Peih ngak Danak dak bruk pambuak bruk cung cầu, bruk jak ba “Urang Việt Nam dahlau di abih njauk pandar pandap Việt Nam"

Dalam dom siêu thị yau ye Co.opmart, Mega  Market, Lotte Mart, HaproMart … pandap panda pabak ka bruk blei pandar di bhap bini hu parang tabiak bak di dom labik pasak. Dom pandap ngak dalam taneh ia meblah labaih 90%, rilo pandap mai meng dom angan Việt dane angan yau ye Kinh Đô, Hữu Nghị, Bibica, Hải Hà… hu biak rilo janih, yaom kaom mbiah, nan ye mek hu hatai jia piah blei di bhap bini… Gam haong gauk gar nao blei pandap Tết, saai Nguyễn Thị Thanh, daok di Mỹ Đình brei thau, dom thun mai ini, pandap panda kayua Việt Nam ngak tabiak dak harei dak hu ngak bahrau tui yaok thun saong biak ghieh, rilo janih, yaom kaom mbiah lagaih, chất lượng tani tanat nan ye sang saai Thanh pilih ruah blei pandar, alin hadiah rilo jang ngan haong dom pandap panda Việt tuk tết tal saong dom harei roya praong dalam thun: “Rilo menuac takre panda  negar langiu, min drei mboh rilo pandap dalam taneh ia ngak tabiak hu mẫu mã ghieh mekre jang saong lagaih haong ilamo meng kan di urang Việt. Gam haong nan yaom pablei jeng tani tanat nan ye rilo sang blei rilo jang dom pandap Việt.”

Rilo thun jaik di ini, piah pabak ka urang pandar di rilo binah karei di gauk, rilo angan je dalam taneh ia, pagap yau rilo ahar kẹo Việt Nam hu sangka buh jien tame ngak công nghệ piah hu dom pandap mẫu mã siam, chất lượng glaong. Gam haong nan, duah thau cambaih hatai takre di darak pasa piah ngak pasiam kadung papaok, gheih mekre, lagaih haong bruk ngak pandap hadaih alin dalam tuk Tết.

  Công ty cổ phần Bibica daok kuhria ba tabiak darak pasa Tết labaih 2.500 tấn ahar, kẹo ngan haong labaih 70 janih meng yaom bier, mbaih tal yaom glaong. Pabak ka Tết thun sak rimaong 2022, Công ty CP ahar mứt kẹo Bảo Minh jeng ba tabiak rilo pandap panda ngan haong mẫu mã kadung papaok biak gheih mekre, hương vị meng kan, abih di nyu nan lac pandar công nghệ bahrau tame bruk ngak. Rlo mứt hộp thập cẩm yau ye: caraih, asal ploi, laya, ritak lo, li-u, ô mai, dom janih kẹo… hu rilo mẫu mã karei di gauk ba mai ka urang blei hu rilo pilih ruah.

Dalam tuk nan, meng dom bilan ini mai, Công ty cổ phần Bánh mứt kẹo Hà Nội hu jhul samar dom bruk ngak tabiak dom pandap panda piah khik kajap bruk pabak pandap ka tukvak tabung glaong Tết. Phó Tổng Giám đốc Công ty Vương Trọng Tuấn brei thau, thun ini công ty ba tabiak darak pasa labaih 500 tấn ahar mứt kẹo, dalam nan mứt tết tagok 15%-20% dut saong thun dahlau. Gam haong nan, doanh nghiệp sangka ngak kadung papaok gheih mekre jang, rilo meng lac sambo bhong meriah piah caong ba mai rilo patuah jamo, ginup  mada dalam thun bahrau: “Dom pandap di Công ty cổ phần ahar mứt kẹo Hà Nội piah khik hu haci hacih pandap mbang, dalam công ty jeng hu pandar hệ thống Head sat- khik hacih saat, salamat. Langiu di nan khol dahlak jeng hu ginum biai haong taong abih gah pabak pandap tamo piah ngak hu tani tanat. Kayua rilo pandap hu ngak meng njam patam, baoh kraoh, khol dahlak hu nao tal labik ngak pandap tamo duah blei piah ba mai ngak.”

 Ngan haong dom jalan pablei pandap dalam rilo thun jaik di ini, pandap Việt Nam tuk halei jeng hu biak rilo dalam dom hệ thống pablei lẻ. Amuk Phạm Thị Ngọc Lan, Phó Giám đốc Co.op Food gah barak brei thau: “Urak ini prein blei dalam dom labik di Saigon Co.op ngan haong pandap Việt labaih 90 %. Dom doanh nghiệp dalam taneh ia hu biak rilo salih karei dalam bruk rami ramik, hu rilo pandap panda siam, bingi, gam gam  salih bahrau saong mariak gauk biak siam haong dom pandap blei meng negar langiu.”

Piah pabak ginup pandap blei [pandar yaok harei, khik tani tanat yaom kaom darak pasa pandap panda tuk Tết Nguyên đán thun sak rimaong 2022, Mintri Công Thương hu ieu kakei dom tinh, ban, dom doanh nghiệp caga siam pandap panda saong dom jalan langyah pabak pandap panda, kuhria gam tuk hu jit Covid-19 rahtabiak sarau kadha; peih ngak Danak dak bruk pambuak bruk cung cầu, bruk jak ba “Urang Việt Nam dahlau di abih njauk pandar pandap Việt Nam", Danak dak ba pandap Việt mai puk palei, labik ngak kong, bhum ciek, akaoh pulao. Gam haong nan lac patagok bruk pasang iek darak pasa, pacang pablei salih lau, bleik saliek dalam bruk pablei salih, ngak pandap ja, pandap mblah tui, khik hu siam mekre, salamat pandap panda ka urang blei pandar./.

Urang lang: Thu Thao – 26/01