Labik ilamu Ho Chi Minh di quận Phú Nhuận

Ong Karimlos - urang dalam Mban quản trị Surao Nourul Ehsan, Phường 17, quận Phú Nhuận brei thau, hukum di mikva urang Cam hu rilo paka pato brei diukrai siam mekre, kein ka puk paga, oh menyum alak, oh ma-in mbia, diukrai hacih sa-at saong abih di nyu nan lac brei patak pataom…Kayua yau nan ye, meng dom baoh tapuk, dom harak gar ndem ka Wa Ho hu prang iek di surao  ini, UB bhap bini phương 15 pambuak saong Mban quan tri surao ba thaot binguk, kareih camin Wa Ho lac biak jiak haong bhap bini bangsa.

Labik ilamu Ho Chi Minh oh lac labik parang iek dom harak gar, thaot binguk ka raidiuk, bruk ngak cách mạng di CT Ho Chi Minh bo daok lac labik piah ka bhap bini Cam taom gaok, ndem meyai nao mai  dom kadha drei bac hu meng Wa. Meng nan khan veik ka anek taco drei thau ka hatai anit ranam di Wa Ho  brei ka bhap bini  dom bangsa, dalam nan hu bangsa Cam. Muk Saydah, daok di P15, quận Phú Nhuận brei thau: “Tapa Labik ilamu Ho Chi Minh daong ka khol dahlak hu thau rilo jang dalikan ka Wa Ho praong uranam…”

Sa kadha biak gheih nan lac di Surao Nourul Ehsan, Phường 17 meng rilo thun ini mai, Tuan Musa Kariem jeng hu peih tal bac sap Cam ka dom anek kamuan bangsa Cam. Dom harei rah tabiak labik ilamu  Hồ Chí Minh, tal bac akhar huroh Cam mboh chreih chrai jang, bui sambai jang kayua dom adei hu bac dom baoh tapuk ka Wa Ho, hu thau ka Làng Sen palei Wa, thau ka Bến cảng Nhà Rồng, Kalan CT Ho Chi Minh…Tuan Musa Kariem brei thau, rilo rup cih, thaot binguk, harak gar ka Wa Ho jeng hu lang tapa sap Cam nan ye dom adei biak takre bac.

Muk Trương Kim Thịnh Phát, Akok Kapol urang Kumei P15, quận Phú Nhuận brei thau, bruk peih “Labik ilamu Ho Chi Minh” oh lac sa mbang sinh hoạt chính trị piah ba sarak XI di Đảng bộ Ban raya HCM tame raidiuk bo daok lac harei pataom praong di bhap bini, tapa nan pambak tabiak jalan sahneng, jalan diukrai, jalan ngak bruk  di CT Ho Chi Minh tal bhap bini dom bnagsa dalam ban:

  “Dahlau diah, mikva urang bangsa Cam takik hu mbaok tame dom bruk  di labik daok, tuk labik ilamu Hồ Chí Minh hu peih tabiak, mikva angui cuk khan ao bangsa  drei mai hu mbaok biak rilo, biak sambai. Mikva mboh hu dom dalikan di Wa Ho  biak mbuan mbiah saong lagaih haong raidiuk yaok harei di mikva. Tapa nan, mikva daok mboh hu dalam raidiuk yaok harei drei jeng rik daong ka bruk cak rok patagok palei pala.”

Labik Ilamu Ho Chi Minh hu parang tabiak di rilo labik agama saong di labik daok di bhap bini dalam Ban raya Ho Chi Minh ngan haong rilo jalan ngak karei di gauk piah pambak tabiak jalan diukrai di Wa Ho tal yaok rahra. Tapa nan, daong ka yaok rahra  hu njom tame jalan sahaneng, jaln diukrai di Wa Ho piah bac megru  saong ngak tui panuac tacei pato di Wa, ba tangin tame padang Ban raya Ho Chi Minh dak harei dak siam mekre, salih birau, bak hatai anit ranam gauk./.

 Urang lang: Ai Nghiem – 12/10/2022