Pandar khoa học- kỹ thuật meda daong paglaong yaom gah baoh kayau di Việt Nam

Bruk pandar jamriak paik baoh thanh long di Long An, Tiền Giang jeng hu roh duah saong ba pandar hu siam mekre jang 30% duk haong paik meng tangin, chất lượng baoh jeng siam, oh bruk bram. Min gah paik baoh di bhum taneran kraong CL pandar jamriak daok takik kayua labik bein nyu ka oh lagaih haong bruk pandar dom janih jamriak.  

Tui ong Huỳnh Quang Đức, Phaok Yam ndok Sở ngak nong saong patagok palei pala tỉnh Bến Tre, bruk pandar jamriak khin hu jak jeng brei hu jalan ngak, hu sarak ieu pataom abih bhap bini hu mbaok tame, abih di nyu lac brei jhul khang bruk sahneng duah, salih bahrau ilamu kỹ thuật, ngak tabiak dom pandap, dom janih jamriak lagaih haong labik bein di yaok puk palei:“Pandar jamriak piah cakrok ye drei brei ngak ka nyu lagaih, piah ka abih bhap bini hu mbaok tame. Njauk hu sarak “bảo hộ sáng kiến” di urang, jhui caik ka nyu lahik nao. Ka dua lac brei ngak palagaih ka urang buh jien tame patagok papraong tabiak jeng bruk ngak di urang. Pandar jamriak di drei ka oh khang kayua công nghệ, kayua phun jien drei oh ka ginup prein”.

Rilo labik dalam bhum hu buh jien tame padang ngak dom danak dak daong po bein, doanh nghiệp dalam bruk pandar jamriak ngak baoh kayau, pabak dây chuyền sản xuất, padang kho la-an, blei jamriak sơ chế... Kuhria ta-eng di tỉnh Tiền Giang, Kadung jien Patagok Khoa học saong Công nghệ hu brei mesraiy abih tih labaih 14.7 tỷ đồng. Tapa nan hu rilo danak dak tagok hu kein laba...

Pandar jamriak lac jalan nao tal di gah ngak nong bahrau, lagaih haong bruk ngak tabiak kaya pandap, paglaong chất lượng duh ka bruk pablei tapa negar langiu. Min, piah ka bruk pandar jamriak di bhum taneran kraong CL hu jak jeng ye brei ngak ka nyu samu gauk meng jalan sahneng di po bein, di doanh nghiệp tal bruk daong di karja, di urang ilamu. Bein phun pandar jamriak brei pala tui quy hoạch, pala pataom gauk piah tagok jeng bhum chuyên canh; pasiam jalan ba ia, thủy lợi; cơ sở hạ tầng, tatua, jalan nao mai. 

Meng bruk sangka, daong ba di dom jabat pambuak tal, bruk kham merat di doanh nghiệp, di po bein, jia lac anak tal, bruk pandar jamriak dalam pala, ngak baoh kayau di bhum taneran kraong CL dak harei dak tagok samu gauk saong kein laba jang; pandar dom jak jeng khoa học- kỹ thuật tame bruk pala, ngak meda ba mai kein laba rilo gah, daong paglaong yaom gah baoh kayau di Việt Nam./.

Urang lang: M. Phương - 09/09