Jalan vanh dai 3 hu padang ngak piah duh ka bruk nao mai 

Piah peih ngak danak dak  Vành đai 3 ban raya .HCM, meng bilan 11/2021, Rajaei hu brei bruk ka ban raya .HCM lac labik dang tabiak kuhria caga  danak dak, padang pathau khan roh duah ka bruk meda ngak hu. Piah mbuan lagaih ka bruk peih ngak, ban raya.HCM hu padang kapul ngak bruk, dalam nan hu  urang pal akaok dom tỉnh, ban, song urang pal akaok dom mintri piah hu mbaok tame tacei pato, samar lang talaih kan kandah, tavak tavaiy. Meng bruk lac "dang akaok", ban raya .HCM lac jabat tacei ba abih bruk dalam tuk peih ngak danak dak, dalam nan hu bruk sarak, jalan ngak, dom ilamu kỹ thuật khik kajap talei pambuak bruk, samu gauk dalam bruk ngak, khik ka jalan tuk padang ngak , jang yau tuk ba tame pandar, khik kajap hu ilamu  kỹ thuật tui njauk bruk padang ngak hu mbaoh tangin brei adat.

Tui  ong Trần Quang Lâm, Yam ndok  Sở jalan mbak pajeng ba ban raya.HCM, danak dak  Vành đai 3 ban raya .HCM hu  8 danak dak sit , yaok tỉnh ban peih ngak 2 danak dak , lac 1 danak dak  bayar jien dong  tái định cư song sa danak dak padang ngak. Kayua yau nan ye, bruk samu gauk di dom danak dak  lac hu makna biak praong piah khik kajap tukvak ngak yau gauk:

Meng bruk dang akaok, ban raya HCM  bhian ginum biai hong dom tỉnh ka dom sarak, panuac cong, jeng yau jalan ngak . Anak tal brei padang quy chế pambuak gauk , piah peih ngak danak dak , langyah dom bruk gah ilamu kỹ thuật , pandar công nghệ, pandap panda, dom sarak ka urang ilamu hu mbaok tame dong, khik njauk tukvak  song chất lượng danak dak.

Danak dakvành đai 3 ban raya .HCM tah abih tih labaih 76km nao tapa  ban raya HCM, Bình Dương, Đồng Nai song  Long An. Labik akaok lac canah jalan tapa jalan nduac samar  Bến Lức-Long Thành di huyện Nhơn Trạch, Đồng Nai song labik puac lac canah jalan nao tapa jalan nduac samar  Bến Lức-Long Thành di huyện Bến Lức, Long An. Dalam nan, labik  Tân Vạn - Bình Chuẩn atah  15,3km, urak ni, dok  peih nduac 6 jalan radaih đô thị, tỉnh Bình Dương dok ngak pasiam, paglaong song pabak dom canah jalan karei, pabak ka bruk peih nduac labaih  80km/sa tuk .

Abih tih phun jien buh tabiak ngak tuk vak ka sa, tui kuhria lac 75.378 tỷ đồng, dalam nan hu 38.741 tỷ đồng meng kadung jien trung ương song  36.637 tỷ kadung jien karja di tỉnh bo danak dak nao tapa. Abih tih phun jien bayar ka bruk mek taneh lac 41.589 tỷ đồng.

Ni lac danak dak pakat negar, hu cong lac pren khang jhul bhum  Đông Nam bộ tagok khang jang dalam tuk vak anak tal. Yaom lac, phun jien peih ngak prong, min thau lac ni danak dak prong, njauk ngak chip, dom tỉnh ban jeng brei mboh hatai kham merat biak praong tapa bruk HĐND ban raya .HCM song dom  tỉnh: Long An, Bình Dương, Đồng Nai jeng hu sarak ka danak dak, khik kajap bruk pabak ginup phun jien piah ngak.

Ong Phan Văn Mãi, Akaok  UBND TP.HCM ndom lac, bruk samu gauk dalam padang ngak jeng biak prong prang . Dalam 4 tỉnh, ban ye ban raya .HCM brei kham merat jang, kayua danak dak nduac tapa rilo labik… Langiu di kapul ngak bruk hu dom urang pal akaok dom mintri, dom gah, song dom tỉnh, Ban raya .HCM kuhria padang sa  mBan Chỉ huy danak dak, Jabat danak dak  song Hội đồng cố vấn hu dom chuyên gia gah jalan, tatua, piah brei panuac daong ka ban raya. Tui kuhria  mBan Chỉ huy hu caik di jabat UBND ban raya pambuak bruk song dom labik prong , công trường, tui iek abih bruk meng praong tal sit:    

Pak ni, kol dahlak mboh lac njauk pambuak gauk di rilo tỉnh, ban, bruk ngak prong dalam tuk vak katut panah lac hu kan kandah, min meng trách nhiệm saong ilamu dalam tuk vak tapa, ban raya .HCM meda ngak siam bruk ni)

   Dom urang ilamu gah jalan mnbak jeng ndom lac, halan hatain hu mbaok tame, rik dong hatai sahneng piah ka danak dak hu peih ngak njauk tukvak. Dalam nan, njauk maong praong tabiak Vành đai 3 dalam bruk nao mai dalam bhum, brei hu roh duah, ngak sa quy hoạch jalan mbak nao mai bhum ban raya.HCM, salih ka bruk tok pataom tame patagok bruk nao mai ka ta-eng ban raya.HCM,  song ban raya .HCM meda hu labik dang akaok, rami ramik pren ngak, palih dom labik praong piah buh jien tame ngak. Langiu di nan, brei kuhria caga, pasang iek song palih ruah hu  nhà thầu hu pren khang habar ka nyu lagaih, nyaih bruk  sa danak dak thành phần halei nan, oh ngak njauk tukvak meda ngak kan kandah tal tong abih danak dak. Giáo sư – Tiến sỹ Nguyễn Văn Phước, Akaok Liên hiệp dom kapul khoa học – kỹ thuật ban raya .HCM lac:  

Dalam roh duah kol drei njauk tong yaom, palih ruah pren khang di dom nhà thầu habar ka nyu lagaih; hu dom sarak, jalan ngak ,brei palih ruah dom nhà thầu. Abih di nyu nan lac batabiak trách nhiệm , pambuak bruk cambaih laih, klah nyaih bruk “lợi ích nhóm” meda ngak brei dui atah danak dak ni.

Meng bruk lac “dang akaok” dalam peih ngak danak dak jalan Vành đai 3, urang pal akaok ban raya .HCM sanya lac, tuk halei jeng ngak siam bruk ni, tal tuk ngak salah, nghiệm thu danak dak. Ban raya meda dang tabiak pal akaok bruk padang ngak  yaok thun, tacei ba khik kajap bruk padang ngak, song abih di nyu nan lac pal akaok, ngak labik langyah dom bruk  tamuh tabiak, piah ngak habar ka   danak dak  Vành đai 3 ban raya .HCM hu peih ngak njauk tuk vak, pabak ka bruk patagok di bhum Đông Nam bộ, cong khin di labaih  20 triệu rahra dalam bhum./.

Urang lang: Hanipha- 22/6