Rayo papar sap Nam Trung Bộ lac sa dalam dom danak dak kỹ thuật praong kayua Karja buh jien tabiak ngak saong Rayo sap ndom Việt Nam hu jao bruk padang ngak, khik iek saong ba pandar. Đảng bộ, karja saong bhap bini tỉnh Ninh Thuận hu caik labik taneh praong labaih 16 héc ta, daok di xã Phước Dinh, huyện Thuận Nam, tỉnh Ninh Thuận piah padang ngak Rayo papar sap.

Meng ilamu kỹ thuật bahrau, Rayo papar sap Nam Trung Bộ meda pabak riyak khang, tani tanat, gam gam dom danak dak papar sap angaok Kênh Thời sự (VOV1) saong Kênh Đối ngoại (VOV5) di Rayo sap ndom Việt Nam, pabak khau tin, chính trị, bruk ngak mbang, kinh tế, ilamu, xã hội tal rilo urang pang rayo daok di labik dom tỉnh tapen tasik Nam Trung Bộ, bhap bini, urang lin daok ngak bruk di labik bhum tasik pulao kaoh Trường Sa di Việt Nam saong tal dom thuỷ thủ taneh ia langiu angaok dom kapal gilai dunya.

Tui Phaok Tong Yam ndok Rayo sap ndom Viet Nam Vũ Hải Quang, labik dom tỉnh tapen tasik Nam Trung Bộ hu biak rilo kapal gilai di urang taong ikan daok taong cap kaya ikan angaok tasik saong dom gah chức năng, bhap bini daok diukrai, ngak bruk angaok dom bhum tasik, dom pulao dalam pulao kaoh Trường Sa. Nan ye bruk pathau khan jalan ngak, sarak di Đảng, hukum di Karja, jeng yau pabak dom khau tin tacei jalan saong pato tacei gah taong cap kaya ikan njauk adat hukum, khau tin ka bruk langik tasik, ka bala di langik tasik ka bhap bini saong dom gah chức năng thau tapa riyak papar sap lac bruk hu makna biak praong. Meng Rayo papar sap Nam Trung Bộ, dom gah ngak bruk angaok tasik hu pang rayo haong sap yava biak cambaih laih yau di angaok baoh taneh:  "Tuk urang taong ikan tabiak tasik taong cap kaya ikan atah di baoh taneh yaok ratuh hải lý, mbleing mblang angaok tasik yaok bilan, di langiu nan riyak di động jeng oh hu, riyak truyền hình meng vệ tinh ye bhap bini oh blei hu jamriak thu truyền hình meng vệ tinh ka kapal gilai nao mai oh daok sa labik. Nan ye tok hu sa jalan ngak nan lac pabak riyak atah meng dalam baoh taneh tabiak. Nan lac labik pabak dom khau tin ka kinh tế, ka chính trị, ka ilamu xã hội….ka bhap bini tuk nao taong cap kaya ikan angaok tasik.."

Tỉnh Ninh Thuận hu daong palagaih ka Rayo sap ndom Viet Nam peih ngak danak dak. Amuk Chamaléa Thị Thuỷ, urang QH mbang 15, tỉnh Ninh Thuận ndom lac, bruk Rayo sap ndom VN padang ngak saong ba tame pandar Rayo papar sap Nam Trung Bộ brei mboh bruk sangka di Đảng, Karja ngan saong bhum tapen tasik Nam Trung Bộ, abih di nyu lac urang taong ikan daok taong cap di bhum tasik ini: "Rayo papar sap di bhum Nam Trung Bộ daong ba khau tin bahrau abih di Đảng saong Karja tal bhap bini bhum tasik Ninh Thuận jeng yau bhum Nam Trung Bộ hu samar jang. Saong abih di nyu nan lac, ngan saong urang taong ikan daok taong cap angaok tasik, meng riyak di rayo sap ndom VN ini hu daong ka urang taong ikan thau hu samar drah dom bruk, dom khau tin, piah daong ngak siam bruk urang taong ikan kak kajap haong tasik angaok bhum tasik di taneh ia".

Lac sa dalam dom Rayo papar sap praong di taneh ia, Rayo papar sap Nam Trung Bộ di Rayo sap ndom Viet Nam hu patagok prein pabak riyak Sap ndom Việt Nam di labik pulao kaoh Trường Sa di Việt Nam, daong jhul khang bruk pathau khan di Đảng, Karja tal yaok rahra saong dom kapul ngak bruk angaok tasik, jhul tagok dom bruk KTXH tapen tasik. Langiu di nan, riyak Rayo sap ndom VN par tabiak tasik atah hu daong brei mboh quyền ngak po khau tin di Việt Nam angaok tasik. "Ini lac Sap ndom Việt Nam" panuac khang kadang saong bak tự hào nan tui riyak papar sap meng Rayo papar sap Nam Trung Bộ saong rilo Rayo papar sap karei  daok harei harei yava tagok angaok Biển Đông, ba bui sambai ka dom anek menuac Việt daok ngak bruk angaok tasik pulao taneh ia./.