Urang praong thun tuk halei jeng ba akaok nao dahlau, hu mbaok tame dom bruk di puk palei

Bruk padang anek menuac bahrau, padang puk palei bac da-a saong baoh sang pachreih bac hu makna biak praong dalam bruk pakacah “Umo glaong, camin hadah”. Dom thun tapa, Kapul urang praong thun xã Phan Hòa (lac xã hu rilo urang Cam), huyện Bắc Bình, tỉnh Bình Thuận kham merat jhul khang bruk  “Ong, muk, amaik, ame hadah krah, anek taco slut mbut”, “Umo glaong, hatai sahneg dak glaong, hadah krah kayua bruk dak padang saong khik caga taneh ia”. Menuac dalam Kapul urang praong thun xã Phan Hòa patagok hu bruk ngak saong angan je di drei, jak ba anek taco saong bhap bini dalam palei caik hatai sangka tal bruk bac da-a, paglaong akaok sahneng.

Sa dalam dom kreih camin hadah di bruk Urang praong thun hu mbaok tame bruk padang anek menuac bharau, padang puk palei bac da-a saong baoh sang pachreih bac, lac ong Dụng Sít daok di palei Bình Thắng, xã Phan Hòa. Piah ngak kreih camin, ong jak ba dom anek, taco di drei hu labaih 30 triệu đồng piah rik tame Kadung jien pachreih bac di but pajaih. Meng dom jalan ngak siam, gheih, rilo sang dalam but pajaih Dụng hu rik jien tame kadung, meng nan, tal urak ini rilo anek kamuan gaok kan kandah hu Kadung jien pachreih bac di but pajaih daong brei jien nao bac. Ong Dụng Sít daok brei thau lac: “Dahlak kham marat jak ba anek kamuan di drei bac tal labik…”

Urak ini, dalam xã Phan Hòa hu rilo “But pajaih pachreih bac” yau but pajaih Lư, Mai, Dụng  saong but pajaih Bá … Langiu di nan, tal jhung thun 2021, xã Phan Hòa hu labaih 200 sang hu pok brei angan lac “Baoh sang pachreih bac”. Ini lac prein pachreih ba khang piah pambak praong bruk padang “Baoh sang pachreih bac, but pajaih pachreih bac, puk palei bac da-a”, rik daong tame bruk padang puk palei bac da-a di 1 xã hu rilo urang Cam yau xã Phan Hòa.

Langiu di bruk hu mbaok tame padang puk palei bac da-a, ba gauk padang ngak palei pala bahrau, rilo urang praong thun bhum bhap bini Cam daok hu mbaok tame kapul langyah bhap bini, pathau khan, pato pakai anek kamuan di drei diukrai siam mekre, khik sron mbon, salamat puk palei.

Ong Bố Xuân Hổ, lac menuac dalam Kapul urang praong thun di xã Phan Hiệp, huyện Bắc Bình, tỉnh Bình Thuận brei thau, dahlau daih dalam xã bhian hu bruk kandah gauk di kol dam ngak srau kadau puk palei. Hadei di tuk hu dom urang praong thun mai tal sang pato pakai, rilo likei dam dalam palei klaak abih bruk oh siam nan, kham bac da-a, merat ngak mbang patagok kinh tế sang: “Dahlau di abih dalam sang drei njauk ngak siam…” 

Ngak tui panuac pato di Wa Hồ “Umo glaong hatai sahneng dak glaong, brei panuac, daong jalan ka taneh ia”, tukvak tapa, urang praong thun Bình Thuận jeng yau urang praong thun bangsa Cam hu mbaok tame brei rilo panuac siam gheih ka bruk dak padang saong patagok puk palei. Rilo ong muk taha daok hu mbaok tame ngak mbang, pala drak, yam tagok ngak kaya meda ka baoh sang saong ka puk palei, rik daong patrun baoh sang kan kathaot dalam bhum urang Cam.

Ong Đào Xuân Nay – Akaok mBan lambaok urang praong thun tỉnh Bình Thuận brei thau: “Dom ong muk praong thun brei mboh kreih camin di drei dalam bruk ngak njauk tui adat hukum, jak ba anek taco tame bruk sản xuất. Urak ini, dom xã bhum ceik, bhum bhap bini bangsa takik lac labik hu rilo hội viên di abih, min bruk pataom gauk me-in sambai jeng daok lac kan kandah ngan saong bhum taneran, min dom sarak ye mikva bangsa pachreih tui biak siam.”

Patagok bruk "Umo glaong camin hadah", tukvak tapa, urang praong thun bangsa Cam jeng yau urang praong thun tỉnh Bình Thuận, hu ba pachreih dalam bhap bini, rik daong ngak siam dom bruk chính trị di puk palei./.

Urang lang: M. Phuong – 01/10