Du lịch dalam tuk hu jit ruak jeng meda tamuh tabiak dom jien padai ka puk palei saong doanh nghiệp

Dua thun dahlau daih, labik pataok kapal du lịch Hạ Long tuk halei jeng bak tuai du lịch dunya. Dom hãng lữ hành brei kakei dahlau jaik sa bilan meng hu kapal ka tuai nao maong iek vịnh, ye urak ini, tok hu dom tuai dalam taneh ia. Oh ta-eng hagait Hạ Long, dom mblang menei ia tasik mekre hu angan yau ye Nha Trang, Mũi Né, Đà Nẵng…jeng joa kandang yau nan. Kayua yau nan ye bo bruk likau peih pabah mbang du lịch meng harei 1/5 hu rilo mintri, rilo gah, rilo tỉnh, ban pachreih tui.

Akaok mban roh duah patagok kinh tế tư nhân,TS Trương Gia Bình ndom lac: bruk ba tabiak tukvak 3 bilan piah peih ngak veik, lac biak njauk saong praong jang lac biak lagaih haong bruk di dunya: Meyah tui dunya hu passport vaccine bloh, drei njauk taduan raok, dom hãng kapal haok hu jalan kuhria caga ginup abih, drei oh ta-eng drei ngak hu, kayua oh njauk lac urang halei jeng hu tagok kapal haok.

Jeng hu hatai sahneng yau nan, amuk Nguyễn Thu Anh, Viện roh duah y khoa Woolcook Việt Nam caong lac: dom tuai hu klauk vaccine 2-3 mbang, meyah tame Việt Nam dut iek mboh âm tính ye njauk maong iek yau tuai damuai nao mai dalam taneh ia.

Tui dom chuyên gia, kadha praong tuk ini, lac dalam vaktu 3 bilan caga nan, dom bộ ngành, tỉnh, ban brei njauk gauk ka jalan ngak, kuhria gam abih gah du lịch peih ngak veik yau habar; khan brei tuai thau cambaih dahlau di tuk tame Việt Nam brei caga yau habar. Jalan ngak hu ba tabiak cambaih laih ye jhui salih karei chip piah ka tuai sahanang hatai nao du lịch dalam chreih chrai, bui sambai. Ong Trần Quang Hiếu, Chủ tịch Amica Travel caong lac:Njauk caik ka dom Cty du lịch taduan trách nhiệm, tabiak bruk dut iek rilo ye tuai mboh huac, atau labik nao tal pacap dut iek veik…. Kayua Cty lữ hành jeng meda hu dom bruk ba tabiak ka tuai ngak tui.

Du lịch dalam tuk hu jit ruak jeng meda tamuh tabiak dom jien padai ka puk palei saong doanh nghiệp. Kadha praong lac tuk tabiak tukvak peih pabah mbang ye meng karja tal doanh nghiệp brei khang hatai ngak tal labik tal dhua saong brei hu bruk kuhri kuhria ka nyu lagaih ka sa gah meblah tal 1,2% GDP dalam taneh ia.

Du lịch lac piah duah chreih chrai bui sambai ka hatung hatai, piah duah thau ka dom ilamu, ka anek menuac di dom bhum taneh bo tuai hu nao tapa. Kayua yau nan ye, tuk hu bruk njauk gauk, yasa dalam sarak peih pabah mbang darak pasar, bruk sangka, rap ar di po sang tuk taduan raok tuai ye darak pasar  du lịch meng hu tagok siam biak biai./.

 Urang lang: Mousa Phuong – 12/02