Bhum taneran kraong Cữu Long lac labik rik daong prong ka bruk pablei tabiak negar langiu baoh kayau di negar, rilo janih baoh kayau yau  durian, pa-aok, darang, thanh long, baoh aia tasau hu mbaok tame darak pasar dunya saong daok hu urang blei pandar takre blei. Sa-ai Phan Thị Hạnh, xã Thới Hưng, huyện Cờ Đỏ brei thau, urak ini mblang taneh pala darang di tổ pambuak bruk 69 ha ngan haong 11 urang. Piah pablei hu dom lo darang tapa darak pasar Hoa Kỳ saong Australia ye jalan pala - ngak hu ngak tui tacei pato di Cục Pacang khik phun pala, ngak tabiak tui chuẩn VietGap, pandar hóa chất, vật tư ngak nong njauk haong adat ba tabiak piah pandap panda hu siam mekre, duh ka darak pasar dalam negar saong pablei tabiak negar langiu.“Pablei tabiak negar langiu ye palih ruah dom baoh gul vin ini, nyu oh pait pot nan ka meng pablei tabiak negar langiu hu. Pablei tabiak negar langiu ye hu yaom jang pablei di palei, di palei ye yaom nyu lap jang, pablei tabiak negar langiu ye hu yaom jang. Pablei tabiak negar langiu hu ye mikva pak ini meng hu jien hu padai.”.

Huyện Cờ Đỏ hu taneh pala darang labaih 330 ha, ini lac janih baoh kayau hu chất lượng glaong mek hu tanut pablei tabiak negar langiu, urak ini phun darang hu pabak brei 36 mã số bhum pala piah pablei tapa dom darak pasa Hoa Kỳ, Australia, Nhật Bản, Thái Lan, EU saong Trung Quốc, Hàn Quốc haong rilo darak pasar kan tame karei. Ong Trần Phước Sơn, Akaok Tổ pambuak gauk ngak tabiak phun mbang baoh Trạng Tí Garden brei thau, piah ka darang pablei tame darak pasar dunya ye tổ pambuak gauk hu pambuak bruk haong doanh nghiệp piah grap tanat labik pablei tabiak.“Tổ pambuak bruk khaol dahlak rilo meng lac urang nong, dalam nan hu jaik 50% urang bac tamat đại học saong hadei di đại học nan ye jalan saneng, ilamu di tổ jeng biak glaong, meng nan khaol dahlak tuk halei jeng sangka, dak padang chất lượng. Meyah chất lượng siam ye drei oh huac pandap panda di drei oh hu doanh nghiệp halei duah mai, kayua mai meng nan bo pataom tame padang angan je, padang chất lượng. Pandap panda bo drei caong khin meriak gauk hu ye njauk pasiam veik ilamu kỹ thuật, njauk ngak tui jalan hacih piah khik grap tanat.”

Urak ini ban Cần Thơ hu 193 mã số bhum pala, hu pa-aok, baoh aia tasau, darang, padai saong durian, praong abih tih labaih 2.600 ha piah pablei tapa dom darak pasar kan tame. Can Tho daok tacei pato bhap bani padang mã số bhum pala piah pabak ka bruk pablei tabiak negar langiu saong ngak njauk tui dom adat gah khik iek, pandar mã số bhum pala. Taphia di nan pachreih cak rok patagok bruk ngak tabiak tui jalan pataom veik sa labik, cak rok patagok bruk pambuak haong HTX, daong palagaih ka doanh nghiệp pambuak gauk padang bhum nguyên liệu pabak bruk pablei tabiak negar langiu.  

Ong Lê Thanh Tùng, Phaok akaok Cục pala drak, Mentri ngak nong saong patagok palei pala brei thau, mblang taneh phun mbang baoh di bhum ĐBSCL jaik 370.000 ha. Urak ini hu rilo janih phun mbang baoh hu yaom kinh tế glaong hu dom puk palei pataom tame cak rok patagok jeng dom labik chuyên canh, padang mã số bhum pala saong pachreih hu mbaok tame pambuak bruk di bhap bani haong HTX, saong HTX haong doanh nghiệp piah padang bhum nguyên liệu, pabak bruk pablei tabiak negar langiu. “Bruk pambuak gauk, pak ini khaol drei hu rilo urang nong hu mbaok tame hợp tác xã, blaoh hợp tác xã pambuak haong doanh nghiệp, hu dom hợp tác xã pablei tapak tapa negar langiu nan lac jalan ngak cak rok patagok phun mbang baoh di gah Meraong. Bruk pambuak gauk khik hu chất lượng tui jalan hacih sa-at pandap panda saong khaol drei thâm canh ye nyu lac jalan ngak tui jaman bahrau saong nyu meda cak rok patagok hu dom janih pandap di khaol drei di dalam taneh aia jeng yau di negar langiu.

Mbaok taneh phun mbang baoh di Việt Nam jaik 1,2 triệu ha. Thun blaoh njam patam baoh karaoh pablei tabiak negar langiu hu labaih 5,6 tỷ USD, kadha ini brei mboh, brei thau yaom glaong pandap panda kaya nong Việt Nam di dom darak pasar dunya. Yau nan min, piah mek hu tanut ka bruk pablei tabiak negar langiu ye brei hu bruk padang ngak mã số bhum pala, patagok bruk pambuak gauk, cakrok bhum pala praong sa janih phun mbang baoh pambuak haong hatai caong khin di darak pasa, tuk nan ka meng biak biai cak rok patagok khang kajap gah pandap panda baoh kayau piah duh ka bruk pablei tabiak negar langiu./.