Sarak 57 di Mintri Politik brei mboh, bruk patagok ilamu gah ngak kong, salih barau pahadah dan thong salih lek taka so pakat nagar ieu lac siam pacatuak dang akaok, ieu lac janih prei asal di dom bruk ngak jaman barau, paganap bruk ngak mbang patabiak kaya kan, pasalih janih cara pan bruk ieik glang di pakat nagar, pachreih bruk patagok kinh te - xa hoi, pacang caga oh brei kadun lakuk dan thong ba taneh ia nagar patagok yam di jaman barau. Tui Thu truong Mintri Ilamu Khoa học saong Kong nghe, ong Bùi Thế Duy lac, Sarak tapak tame bruk biak barau di dalam jaman yau ye: Asal isi kadha praong, jak krah di manuac urang, blockchain, Internet manuacsia binatang (IoT), cara taong yaom ieik glang jammariak barau … piah padrah di abih, ba dom ndap nda tui jammariak ngak kong barau, jammariak ngak atah brei tame rai diuk: 

"Sarak mbang ini brei tabiak siam tatuak ngan saong dom baoh panuac gam thong dom bruk ngak, patacei, dui pataom, njauk tame lang yah brei ka dom labik daok jagar, dom kaga pacang jalan patagok ilamu ngak kong, Pasalih glao brei pahadah dan thong salih lek taka so. Ngak yau habar peih hu prein pahadah, prein ngak, dom prein karei karei di bhap bini rahra piah daong ba Viet Nam drah samar jeng sa baoh nagar hu jien mek tame jien glaong jeng ye khik karo nagar." 

Hukum udang the che dan thong prein manuac ieu lac du janih cara njauk caik hatai brei pataom piah ngak jeng siam Sarak 57, PGS.TS Hoàng Văn Xiêm, Akaok gah Dhar kadha jamariak Robot, Phakuti Điện tử Viễn thông, sang bac Universiti Kong nghe, ĐH Nagar di Ha Noi khan brei thau: 

"Sarak brei thau cambac, sa di dalam bruk njauk caik hatai nan ieu lac chi so brei pachreih patagok di ilamu ngak kong njauk asal di nyu hu dua janih brei ka The che dan thong manuac urang hu ilmu glaong. Njauk ndom mayai lac glao akaok ilamu dah krah ieu sa janih kaya ngui di yaok baoh nagar. Kayua yau nan ye njauk khik hu urang ilamu nan, brei daong prei yawa ilamu ka taneh ia mai meng urang pan nagar ngak yau habar daong ka labik dhua, ndap nda kaya ngui ngak bruk, kein raba brei ka urang sanang hatai ngak bruk". 

Urak ini, sa janih mada pacang caga paraong ralo di abih brei ka urang hu ilamu njauk ieu lac tal cara jien ndo ralo rorah candah candaiy trak damak gam thong harak gal. Kayua yau nan ye, tanut dah krah di Sarak 57 ieu lac brei salih bruk ieik glang jien ndo nagar. Tui yau ye khik ieik harak jien padai yau urak ini, ye co che ieik glang jien padai mada salih jalan buk tame pamak tame akaok bruk ngak jeng. Dalam nan, Nagar jeng "Urang jakar nagar dang buh prein tame ngak" tui akaok bram cambac lac, gam thong KPI kaya ndap nda. TS Nguyễn Quân, dalau urang pan akaok Mintri Ilamu dan thong Ngak kong brei thau lac: 

"Aku bak hatai caong lac Sarak 57 mbang ini brei khang catang dalam bruk patacei di pakat nagar dan thong Rajaei drei brei ba hu yau ye yam nao dreih ngak cach mang salih barau, piah ka urang ngak ilamu taduan hu sarak dong ba di nagar jeng ye mboh pok praong pok glaong di taneh ia." 

Di dalam Sarak taka 57, Mintri Politik mada hu ba tabiak dom tanut biak barau piah lang yah brei ka dom labik daok katian. Pagap ye brei tanut ka bruk jien padai brei ka ilamu khoa học kong nghe, pasalih pahadah barau dan thong salih lek taka so ieu lac brei buh tame sua, oh lac buh panak masa, ye hu bruk oh dil oh sumu, mada hu jamo gao. Langiu di nan, Sarak jeng brei pachreih pambuak bruk nagar thong palei jakar thong bhap bini bruk nagar thong bruk rup taeng, pambuak bruk di dom insitut roh duah, sang bac univesiti thong urang ngak mbang blei salih... Asal di Sarak brei pataom prein tame peih bruk pahadah krah ngak tabiak kaya ngui barau, peih prein ngak bruk, peih paha dom prein ngak karei karei di dalam rah ra bhap bini pataom prein tame patagok ilamu ngak kong ngak kong, salih barau pahadah dan thong salih lek số pakat nagar, daong ba nagar Viet Nam drah samar jeng sa baoh nagar hu yaom jien tame glaong ka yaok urang, patagok kajap karo./.