Kayua yau nan ye, bruk patagok, pabak khau tin ka urang hu angan je lac jalan ngak njauk, brei mboh bruk sangka di Đảng, Kanja ngan haong bhap bini bangsa takik, abih di nyu nan lac ngan haong urang hu angan je. Kadha vak di urang vak di rayo sap ndem Viet Nam ka bruk: “Patagok bruk pabak khau tin ka urang hu angan je bangsa takik”. 

Kuhria tal thun 2021, abih tih dom urang hu angan je di bhum bhap bini bangsa takik lac 29.567. Dom thun tapa, bruk patabiak saong peih ngak dom sarak ka urang hu angan je hu daong paglaong hatai sahaneng di abih menuac sia ka bruk ngak, labik dang di urang hu angan je dalam bhap bini bangsa takik.

Sarak ngan haong urang hu angan je dalam bhap bini bangsa takik hu ba mbuan lagaih ka pakat ủy Đảng, karja, kapul nyaom, puk palei saong abih di nyu nan lac dom urang ngak bruk bangsa patagok hu labik dang biak praong di urang hu angan je. Meng nan, dom urang ini hu rilo rik daong dalam dom bruk pacacah gauk anit ranam taneh ia, cak rok patagok kinh tế - xã hội...

Dalam mbang taom gaok urang hu angan je di puk palei jaik di ini, ong Đỗ Trọng Hưng, Bí thư tỉnh ủy Thanh Hóa taong yaom lac, meng ilamo di drei, urang hu angan je tuk halei jeng ba akaok nao dahlau, kham merat pathau khan, jak ba bhap bini bangsa takik ngak njauk sarak, jalan ngak di Đảng, hukum di kanja; khik ramik an ninh, trật tự puk palei, cak rok kinh tế saong patagok ilamo bangsa: “Dahlak caong dom urang hu angan je dalam bhap bini bangsa takik patagok bruk ba akaok nao dahlau di drei, khikmkajap talei pambuak bruk haong pakat ủy, karja saong gah chức năng dalam bruk mesuh pacang kol tội phạm, khik ramik saong patagok ilamo meng kan siam mekre di bangsa, padang puk palei ilamo, labik daok hadah hadai, rik daong dak padang  palei negar dak harei dak siam gheih, ginup meda saong kiểu mẫu”.

Gam haong dom sarak sangka ka bhap bini bangsa takik ye dom thun tapa, dom urang hu angan je tuk halei jeng hu Đảng, Kanja daong pandap panda, jien padai, pachreih ba dalam tuk lễ tết; mai ravang, daong brei tuk ruak kik, hu mbaok tame dom tal pasram, paglaong ilamo saong hu pabak brei mbao. Taphia di nan, urang hu angan je hu brei Mbao bangsa saong patagok haong mbao palei.

Dalam dom nyaom biai pabak khau tin, urang hu angan je hu khan brei thau bruk an ninh chính trị, trật tự an toàn xã hội; bruk diễn biến hòa bình di kol khamang khin palai pajoa karja Việt Nam saong bruk bangsa, sarak bangsa dalam tukvak anak tal. Abih di nyu nan lac, mBan Bangsa tỉnh daok hu brei urang hu angan je nao bac megru, klah rabha ilamu, ravang iek dom bruk patagok ngak mbang, kinh tế. Ong Nguyễn Văn Sài, Phaok akaok jabat LĐTBXH saong Bangsa huyện Văn Lãng- tỉnh Lạng Sơn brei thau: “Kol dahlak kham marat pataom tame bruk pato tacei, ba jalan ngak habar patagok hu bruk ngak di urang hu angan je, abih di nyu nan lac dom urang hu angan je daok ranaih umo piah patagok bruk ngak, rilo urang hu angan je ranaih umo ye urang meda rik rilo prein yava, abih di nyu nan lac dom urang ini sami samar jang dalam bruk cak rok patagok kinh tế baoh sang saong peih bruk jak ba mikva…”

Tapa dom tal pasram urang hu angan je hu pabak brei, hu thau cambaih dom ilamo saong jalan pathau khan, jak ba dalam bhum bhap bini bangsa takik piah tui nan jak jak ba bhap bini di puk palei. Amuk Ma Thị Như Trang, Phó akaok MT negar huyện Hàm Yên, Tuyên Quang brei thau lac:  “Urak ini dalam huyện hu 195 urang hu angan je dalam bhap bini bangsa takik, ini lac dom urang biak hadah krah dalam bruk pathau khan, jak ba mikva dalam palei ngak njauk tui jalan ngak di đảng, sarak hukum di Kanja, abih di nyu nan lac dalam danak dak patruh eik patrun kan kathaot, padang ngak palei pala bahrau.”

Bruk pabak khau tin ka urang hu angan je lac asal kadha piah ka urang hu angan je ngak siam bruk pathau khan jalan ngak di Đảng, sarak hukum di Kanja tal bhap bini bangsa takik. Tapa nan, hu daong ka bhap bini bangsa takik paglaong hatai sahaneng, paglaong raidiuk, mbang ngui daok dang ka baoh sang, ka puk palei, khik kajap an ninh chính trị bhum bhap bini bangsa, bhum ceik saong bhum tapen negar./.