Di bhum ĐBSCL, tukvak tapa baoh mariak hu dom urang blei salih mai blei di mblang hamu haong yaom biak glaong, mangaok mala 30.000 đồng/kg. Langik biak lagaih, mariak pala hu rilo baoh, brei jien mek tame biak siam.

Ong Đỗ Tường Châu daok di xã Tân Thành, huyện Gò Công Đông (Tiền Giang) jeng yau rilo urang nong di bhum tapen tasik Gò Công biak chreih chrai kayua bilan mariak thun ini hu laba rilo. Mariak hu pablei di mblang hamu yaom jaik 30.000 đồng/kg, laba hu 10.000 đồng/kg. Tui kuhria mboh di ong Tường, pala mariak tok caong yaom 20.000 đồng/kg lac hu laba paje. Jien mek tame meng phun mariak biak tani tanat saong pala mariak jeng oh kan. Mariak pala labaih 2 bilan meda paik baoh mbang camriep. Tukvak paik baoh meng 3 tal 4 bilan tui pajaih saong tui bruk iek glang.

Daok tui ong Nguyễn Văn Cư jeng daok di xã Tân Thành, daok pala mariak tai ngik Sen Hồng 084 mboh biak siam lagaih, kuhria abih vu paik hu meng 25 - 30 tấn/ha, phun praong samar. Pajaih mariak tai ngik takik njauk ruak jang dom pajaih mariak karei nan ye hu pilih ruah pala, mikva tok pacang caga ruak thán thư.

Pala mariak mala mblang hamu atau di mangaok taneh cuah glaong lac bruk ngak meng kan di rahra tỉnh Tiền Giang hu khik ramik meng rilo thun tapa. Yaok thun, taneh pala mariak di Tiền Giang labaih 1.000ha, pala rilo di dom huyện Gò Công Tây, Chợ Gạo, Gò Công Đông, Châu Thành. Mikva bhian trun pajaih mariak di akaok bilan hajan. Ilamo piah ngak hu jak jeng lac pilih ruah njauk pajaih, pacang caga siam ruak kik saong brei hu labik pablei tani tanat. Langiu di pablei dalam taneh ia, jaik di ini baoh mariak di Tiền Giang daok hu pablei tapa rilo taneh ia.

Jaik di ini, dom doanh nghiep, labik pablei salih pajaih saong pandap ngak nong hu blei mariak daok peih bruk pambuak gauk haong urang nong pala saong blei meriak. Nan ye, chất lượng, năng suất baoh mariak hu glaong tafok, labik pablei biak tani tanat.

Amuk Nguyễn Thị Băng Tâm, po labik blei mariak pablei tapa darak pasa Singapore di xã Tân Thành (huyện Gò Công Đông) brei thau: mariak Việt Nam hu rilo taneh ia di dunya biak takre. Darak pasa praong abih jeng lac Trung Quốc. Min, labik di amuk Tâm pilih ruah Singapore kayua lagaih jang saong hu rilo thun hu ilamo. Yaok adit labik ini blei meng 20 - 25 tấn baoh mariak pabak ka bruk pablei tabiak negar langiu.

Ong Cao Đình Tuấn, Yam ndok Công ty TNHH Pajaih phun pala Sen Hồng (ban Mỹ Tho, tỉnh Tiền Giang) brei thau, langiu di bruk ba dom pajaih bahrau hu năng suất, chất lượng siam pabak ka mikva, doanh nghiệp daok hu kapul urang jakar kỹ thuật hu rilo ilamo tuk halei jeng gam haong urang nong tabiak hamu, daong ka mikva pala mariak hu siam lagaih jang yau pabak hu gah chất lượng, mẫu mã piah pablei tabiak negar langiu.

Urak ini, pajaih mariak Sen Hồng hu Công ty TNHH Pajaih phun pala Sen Hồng pabak ka mikva dom tỉnh bhum ĐBSCL, Tây Nguyên saong pablei tapa gam Campuchia, hu urang nong jia biak glaong. Ong Trần Văn Liêm hu labaih 20 thun kak kajap haong bruk pala mariak mala takai hamu, abih di nyu nan lac pajaih mariak Sen Hồng di xã Bình Ninh, huyện Chợ Gạo chreih chrai brei thau lac, mariak thun ini mek hu năng suất glaong, urang blei salih mai tal mblang hamu blei haong yaom 32.000 đồng/kg nan ye mikva biak chreih chrai./.