Xã Phước Thắng, huyện Bác Ái, tỉnh Ninh Thuận lac labik hu rilo urang Cam haong Rắc-lây daok. Bruk pathau khan piah paglaong hatai sahaneng di dam dara bangsa takik dalam bruk pacang caga tok diuk tok pasang ka oh tal umo thun brei adat saong tok gauk dalam but pajaih tuk halei jeng hu urang hu angan je caik hatai, abih di nyu nan lac dalam bruk pambuak haong kanja dom pakat piah ngak siam bruk pathau khan, jak ba. Tui ong Mai Văn Dúi, urang hu angan je di xã Phước Thắng, dom kamuan daok dalam umo thun dam dara, dom ka muan anek saih lac dom urang daok dalam nyaom biak caik hatai tal.

“Kol dahlak jeng hu pambuak bruk haong dom gah chức năng gam haong sang bac pathau khan tal taong abih  dom dam dara piah thau cambaih saong hadei di ini oh daok bruk tok diuk tok pasang tuk ka oh tal umo thun brei adat”.

Piah trun manieng bruk tok diuk tok pasang tuk ka oh tal umo thun brei adat saong tok gauk dalam but pajaih dalam bhum bangsa takik, tỉnh Ninh Thuận hu jao ka dom Sở, dom gah gam hu mbaok tame peih ngak. Dalam nan, gah Y tế hu peih bruk pathau khan, jak ba dom dam dara di pak sang ka tình dục salamat saong siam makre, matain saong manek di umo thun dam dara. Daok gah pato magru pambuak pagam tame dom danak dak bac taa piah pacang caga saong jhul kaduan likuk bruk tok diuk tok pasang tuk ka oh tal umo thun brei adat saong tok gauk dalam but pajaih di dalam tỉnh.

Di tỉnh Nghệ An, rilo labik hu urang bangsa takik jeng hu padang jalan ngak piah bhian pabak ilamo ka anek saih ka pacang caga bruk tok diuk tok pasang tuk ka oh tal umo thun brei adat saong tok gauk dalam but pajaih, gam sahaneng ka nyu njauk piah khang hatai dalam bruk tah klaak dom adat cambat oh daok lagaih.

Cei gru Nguyễn Gia Lý, sang bac THCS xã Huồi Tụ, huyện Kỳ Sơn (tỉnh Nghệ An) brei thau lac: bruk tok diuk tok pasang tuk ka oh tal umo thun brei adat saong tok gauk dalam but pajaih di sang bac dom thun jaik di ini oh daok rahtabiak kayua hu dom cei gru, anai gru hu duah tabiak dom jalan pathau khan, jak ba lagaih haong anek saih.

 “Bruk tok diuk tok pasang tuk ka oh tal umo thun brei adat ye gah pato magru njauk ba tame pathau khan ka dom adei thau, ka sa lac gah adat hukum ka umo thun brei adat. Ka dua lac thau hu ka prein yava piah pablak tame tukvak halei njauk ngak saong hu makna, lac di puac hoc ky sa, lac tukvak jaik tết.”

Nghệ An hu labaih 491.000 menuac lac urang bangsa takik. Mikva daok rilo di dom huyen bhum ceik glaong, dom xa bhum tapen negar, bhum atah biyah, nan ye bruk thau dom khau tin bahrau lac daok takik. Di huyện Kỳ Sơn, thun 2021 hu 104 diuk pasang tok gauk tuk ka oh tal umo thun brei adat, tal thun 2022 saong mateh akaok thun 2023 lac jaik 400 urang, hu 2 urang tok gauk dalam but pajaih.

Piah trun manieng bruk tok gauk tuk ka oh tal umo thun brei adat, tok gauk dalam but pajaih, Nghệ An hu peih bruk pathau khan pablak tame asal kadha ngak bruk di kapup kapul, dom bruk ngak, peih dom mbang pakacah, dom mbang pataom. Tapa nan, paglaong hatai sahaneng, bruk ngak di drei ka dom adei ngan haong gauk gar dalam sang, dalam rahra dalam bruk ngak njauk tui adat hukum. Amuk Hoàng Thị Thu Hiền, Phó akaok thường trực Kapul urang kumei, tỉnh Nghệ An brei thau:

 “Hu bruk ieu pataom di kanja palei blaoh dalam sang bac, dom cei gru anai gru njauk hu bruk ngak piah pablak tame dom danak dak ngoại khóa piah pambuak gauk dalam bruk pathau khan ye meng jak jeng hu”.

Ranaih bahrau praong, anek saih di dom sang bac lac dom urang mbuan gaok bruk tok gauk tuk oh ka tal umo thun brei adat saong tok gauk dalam but pajaih, abih di nyu nan lac di bhum urang bangsa takik, bhum atah biyah. Ini lac dom nyaom urang njauk hu jalan pathau khan lagaih haong umo thun, haong hatai sahaneng, sap ndem panuac puac. Hu yau nan, bruk jhul kaduan likuk bruk tok gauk tuk ka oh tal umo thun brei adat saong tok gauk dalam but pajaih tabiak truh puk palei, meng mada ngak hu jeng biak./.