Tui yaok pataom, di Ban raya HCM urak ini hu 2.600 urang ngak lahik bruk ngak saong labaih 50.000 urang daok kurang bruk ngak kayua dom urang pan bruk ngak mbang kurang blei mek ndap nda ngak, ndap nda ngak tabiak daok tukik. Liên đoàn lao động (LĐLĐ) ban raya ieu Kapul Công đoàn pakat mala pachrei urang pan akaok DN njauk khan brei thau jien bilan, jien hadiah lin brei mbang tết cambac lac dalau di harei 27-12. Patui di nan, dom pakat Công đoàn njauk pan cambac dahlau hatai caong khin di urang ngak tal dom bruk ngak di masa puac thun jang yau masa hadei di Tết piah caga pasamar jalan daong urang ngak.

Piah parabha daong ba urang ngak kan kandah langiu dom bruk ngak meng kan, yau ye "hala harak vé anit ranam", "darak pasar uranam”, dom Công đoàn pakat angaok pakat cơ sở di Ban raya HCM daok peih dom danak dak Tết di sang apah daok, duah bruk ngak daong ka urang ngak duah jien di dalam masa Tết.

Công đoàn dom labik chế xuất – labik ngak kong (KCX-KCN) ban raya HCM daok peih 5 “Mbang darak pasar anit ranam – Raya Tết jum pataom" lin hadiah brei 500.000 đồng sa urang ka 30.000 urang ngak. Langiu di nan, Công đoàn dom labik che xuat, labik ngak kong di ban raya daok pambuak haong LĐLĐ di quận, huyện, ban Thủ Đức alin 5.000 paok pandap ka urang ngak kan daman daok ngak bruk di dom doanh nghiệp daok di sang apah daok di dom quận, huyện, ban Thủ Đức.

Tui hatai lac "Raya Tết hu tal yaok urang ngak", LĐLĐ quận Bình Tân, Ban raya HCM brei peih ngak biak aval tal sangka ka raya Tết Nguyên đán thun 2023 tal abih kapul Công đoàn pakat mala cơ sở. Dalam nan hu peih bruk nao rivang saong hadiah alin 1.185 paok pandap, yaok pandap hu yaom lac 500.000 đồng, ka urang njauk lahik bruk ngak di Công ty TNHH Tỷ Hùng. Dahlau di nan, yaok urang ngak jeng hu Công đoàn pakat cơ sở daong 1 paok pandap nda hadiah hu yaom 500.000 jien đồng.

Dalam dom harei ini, gam gam haong dom bruk pasang iek bruk bayar jien tui sarak karja ka urang lahik bruk ngak di dom doanh nghiệp (DN) patakik bruk ngak, dom pakat Công đoàn Ban raya HCM hu halain hatain kham marat peih rilo bruk ngak sangka ka raya Tết Thun sak tapai thun 2023 ka urang ngak gaok kan daman.

Ngan haong jalan ngak lac "Tết mai tal taong abih urang ngak (NLĐ)", bahrau blaoh di ini, LĐLĐ ban raya HCM hu pathau khan rilo bruk ngak sangka ka raya Tết siam lagaih. Bruk njauk ngak abih di dalam bruk sangka Tết thun ini ieu lac danak dak "Raya Tết jum pataom - Xuân Raya pahadar pakanal". Danak dak meda alin hadiah pandap nda ka 10.000 baoh sang urang kan kandah, urang oh hu jien piah gilac mai palei bui main raok raya Tết. Danak dak "Baoh sang urang ngak sambai bui raok raya Tết gam haong ban raya" jeng hu peih bruk brei ka labaih 5.000 baoh sang urang ngak hu angan je oh nao palei raok Tết di Bein Ilamo Đầm Sen.

Thun ini, LĐLĐ Ban raya HCM kuhria caga hadiah alin brei 30.000 - 35.000 harak vé radaih jalan, harak radaih apui, harak kapar haok brei ka urang ngak kan daman mai palei raok raya Tết. Gam tui di nan jeng hu peih bruk pataom mbaok tadhau ayuh panuac salamat harei raya Tết di dom labik sang apah daok hu rilo urang ngak daok mbang Tết saong sangka siam makre ka urang ngak kan daman. Taong abih tih kadung jien buh tame labaih 140 tỉ đồng.

LĐLĐ tỉnh Đồng Nai jeng hu peih danak dak Darak Tết Công đoàn di ban Biên Hòa dalam masa 7 harei, meng harei 6 tal harei 13 bilan 1 thun 2023, ngan haong labaih 120 labik pablei saong yaom pablei lap, takik di nyu pakuran trun 15%, saong jeng hu dom janih oh mek jien. Majalih kapul dang ngak meda alin hadiah 1.500 harak blei pandap panda ka urang ngak kan daman mai blei.

Di tỉnh Bình Dương hu jaik 30.000 urang ngak padeih harak pambuak ngak bruk, brei padeih ngak oh mbang jien bilan saong hu labaih 250.000 urang ngak patakik maong ngak bruk, lahik bruk. Kuhria mboh, Tết sak tapai thun 2023 ini meda hu labaih 400.000 urang ngak asal di langiu tỉnh Bình Dương daok di tỉnh ini mbang raya Tết. Parabha nong ba haong dom kan daman haong urang ngak, LĐLĐ tỉnh Bình Dương hu jak ba dom po sang apah daok oh mek jien, patrun jien apah atau dui atah masa mek jieng apah daok ka urang ngak. Urak ini, rilo po sang brei apah daok oh mek jien pah nduk, rilo po sang apah daok patrun meng 20% tal 50% jien apah duk daok ka urang ngak./.