Duah janih phun pala athur raong piah paglaong jien mek tame, labaih 4 thun dahlau, urang đảng ranaih umo angan Ly Seo Lử daok di palei taphia negar Lũng Pô, xã A Mú Sung, huyện Bát Xát hu blei 100 got pa-ok “xoài tượng” mai pala mangaok taneh bein glaong di sang drei. Sa-ai jeng hu jak ba mikva dalam palei ba gauk pala piah ngak jeng bhum pandap panda. Sa-ai Lý Seo Lử, palei Lũng Pô, xã A Mú Sung, huyện Bát Xát khan lac: “Pala phun patei bhian njauk ruak kik halak halin, phun bei plaom pala rilo thun ye taneh thu lagu, nan ye dahlak hulin salih tapa pala phun mbang baoh, pak ini lac phun pa-ok. Tuk camereip phun daok sit drei brei tui iek, min meng thun ka 3 phun brei kein laba biak glaong”.

Ong Ma Seo Lằng, Bí thư Chi bộ palei Lũng Pô, xã A Mú Sung brei thau, abih tih mbaok taneh pala pa-ok di palei lac 4 ha. Dalam nan hu rilo taneh daok paik baoh thun camereip, thun ka 2 saong pa-ok meda lac phun pala praong piah patagok bruk ngak mbang di palei.“Hu bruk sangka di xã meda ba phun pa-ok Lũng Pô tame OCOP di xã A Mú Sung. Dahlak mboh, ini jeng lac sa janih phun patruh eik patrun kathaot khang kajap di palei Lũng Pô”.

Gam haong hatai caong ngak brei salih bharau khang dalam bruk patagok kinh tế di palei, 2 thun dahlau, sa-ai Chảo Láo Tả, Phaok akaok kapul urang ngak nong xã Dền Sáng, lac 1 dalam 10 baoh sang ba akaok nao dahlau dalam danak dak pala phun kruac sro. Tal urak ini, mejam krauc sro hu daong ka sang sa-ai Tả hu pabak jien tame. Gam haong nan, sa-ai hu tacei pato rilo sang dalam palei Nậm Giàng ba gauk ngak tui.

Di Bát Xát, langiu di pachreih ba ka bruk ngak kinh tế, patruh eik, patrun kathaot, dom urang đảng jeng hu ba akaok nao dahlau dalam bruk pathau khan, jak ba, rik pataom piah daong padang ngak palei pala bahrau. Yau bruk daong sang kathaot ngak sang danaok…, atau daong palei ngak jalan… Ong Lầu A Páo, Bí thư Đảng ủy xã Trịnh Tường daok daong ba bruk padang ngak palei pala bahrau di labik ini hu bruk salih bharau cambaih laih. Ong hu rilo rik daong dalam bruk daong ka rilo sang kan kathaot ngak sang bahrau saong tacei pato jalan, ilamu ngak mbang:“dahlak haong dom urang jakar xã nao pasang iek tapak dom sang kathaot piah hu thaot binguk tantu, cambaih laih ka raidiuk di bhap bini, meng nan tabiak panuac ieu dom kapul nyaom, doanh nghiệp daong padang ngak, ramik pasiam sang danaok ka bhap bini.”

Thau lac rilo sang di mikva dalam xã daok kan kandah, bruk padang ngak hu sa baoh sang siam mekre, khang kajap piah daok, atau ngak hu sa jalan nao mai siam lagaih, lac oh mbuan. Bí thư Đảng ủy xã Lầu A Páo ba akaok nao dahlau dalam bruk rik daong, jak ba dom doanh nghiệp daong padang ngak palei pala bahrau. Sa-ai Lý Xá Xe, Phaoak akaok mBan Tuyên vận xã Trịnh Tường, huyện Bát Xát ndom lac: “Ngan haong dom sang kan kandah, Páo hu jak ba dom urang hu jien padai, dom doanh nghiệp daok dalam saong langiu palei, daong dom sang bhap bini padang ngak sang danaoh gheih mekre, mek hu tanut di palei pala bahrau”.

Patagok bruk ba akaok nao dahlau, dom urang đảng di Đảng bộ Bát Xát biak lac dom urang ba jalan jhul patagok bruk salih bharau ngak mbang kinh tế di puk palei. 4.440 urang đảng dalam Đảng bộ meda lac kapul ba akaok nao dahlau piah ngak dom bruk praong di huyện dalam thun 2022 saong ka abih tukvak./.

Urang lang: M. Phương