Danak dak hu peih ngak di 51 tinh, ban dalam taneh ia, dalam nan, Sóc Trăng lac sa dalam dom tinh, ban gah Maraong negar hu Kapul urang kumei Việt Nam pakat negar pilih ruah peih ngak Danak dak, tukvak 2021-2025.

Danak dak hu dom bruk ngak yau ye Parang tabiak, yaih khan dom pandap pathau khan Danak dak 8, yau ye padang labik parang tabiak, yaih khan dom pandap pathau khan ka phim, tapuk pleik online, blah palauk, dalikan papar sap, khau tin papar saong dom pandap panda alin hadiah di danak dak piah ba dom asal kadha di Danak dak “peih ngak bruk likei kumei samu gauk saong langyah samar drah dom bruk brei hu di urang kumei saong uranaih” tal rilo urang kumei saong rahra dalam ban. Taphia di nan, lac parang me-in mangaok sân khấu ka bruk pacang caga taong paoh dalam sang, dak padang baoh sang haniem phul; Peih Phiên tòa ngak iek piah pathau khan ka bruk pacang caga taong paoh gauk dalam sang bac. Amuk Trần Thị Huyền Thanh, Akaok Mban Ngak bruk gah Maraong negar – Kapul urang kumei Việt Nam – brei thau: “Kapul urang kumei Việt Nam caong khin pakat uỷ, kanja dom pakat sangka pato tacei, rami ramik phun jien dom danak dak bruk ngak negar, dom danak dak di tỉnh piah pambuak gauk peih ngak hu siam di abih, brei mboh bruk ngak di dom pakat kapul urang kumei njauk jhul khang jang bruk pathau khan; patagok bruk ngak, kham merat pambak tame dom prein khang piah peih ngak dom danak dak hu siam lagaih.”

Daok danak dak “harei pataom haong adei bui sambai puac tapuk”, “daong prein ka adei nao tal sang bac”, Mban peih bruk hu yaih khan labik ilamo puac tapuk saong Danak dak phim hoạt hình tal dom adei daok di bhum bangsa takik, bhum ceik, ngak jeng mblang ma-in ka dom adei hu taom gaok, ndom biai nao mai, puac tapuk.

Di Danak dak, mban ngak bruk gah Maraong negar hu pambuak bruk, nao gam haong urang daong, jao paok jien bac abih tih ka thun bac 2023 – 2024 yaom 80 triệu đồng ka 61 adei anek saih metui, dom adei biak kan kandah di Sang bac THCS Thạnh Thới An. Jao alin sổ patak pataom – jien bac abih tih saong jien cai pandar di thun bac 2023 – 2024 hu yaom 95 triệu đồng ka 15 adei sinh vien,  anek saih tal 12, dom adei matui madar yam tapa kan kandah bac ta-a naih joi di tỉnh Sóc Trăng, yaom 10 triệu đồng yaok baoh sổ patak pataom, 5 triệu đồng yaok paok jien bac, haong hatai caong pachrieh bac, pachreih megru, daong prein ka anek saih matui, anek saih bhum bangsa takik, bhum ceik bac tagok glaong jang, rik daong pabak urang hu ilamo khang kajap ka bhum kan kandah, bhum bangsa takik. Adei Trịnh Thị Bé Phụng, palei daok di xã Thạnh Thới An, huyện Trần Đề, lac sinh viên Sang bac Đại học An Giang, brei thau tuk taduan hu sổ patak pataom, jien bac abih tih meng danak dak: “Harei ini taduan hu paok pandap adei biak drut drui saong uan tabuan, taduan hu bruk sangka meng dom pakat pan akaok, kapul urang kumei saong dom urang daong, hu brei paok pandap ini ka kol adei. Adei sanya caik paok jien bac ini ka bruk bac taa piah pasram ilamo ka drei di harei hadei hu jeng rahra siam hu kein ka mebuac sia, puk paga.”

Gam haong nan, danak dak “Triệu paok pandap klah rabha anit ranam” jeng hu jao alin 100 paok pandap, dalam nan hu pandap mbang, pandap pandar dalam sang, khan aw saong dom pandap khik iek prein yava hu daong pabak hatai caong pandar ka abih tih dom baoh sang kan kathaot di xã Thạnh Thới An, hu mbaok haong karja palei sangka tal raidiuk, mbang ngui, bruk ngak mbang ngak huak,  paglaong raidiuk bhap bini./.