Rilo janih main ka tuai damuai hu peih tabiak di ban raya 

Urak ni, patagok  kinh tế melam dok hu ban raya .HCM mong lac sa jalan ngak praong piah jhul patagok  bruk  pasiam veik gah  du lịch di ban raya, hadei di jit prong. Piah  patagok  kinh tế melam, bahrau ni  UBND ban raya .HCM hu panuac likau Quốc hội brei adat ngak iek peih casino di dom hotel meng  5 patuh. Panuac likau ni hu rilo urang ngak dalam gah du lịch pachreih tui.

Ong Nguyễn Trần Hoàng Phương - quyền Akaok Viện Roh duah Du lịch Xã hội mboh lac, tal tuk  sa ban kinh tế yau ban raya.HCM njauk brei adat peih ka casino, jhui kayua dom huac kanda , bo klak tapa  sa bruk main meda ba mai pok jien ngoại tệ biak prong ka gah du lịch ban raya, bruk ni brei hu jalan ngak song jalan khik ramik siam:

"HCM lac labik akaok kapal kinh tế, hu ginup pren khang, pren ngak  piah meda pandar cai di tanut kaya meda song ni jeng lac pasak di janih  du lịch MICE (lac du lịch pambuak haong nyaom biai, parang iek). Meyah kol drei hu sa pasak  casino 5 patuk ye melam mai atau hadei di dom nyaom biai  ye di casino ni jeng hu biak rilo tuai negar langiu”

Ong Trương Hoàng – Yam ndok Pasak du lịch dunya di Bến Thành Tourist ndom lac  du lịch tuk melam di ban raya.HCM hu biak rilo pren khang, kayua labik ni pataom  hu rilo  nhà hàng, kuan mbang, labik mbang menyum biak karei, gam song nan lac, dom jalan nao takai, phố Tây biak chreih chrai yau jalan  Nguyễn Huệ, Bùi Viện... Bruk lac, dom doanh nghiệp brei sahneng kuhria, padang ngak dom pandap panda piah peih ngak hu bruk ni, pagap yau peih dom tour duah thau Sài Gòn tuk melam meng radaih vespa, radaih mac, atau xích lô. Langiu di nan, ong Trương Hoàng jeng hu panuac lac, patagok  kinh tế melam di  ban raya HCM jhui brei klak tapa krong Sài Gòn:

“Melam mai ye drei njauk pabak tame sa labik lac kraong Sai Gòn.Urak ni, kol drei hu sa takai krong biak mekre ye. Langiu dom bruk mbang huak melam di mangaok  krong, mangaok  dom du thuyền  yau meng  lavik ni mai, ye brei hu dom  dịch vụ pakat glong jang song hu rilo bruk di mangaok kapan ye meda dui pachreih hu rilo tuai jang”

Tapen di bruk du lịch melam di krong Sài Gòn, dom urang ilamu jeng hu panuac  lac ban raya njauk hu dom danak dak doh tamia, dom show diễn tuk melam hu chất lượng song hu padang  ngak siam mekre. Tui muk Huỳnh Phan Phương Hoàng – Phaok Tổng Yam ndok  Vietravel, ban raya bjauk buh jien tabiak padang ngak dom show aow tah pambuak song parang iek ca-vũ-kịch prong, hu padang ngak tani tanat  song pabak tame dom janih yau ye nhạc nước, âm thanh, ánh sáng, hiệu ứng 3D,... piah ngak jeng sa “đặc sản” du lịch di ban raya HCM.  Bruk patagok dom show parang main ni, brei hu bruk ba tangin tame pambuak gauk di  Sở Du lịch song  Sở Ilamu  – Thể thao ban raya, gam song nan brei hu sarak ka nyu lagaih  piah dom jabat karja song  tư nhân dalam gah ilamu ba gauk buh jien tame patagok.

Mboh lac, ban raya .HCM dok hu dom kein lagaih  piah ptagok bruk ngak mbang  kinh tế melam.  Meyah ngak siam, hu jalan ngak njauk  ye kinh tế melam meda jeng jalan piah ban raya pasiam veik gah  du lịch saong kinh tế biak samar, dong patagok bruk ngak, jien mek tame ka bhap bini, song patagok jien mek tame ka kadung jien karja./.

Urang lang: Hanipha- 18/6