Dom bruk ngak siam lagaih, kein laba, bak hatai anit ranam, ieu pataom hu bruk pachreih tui biak rilo di bhap bini 34 bangsa takik, 9 agama di dalam tỉnh, rik daong khik ramik siam mekre, sron mbon, sangka an sinh xã hội, meng nan dak harei dak pakhang pakajap hatai jia di bhap bini. Kadha vak di Duy Thỉnh, urang pambuak bruk haong rayo sap ndom Viet Nam daok di TP.HCM brei thau dom kein laba di bruk ngak ini, da-a mikva saong taong abih gauk tui pang:

Dom thun jaik di ini, bruk ngak suan adat hukum, bruk mê tín dị đoan… di palei Thanh Khiết, xã Phan Thanh, huyện Bắc Bình, tỉnh Bình Thuận trun biak rilo mboh di anak meta. Piah hu yau nan, tapon nyaom bol pan phao kraong huyện bhian nao gam, daong ka bhap bini dom bangsa, agama labik ini pasiam dom kan kandah dalam raidiuk yaok harei. Gam haong nan, pambuak haong Hội đồng Sư cả Hồi giáo Bà Ni peih ngak siam bruk “Halau janeng agama hu mbaok tame khik ramik an ninh trật tự”, hu 16 urang, kayua Gru Xích Dự dang akaok kapul. Gru Xích Dự, Chủ tịch Hội đồng Sư cả Hồi giáo Bà Ni tỉnh Bình Thuận lac: "Bruk jum pataom gauk lac biak siam, yau Wa Hồ lac oh hu hagait  quý jang độc lập, bo jum pataom gauk meng hu jak jeng. Drei nao jak ba, tal yaok baoh sang piah ndom biai, amaik ame anit ranam kak kajap haong anek taco, ngak njauk tui hukum karja saong oh pang tui panuac di kol jhak, piah jeng menuac siam".

Labik peih bruk ilamu, daoh tamia, me-in thể dục, thể thao hu Bộ Tư lệnh Quân khu 7, Bộ Chỉ huy quân sự tỉnh Bình Thuận padang ngak alin hadiah ka Giáo xứ Hòa Vinh di huyện Hàm Thuận Nam haong yaom jien daong di Quân khu 500 triệu đồng bahrau hu peih pakak, ba tame pandar dalam bui sambai chreih chrai di mikva tui agama. Labik nan daok patagok kein laba, lac labik piah ka mikva pasram pahat rup pabhap, taom gaok, ndom biai nao mai, ngak bui, me-in sambai. Tapa nan, patagok jang hatai jia di miva giáo dân ngan saong Bộ đội Wa Hồ. Linh mục Nguyễn Văn Hoàng, Quảng xứ, Giáo xứ Hòa Vinh bui sambai lac: "Hu labik brei ka dom adei uranaih me-in sambai, urang praong pasram pahat, labik padang ngak ini biak hu kein laba, ini lac mbang ka 3 piah ngak căn cước công dân di labik ini. Gam hu labik piah sinh hoạt, blaoh sang halei lakhah bo oh hu labik  ye brei ka urang nyim labik ngak lakhah bo oh mek jien hagait, dom kapul nyaom jeng hu labik piah peih nyaom biai".

Bruk “Tapon nyaom bol pan phao kraong tỉnh patagok bruk jum pataom haong dom bangsa, agama” hu Bộ chỉ huy quân sự tỉnh Bình Thuận peih tabiak ngak meng thun 2016, hu ngak rilo bruk yau: padang ngak alin hadiah dom labik sinh hoạt ilamu thể dục thể thao haong yaom jien jaik 6 tỷ đồng; padang ngak alin hadiah 82 baoh sang anit ranam tình nghĩa quân dân; taom gaok, pambuak talei rohim, nao ravang, alin hadiah pandap ka bhap bini gaok kan kandah. Bruk taom gaok dom halau janeng, chức sắc, chức việc, urang hu angan je jeng hu rah tabiak gam gam jang, piah samar thau hatai caong di mikva bangsa, agama, jeng yau klah rabha, pambuak gauk dalam bruk quân sự, quốc phòng. Thượng tá Trần Đông Thành, Phó Chính ủy - Bộ Chỉ huy Quân sự tỉnh Bình Thuận brei thau:

"Bruk ngak ini hu nao tame dalam raidiuk di mikva. Thaot binguk tapon nyaom bol pan phao kraong nao tal dom cơ sở agama, labik thờ tự hu taong abih dom chức sắc, chức việc, dom taha palei, akaok puk, mikva giáo dân taduan raok abih drei. Tapa taom gaok, ndom biai nao mai, drei thau hu rilo bruk, thau jang ka hatai sahneng, ka caong khin di mikva giáo dân. Tui nan, jak gauk ba tangin tame bruk, ngak habar ka talei rohim hu siam mekre jang piah pamaong tal dak padang bruk jum pataom saong peih ngak siam bruk quân sự quốc phòng".

“Dom menuac ngak gah jak ba rahra, akaok brei sahneng, meta maong iek, tanye pang, takai nao, cambuai ndom biai, tangin ngak” – hadar kanal saong ngak tui panuac pato di Chủ tịch Hồ Chí Minh, urang jakar, urang lin tapon nyaom bol pan phao kraong tỉnh Bình Thuận daok hu rilo bruk ngak hu makna, pamaong mai puk palei, abih di nyu lac tuk halei jeng thau jum pataom, kak kajap haong bhap bini bangsa, agama, daong ngak brei khang kajap jang talei jum pataom, kak kajap ralow darah urang lin haong bol bhap rahra./.