Đông Tháp ieu lac sa bhum palei praong di labih pala phun caraih, min tapi dom thun bahrau di ini, tanah pala phun caraih di ini mboh takik jang. Thun 2015, taong abih tanah dalam tỉnh hu labaih 1.265,4ha pala caraih, ralo abih di nyu pala caraih mek asar. Min tal masa mang thun 2016-2019, tanah pala caraih di dalam tỉnh biak tukik, mboh daok labaih mang 792 tal ralo di nyu labaih 879ha. Tanah pala caraih trun daok takik mai mang janih phun pala ini kayua jit taong khang jeng ye oh ka hu jalan caga jalan pacang tantu.

Tui lang yah di Pasak gah ngak nông, quản lý eik glang ngak mbang, gah binak ia saong Ia hacih bhum palei tỉnh Đồng Tháp, ruak phun caraih di tinh Đồng Tháp mang masa tuk wak mang blaoh kayua binau Phytophthora, bimau Fusarium haong virut ruak. Dom janih bimau ini hu virut khang mbak nao mai jeng ye nyu diuk suai di dalam tanah. Kayua yau nan ye dom dom hamu pala phun caraih gam gam mbuan si mbak jit ruak ralo jang di dom hamu tanah bahrau pala caraih mbang camareip.

Piah brei daong urang ngak hamu duah jalan pacang caga jeng ye ngak siam lagaih brei ka bruk pala phun caraih di tinh Đồng Tháp tui jalan siam makre karo kajap, bilan 3 mang blaoh, Pasak gah ngak nông, quản lý eik glang ngak mbang, gah binak ia saong Ia hacih bhum palei tỉnh Đồng Tháp brei peih ngak “Quản lý ieik glang jit gam haong brei ngak tabiak janih piah caga ruak bruk hala dhan coh, ruak bruk talei, bruk hala... angaok phun caraih ka kajap ka karo”.

Bruk ngak hu peih di 2 huyện Cao Lãnh, Tháp Mười, praong labaih 39ha. Dalam nan, urang ngak nông urang pala caraih hu daong brei tahu pandar njauk cara mang li ua mang phun ngak tanah jeng ye pilih ruah pajaih, cara pala drak gam gam haong thau pamanek tabiak janih ndap nda sinh học hu ia anak Bacillus spp hang ralo bimau, vi khuẩn kein raba daong ka khang brei ka phun caraih, piah daong caga ruak coh bingu, bingu coh, bruk hala, bruk dhan phun caraih sen...

Ông Lê Văn Bo daok di xã Gáo Giồng, huyện Cao Lãnh, urang ngak nông khan lac: “Caraih ieu lac sa janih phun pala kein laba praong. Min tapi lac, mayah oh hu jalan lang yah ka cambac lac tantu brei ka dom janih ruak kik di angak phun caraih ye tanah hamu pala k harei dak daok trun takik. Akaok thun mang blaoh, drei khat jaik 200 triệu đồng kayua phun caraih njauk ruak. Caong khin bruk ngak mbang mang bruk pala phun caraih barau ini mada ba mai kein laba bahrau brei ka urang ngak nong pala phun caraih di phun palei drei”.

Hadei labaih 6 bilan ba tabiak ngak, dom dom hamu tanah pala drak caraih tama bruk siam, kurang mbh di mata ruak yau ye bruk bingu coh, talei dhan, bruk hala... Tui kuria mboh, hadei di bayar abih phun jien buh tama, laba brei ka bruk pala drak phun caraih glaong ralo jang labaih 10% dut tui bruk ngak hamu biasa yau kan dalau.

Tui ông Trần Văn Toàn - Phó Akaok Jabat pachreih ngak nong haong Pablei salih gah ngak nông, Pasak gah ngak nông, quản lý eik glang ngak mbang, gah binak ia saong Ia hacih bhum palei tỉnh Đồng Tháp, cara jalan ini daong brei lang yah ieik glang jit palai phun caraih, mang mang nan daong urang ngak nông sanang hatai ngak mbang pala darak dan haong patagok ekonomi kinh tế mang phun caraih. Gam tui di nan daong ka jalan pato tacei brei ka urang ngak nông thau pandar gah sinh học piah padam pacang ruak ka  phun caraih daong pakurang patakik jru cawao caga phun kayau ndap nda gah ngak nông, caga sihat prein yawa urang ngak jeng ye urang pandar urang mbang manyum nyu; pakurang parandap jru padam jit palai. Gambar binguk hadah brei pasang jalan pachreih ngak brei ka gah jirah ngak nông mai mang bruk pala drak phun caraih, ngak tabiak ndap nda gah ngak nông hijau – karo kajap.../.