Lisei dalam raok, baoh traong khaki, manuk am, ralaow am dalam nding krem la-a, … yau biak bhian randap di dom puk palei karei di tinh Dak Lak… Min meng di tuk tapa tangin di urang ndang H’Bút Bi Mlô, daok di puk M’Oa, xa Cư Huê, dom pandap mbang meng kan ini brei mboh kein lagaih, jeng lac janih pandap mbang dui pachreih hu rilo urang takre, brei jien mek tame yaok ty dong dalam thun. 

Nai H’Bút Bi lac sa urang hu labaih 10 thun ngak dalam jabat, gait awal thau mboh kein lagaih di bruk pablei pandap mbang. Hu sagait 2 baoh sang tong atah di drei, sa-ai khang hatai peih kuan kadai pablei dom pandap nda mbang tui bangsa Ê Đê saong peih sa buah kuan kadai pablei pandap khik piah ilamo bangsa Ê Đê. Yam tapa rali kan kandah di dalam 2 thun kayua tamuh jit ruak Covid-19, kadai kuan di H’Bút Bi sa labik danei angan, dui pachreih hu tuai damuai yaok harei. H’Bút Bi brei thau lac:

“Lac urang ndang, drei tuk halei jeng patagok dom yaom glaong lac “urang ndang ba akaok nao dahlau, puk palei tui hadei”. Drei peih ngak kuan pablei pandap mbang ngak tui bangsa di drei, khan aw ngui cuk meng khan bai manyim, alak tapai tape gam hu laba gam khik ramik ilamo bangsa. Tuk xã ba tabiak danak dak alin taneh ngak jalan, drei jeng alin 1,5m nduac rah tui jalan atah labaih 40m. Jalan praong piah ka gheih ghang jang puk palei, mikva jeng hu jalan praong piah nao mai hu lagaih”.

Mayah urang ndang H’Bút Bi patagok hu prein ranaih khin ngak piah cak rok patagok bruk ngak mbang, duah jien, ye ong Y Quá Mlô – sa urang hu angan je ieu lac “urang praong thun hu hatai kham marat praong glaong”. Thun ini gait umo labaih 68 thun, ong lac urang ndang lavik thun di Kapul Chi bộ puk Tơng Kroa. Luac dom thun umo dam dara gait ngak jakar di xa Cư Huê, tal tuk padeih ngak bruk, ong Y Quá bahrau peih bruk mbang ngui dalam gah ngak nong. 8 thun ngak puh pakak, ong hu padang ngak bein pala rilo janih ngan haong 2.000 phun cà phê, 400 jamang phun amaraik kalu, labaih 1 sào pala hareik raong limo saong pabe. Urak ini yaok thun, meng bruk raong glang, pala drak, ong hu jien mek tame yaok ratuh trieu dong. Hu kein lagaih ngak mbang, ong tuk halei jeng halain hatain daong ka mikva dalam puk palei ka phun jien, ilamo sangka phun pala. Langiu di nan, ong daok alin yaok ratuh mét vuông taneh ngak jalan mbak nao mai. Ong Y Quá Mlô brei thau lac.

“Dahlak ieu lac sa urang ndang ye njauk ba akaok nao dahlau. Padeih ngak jaka blaoh, min prein yava daok khang kadang yau nan ye dahlak raong sa wan limo 10 drei, pabe labaih 20 drei saong pala caphe, maraik kalu. Yaok thun jeng mek hu meng  250 – 300 triệu đồng. Dahlau deih, tuk huyen ngak binek ba ia thuỷ lợi Ea Bư, sang dahlak jeng hu alin 2,5 ha đất, bahrau ini ye jaik 500m2 ngak jalan nao mai di dom puk palei.”

Dalam huyện Ea Kar urak ini hu 7 ribau urang ndang, dalam nan hu 1.250 urang bangsa takik, ralo labaih 18%. Dom urang ndang hu brei mboh bruk ba akaok nao dahlau dalam bruk ngak, cak rok patagok bruk mbang ngui, duah jien, hu mbaok tame ginup dom danak dak, daong ba, alin taneh padang ngak palei pala bahrau di bhum palei ini. Ong Y Nhuân Byă, Bi thu Huyen uy Ea Kar brei thau lac, bruk parilo dom urang ndang dalam bhum mikva bangsa takik tuk halei jeng hu dalam ndang ieik glaong, iek praong. Jia tame lac, tukvak masa anak tal, meda dak harei dak hu rilo jang veik dom urang ndang ba akaok nao dahlau angan je naih joi. Ong Y Nhuân Byă ndem lac:

“Di bruk parilo urang ndang dalam bhum mikva bangsa takik ye hu kol dahlak hulin biak caik hatai iek praong, ini lac bruk ngak tabiak urang ndang ka rai hadei. Dom urang ndang daok pak xa Cư Huê di bhum mikva bangsa takik ye lac dom urang ba akaok nao dahlau piah ka mikva saong urang ndang karei bac saong ngak tui. Dalam dom mbang nyaom biai di Huyện uỷ, kol dahlak hulin jeng mayaih khan piah ngak tabiak prein njom pambak dalam dom pakat ndang.”

Bruk cak rok patagok urang ndang dalam bhum mikva urang bangsa tukik dom kapul chi bộ đảng di huyen Ea Kar dalam tukvak tapa daok rik tame paglaong angan jie di kapul pakat đảng. Tui di nan, paglaong angan je, kein lagaih di bruk pan akaok, pato pakai padang ngak puk palei dak harei dak siam gheih, hadah hadai jang, khik tani tanat, khik ramik saong patagok dom yaom glaong ilamo bangsa, padang ngak khang kajap jang talei pambuak gauk dalam bangsa./.