiy hu bingi pahe. Ong Nguyễn Văn Mọi, Yam ndoc Kong ty TNHH ngak tabiak, pablei salih, jitvu nho Ba Mọi Ninh Thuận khan lac:

“Meyah oh hu bruk daong di dom pakat yau So Ilamo kong nghe, So Ngak nong saong patagok palei pala, Kapol urang ngak nong  ye meda lac khol dahlak oh ngak hu yau ini.”

Ngan haong dom pandap OCOP kaya pandap, bruk pasang iek  pandap hacih sa-at lac brei ngak dahlau. Chi cuc Khik iek kaya ikan dalam ia tinh Ninh Thuan bhian brei urang jakar  tui iek bruk ngak tabiak pandap panda, pasang iek pandap tamo. Bhian mek mau dut iek vi sinh, jru khik caga phun pala saong dom janih jru karei piah sumu atah klak saong kakei dom pandap ngak jhak tal prein yawa. Ong  Đặng Văn Tín, akok chi cuc khik iek kaya dalam ia tinh Ninh Thuan khan lac: 

“ Piah daong ka doanh nghiep daong ka dom labik ngak pandap ye khok dahlak brei ka dom urang jakar ky thuat di drei tal dom bhum palei piah tacei pato dom bruk ngak brei hacih, khik piah, papaok tui tanut chuan ka bruk hacih sa-at pandap mbang.

Ngan haong dom tanut ka bruk yaih khan pandap tal urang blei, urak ini So Ilamu kong nghe, So Kong thuong…daok kham merat daong dom đơn vị peih bruk pablei salih di angaok online, tui nan daong dom đơn vị hu mbaok tame dom nyaom darak pasar pablei salih, padang ngak dom labik pablei salih dom pandap OCOP di dom bhum palei.

Ong Kiều Tán Đạt, Akok Chi cục patagok palei pala tỉnh Ninh Thuận khan lac, pandap OCOP lac pandap siam karei di tỉnh, nyu karei kayua bhum taneh labaih pandiak hangin kurang hajan, yau nyo, medal, lathun toi, rabung mangtay saong nha ndam. Kaya pandap OCOP ini lac sa dalam dom tanut ngan haong xa kham mek hu angan palei pala birau paglong, kayua yau nan tuk halei dom bhum palei, dom pakat, dom gah sangka kuhria ba mbuan lagaih piah patagok.

Mbiah tal ini, Ninh Thuan hu 182 pandap OCOP di dom gah yau yulit palei ngak kaya kan meng tangin, pandap mbang ia menyum meng phun jru krih. Yau nan min, tok hu dom pandap 3-4 patuk, oh ka hu dom pandap mek hu 5 patuk. Gam haong bruk cak rok patagok 37 pandap birau yau kuhria, dom jabat di tỉnh, dalam nan jabat ngak po lac So Ngak nong saong patagok palei pala peih ngak dom jalan piah peih ngak dom nyaom tanut taong yaom piah patagok labik sang angan  dom pandap OCOP dahlau nan.

Danak dak yaok sa xã sa pandap iew katut lac OCOP oh lac daong urang ngak mbang pablei salih hu siam bruk ngak tabiak tui jalan padap hacih bo daok paglong jien mek tame saong angan je kaya pandap. Ini oh lac ba mai lagaih bo daok lac bruk kan kandah piah dom labik ngak tabiak pandap panda paglong kaya siam tal urang blei./.