Dom thun tapa, du lịch bhum ĐBSCL hu rilo salih bahrau biak siam, abih di nyu lac dalam bruk yaih khan, pambuak hu haong dom pasak du lịch langiu bhum yau ye TP. Hồ Chí Minh, Đà Nẵng, Lâm Đồng…, patagok kein lagaih, patagok prein khang piah cakrok du lịch, haong rilo labik gheih, mekre, inem krung sajarah – ilamu, rilo labik dalam bhum ini dak harei dak jeng labik nao tal biak chreih chrai, dui pachreih hu rilo tuai damuai dalam saong langiu taneh ia.

Kiên Giang lac sa dalam dom labik dalam bhum ĐBSCL tagok siam prein khang du lịch dalam tukvak tapa, meng labik hu mblang kapal haok dunya, hu abih tih 16 jalan par, dalam nan hu 9 jalan par dalam taneh ia saong 7 jalan par dunya. Tuai dunya mai tal Kiên Giang meng 143 taneh ia saong bhum taneh, rilo meng lac dom taneh ia hu jalan par tapak tal Phú Quốc yau ye Hàn Quốc, Ấn Độ, Thái Lan, Đài Loan (Trung Quốc), Hồng Kông (Trung Quốc), Ba Lan (par charter)… Abih di nyu nan lac, du lịch Phú Quốc tagok samar tui jalan ngak lac labik ravang me-in pakat negar, lac pasak ravang iek sinh thái chất lượng glaong di taneh ia, di khu vực saong dunya. Dom bhum ravang me-in yau ye: Hà Tiên, Kiên Lương, Kiên Hải, U Minh Thượng jeng hu tỉnh sangka buh jien tame ngak, daong palagaih piah cakrok. Piah dui pachreih tuai damuai, tỉnh Kiên Giang hu roh duah, patabiak rilo jalan ngak brei cakrok du lịch lagaih haong bruk anak meta di tỉnh, di bhum saong di taneh ia.

Daok di tỉnh Bạc Liêu, meng bruk sangka di dom urang ngak praong pan akaok saong di karja  tỉnh, gah du lịch hu jeng sa dalam 5 bruk kinh tế praong di tỉnh ini daok tagok khang kadang, rik daong praong tame bruk patagok KTXH di tỉnh.

Bạc Liêu urak ini, lac sa dalam dom tỉnh hu pandap hu angan ilamu du lịch biak karei abih dalam bhum kinh tế praong taneran kraong Cuu Long, ngan saong rilo janih pandap yau ye: ilamu sajarah, tâm linh tín ngưỡng, ilamu đờn ca tài tử, Công tử Bạc Liêu, ravang iek glai, tasik, điện ngin, dom ilamu kiến trúc lavik zaman saong di urak ini. Ong Phạm Văn Thiều, akaok UBND tỉnh Bạc Liêu khan lac, dom thun jaik ini, tỉnh daok ngak tui jalan: Du lịch Bạc Liêu meda cakrok jeng  “Labik pagul ilamu”, pasak ravang me-in di bhum ĐBSCL, nan ye dom gah chức năng di tỉnh daok roh duah janih pandap piah pamaong tal khik ramik prein khang ilamu di drei.

Sarak 59-NQ/TW di Mintri Chính trị ka padang ngak saong patagok ban Cần Thơ tal thun 2030, pamaong tal thun 2045, ba tabiak jalan lac padang ngak saong patagok Cần Thơ lac ban sinh thái, văn minh, bahrau abih, ndung bak ilamu kraong ia bhum ĐBSCL. Tui nan, dalam jalan cakrok du lịch suai lavik, Cần Thơ brei patagok ilamu kraong ia pambuak pagam haong mbeik drei yam tame tui jalan cakrok hijao, khang kajap di du lịch taneh ia saong dunya.

Thau lac du lịch sinh thái lac sa dalam dom bruk hu prein khang, gah du lịch Cần Thơ jeng hu rilo jalan ngak piah jhul khang, cakrok. Dom puk palei jeng hu ba tabiak jalan ngak cambaih laih. Mbluak di abih lac huyện Phong Điền urak ini daok ramik ngak saong ba tabiak jalan cakrok du lịch sinh thái, dalam nan peih ngak bruk parabha bhum cakrok vành đai ngak nong pambuak haong du lịch sinh thái: bhum patagok labik du lịch sinh thái, padeih padei pambuak haong ravang iek bein, palei, bhum pala praong sa janih njam patam saong ravang iek palei bingu kiểng, phun cảnh.

Cần Thơ jeng hu sa danak dak du lịch daok tabiak panuac ieu urang buh jien tame ngak, lac labik du lịch sinh thái Phong Ðiền praong abih tih 40ha, piah ngak dom bruk gah kraong ia, bein palei labik ini, ngak jeng labik ravng me-in bui sambai pambuak haong du lịch sinh thái saong padeih padei yau ye resort, homestay, labik nhà hàng mbang huak, labik me-in sambai pambak tame kraong ia, labik ba drei tame ilamu bein palei.

Bruk patagok prein khang, siam lagaih di ravang me-in kraong ribaong, sinh thái saong bein palei di bhum ĐBSCL dalam dom thun tal lac bruk njauk ngak samar drah di Đảng bộ, karja dom tỉnh, ban dalam bhum, piah jhul khang cakrok kinh tế, salih jalan ngak kinh tế, ngak jeng bruk salih bharau khang, dui pachreih du lịch pambuak haong cakrok du lịch dalam bhum saong yam tal pandar siam prein khang du lịch bhum sit kraong Mê Kông saong khối ASEAN, rik daong tame bruk peih ngak di Bộ Chính trị ka patagok gah du lịch jeng gah ngak mbang kinh tế praong di bhum ĐBSCL saong abih labik dalam taneh ia./.