Urang ilamu hu jalan ngak gheih ba ilamu bahrau tame pandar 

  Ong Bùi Văn Tâm, daok di palei  Phước Bình, xã Phước Chỉ, ban sit  Trảng Bàng, tỉnh Tây Ninh brei thau, akaok thun  2021, sa mbao  50kg khak buh ka phun padai yaom labaih  500 ribau đồng,  min, urak ni yaom labaih 1 triệu đồng 1 mbao, nan ye, phun jien ka yaok ha padai  jeng tagok meng 5 triệu đồng tal 7 triệu đồng sa ha. Jeng tui ong Tâm, kein laba meng phun padai lac bier jang dut song dom janih phun pala karei, ye urak ni dak kan kandah jang. Ong Cao Văn Thả, Yam ndok  Hợp tác xã dịch vụ ngak nong Phước Bình, xã Phước Chỉ, huyện Trảng Bàng, tỉnh Tây Ninh brei thau, thun 2018, anak bruk pala ngak dak harei dak kan kandah di phun padai, nan ye, ong song rilo mik va urang nong khang hatai padang Hợp tác xã dịch vụ ngak nong Phước Bình piah pambuak gauk veik, duah dom doanh nghiệp prong , hu angan je mbaoh tangin pambuak bruk blei veik abih ngak hu, piah khik kein laba ka mik va urang nong.

Meng harei Hợp tác xã dịch vụ ngak nong  Phước Bình mbaoh tangin song  Công ty TNHH dịch vụ ngak nong  Lộc Trời (labaih 2 thun ) tui jalan meng pabak pajaih padai, pandap ngak nong, ilamu pala drak song blei veik abih padai ngak hu di mik va urang nong lac urang di hợp tác xã, nan ye rahra hu laba tani tanat, meng tuk mboh hu kein lagaih, mik va likau tame hợp tác xã dak harei dak rilo, song urak ni, hu labaih   50 urang.

Urak ni, piah patrun, patakik phun jien pala ngak ka dom urang dalam HTX,  Hợp tác xã dịch vụ ngak nong  Phước Bình meda pambuak bruk  song Công ty Lộc Trời peih bruk pruh jru meng kapan haoh oh hu urang peih, piah trun jien pah urang ngak ka mik va, gam song nan patak pataom hu jru khik caga phun pala. Ngan song yaom khak drak, hợp tác xã hu ginum biai song gah Lộc Trời , piah hu yaom khak drak, jru khik ramik phun pala bier jang gah langiu drak pasa  meng  20-100 ribau đồng sa pandap ngak nong tui janih.

Di Tây Ninh, dalam 2 thun jiak di ni Công ty TNHH dịch vụ ngak nong Lộc Trời hu pambuak bruk hong  8 hợp tác xã song 7 kapul pambuak bruk, ngan song taneh prong abih tih 1.153 ha, năng suất hu 8 tấn sa ha. Dalam tuk mik va  eng drei pala ngak di gah langiu, oh hu mbaok tame bruk pambuak gauk nan ye, năng suất tok hu meng  6-7 tấn/ha.

Ong Phạm Thanh Nhân, Yam ndok bhum Tây Ninh, Bình Dương, Bình Phước di  Công ty TNHH dịch vụ ngak nong Lộc Trời brei thau, tui sarak mbaoh tangin  di  công ty song dom  hợp tác xã, kapul pambuak bruk, Lộc Trời meda buh jien tabiak ka mik va  song brei mesraiy meng akaok tal puac  vụ yau  pajaih padai , khak drak, jru khik caga phun pala , abih di nyu nan lac, tal puac vụ công ty blei veik tong abih padai bo mik va ngak hu tui yaom di drak pasa, tui jalan khik kajap kein laba di công ty song oh ngak kan kandah tal kein laba di mik va urang nong. 

Ong Hà Thanh Tùng, Yam ndok pasak pachreih nong tỉnh Tây Ninh brei thau: “Urak ni, Pasak pachreih nong tỉnh Tây Ninh dok pambuak bruk song dom jabat ngak iek bruk  padai - ikan, padai - hadang mangaok mblang padai hữu cơ,  ba tabiak ka urang nong ngak piah tagok jien mek tame di mangaok yaok  ha padai. Bruk pambuak  4 gah, Karja hu dong brei mesraiy yaom laba lap ka dom hợp tác xã (lambaok ka urang nong mesraiy phun jien); sarak pachreih nong  dong pajaih, pandap panda, pachreih urang nong pandar ilamu kỹ thuật song ieu dom doanh nghiệp hu mbaok tame bruk pabak, blei veik abih padai brah ngak hu ”.

Abih tih mblang taneh pala padai di Tây Ninh, urak ni hu labaih 40.000 ha, pataom rilo di dom huyện yau Gò Dầu, Bến Cầu, Châu Thành song ban Trảng Bàng; dok dom labik karei  lac padai 1 vụ, hu pala di bilan hajan  (vụ mùa). Urak ni, hu 3 công ty hu mbaok tame blei veik abih padai brah di taneh praong abih tih labaih 3.000 ha.

Dalam tuk gah ngak nong dok gaok rilo kan kandah, tavak tavaiy kayua phun jien buh tame ngak tagok glong, bo yaom pablei kaya nong kan tagok samu, kayua yau nan ye, pambuak "4 gah" dak hu makna prong, brei ngak ka nyu khang kajap jang, dong ka urang nong paglong yaom ngak tabiak kaya nong, patagok jien mek tame./.

Urang lang: Hanipha- 24/6