Rilo bruk bui sambai hu peih ngak dalam sang iek ruak

Sa-ai Lượng Đức Toàn – Bác sĩ chuyên khoa 1, urak ini lac akaok khoa Ký sinh – Côn trùng, Pasak pasang iek jit ruak tỉnh Bình Thuận daok kanar hadar biak cambaih dom harei nao gam haong ayut sahabat harei melam hu mbaok di rilo labik mek mẫu dut iek, duah tabiak labik pambak ruak saong pruh jru pametai anek ruak pacang caga jit COVID-19. 

Bác sĩ Toàn brei thau, yaok mbang nao pruh jru pametai anek ruak ye angui cuk khan ao pacang sir abih rup, angaok bara bak bình pruh jru ngak ka ia hauk sraiy bak yau menei ia, ngak brei meta biak hăng. Blaoh tal tuk lapa tian ye luan samar lisei hộp hu caga blaoh. Nduac tui bruk ngak oh daok thau tal tukvak, tal tuk biak glaih ndih van tuk bình pruh jru jeng daok bak angaok bara. Bác sĩ Toàn daok brei thau lac, piah daong ka puk palei pacang jit ruak, sa-ai rami ramik bruk sang danaok, caik veik gah likuk bruk di rup drei: Urang ruak hu ndom nyai tapak haong bac si ...   

Daok bác sĩ Lâm Quang Tuấn, tuk halei jeng hu mbaok dalam dom kapul taong ruak ka urang njauk Covid-19 di sang iek ruak Đa khoa khu vực Bắc Bình Thuận, nan ye biak mbuan njaom mbak jit, saong mbuan ba tal metai lahik. Meng hatung hatai di urang gru jru, bác sĩ Tuấn kham merat meblah veik pren yava ka yaok urang ruak njaom Covid-19. Hatung hatai nan hu brei mboh dalam bruk ngak daong ka urang ruak di sa-ai.  

Bác sĩ Tuấn brei thau, tukvak kreh bilan 10 thun 2021, dom menuac lac F0 tagok glaong, abih di nyu lac dom urang ruak trak meng huyện Tuy Phong ba mai, hu tuk daok meneng ndih, min jeng brei taduan tame piah taong ruak. Tuk nan, dom oxy di sang iek ruak jeng jaik abih.

Kol dahlak nao mai biak rilo sang iek ruak... 

Tui bác sĩ Từ Huyến – Phaok Yam ndok Sang iek ruak Đa khoa khu vực Bắc Bình Thuận, meng 245 meneng ndih iek ruak, sang iek ruak hu 312 viên chức saong urang ngak, dalam hu rilo y, bác sĩ lac urang Cam.

Dalam mbang jit ruak Covid-19 tamuh tabiak mbang ka 4, Sang iek ruak ini hu taduan tame saong taong ruak ka labaih 1.620 urang F0 di 4 labik. Dalam nan hu 1 labik taong ruak tal 2 saong 3 hu 90 meneng ndih  saong 3 labik taong ruak tal 1 hu 4 rituh meneng ndih. Sang iek ruak jeng hu taong ruak ka 1.529 urang abih ruak. Trak damak lac yau nan, min dom urang lin ao mbong jeng kham merat ba abih pren yava piah ngak siam bruk ngak di drei, dalam nan hu bác sĩ Lâm Quang Tuấn.

Daok hu biak rilo dalilan hu ndom ka dom urang lin ao mbong labik akaok pacang caga jit. Yaok urang yaok bruk, min bruk dreih yau gauk di dom dalikan ini lac taong abih dom “urang lin” jeng khang hatai yam tapa kan kandah, iek prong bruk ngak di sa gru jru, sa tangin haong gauk jhul kadhul likuk jit ruak, khik caga pren yava ka bhap bani./.

Urang lang: Jasi -27/2