Tui kuhria thun ini, dom sang bac hu peih dom gah bac bahrau piah pabak bruk cak rok patagok taneh ia, meda ndem tal lac gah vi mạch – bán dẫn, công nghệ năng lượng bahrau, dom bruk ngak patagok hijao.

Dalam nan, dom sang bac lac dhar di Sang bac Đại học Quốc gia TP.HCM yau ye Đại học Bách khoa peih gah Thiết kế vi mạch, Kinh tế xây dựng, Địa kỹ thuật xây dựng, Khoa học dữ liệu saong 3 gah bahrau, lac Khik ramik padang ngak, Hóa dược, Hóa mỹ phẩm.  Đại học Công nghệ thông tin pilih ruah 150 urang ngan haong gah bahrau lac mi ramik ngak vi mạch haong dua tổ hợp môn pilih ruah A00 saong  A01.

Dom sang bac karei jeng hu peih gah ini dalam thun 2024. Tiến sĩ Nguyễn Trung Nhân, Akaok Jabat pato pakai Sang bac Đại học Công nghiệp TP.HCM brei thau: “Gah thiết kế vi mạch ye  sang bac jeng hu peih pato, min piah hu dom bilik ngak iek dalam piah ngak dom pandap kan nan ye ka oh cak rok hu gah ini. Urak ini hu bruk daong di dom gah pambuak bruk  ye sang bac peih jeng sa gah pato karei”

Ong Trịnh Hữu Chung, Phó akaok Sang bac Đại học Gia Định brei thau, thun 2024 sang bac hu peih 3 gah bahrau, lac: padang ngak saong khik ramik kênh truyền thông độc lập, khik ramik menuac ngak, khik ramik jien padai. Dom jalan pilih ruah anek saih lac: pasang iek học bạ THPT, pasang iek diem pakacah tamat THPT 2024, pasang iek diem pakacah taong yaom prein bac thun 2024 kayua Sang bac Đại học Quốc gia TP.Hồ Chí Minh peih tabiak: “Taphia di nan, dalam thun ini, sang bac jeng paglaong bruk pilih ruah iek tui học bạ THPT meng 60% tagok 70%. Bruk ini jeng daong ka anek saih meda pilih ruah aval saong patagok bruk hu pilih ruah tame glaong jang.”

Thun ini, jaik abih dom sang bac Đại học jeng khik tamo jalan pilih ruah yau thun 2023, min hu ramik veik hadom urang hu pilih ruah di dom jalan pilih ruah.

Sang bac Đại học Công nghiệp TP.HCM jeng daok khik tamo dom jalan pilih ruah lac pasang iek diem pakacah tamat THPT, diem pakacah taong yaom prein bac, brei pilih ruah dahlau saong binah sit lac pilih ruah tui diem bac THPT. Anek saih hu pilih ruah dahlau atau pilih ruah iek tui học bạ brei hu abih tih diem 3 mon dalam nyaom dom mon pilih ruah (tal 12) meng 21 diem tagok. Anek saih tut angan tame gah Dược học, ye tal bac 12 brei mek hu angan naih joi saong abih tih diem klau mon dalam nyaom dom mon pilih ruah mek hu meng 24 diem tagok.

Sang bac Đại học Luật TP.HCM thun ini pilih ruah 2.100 sinh viên, khik tamo dua jalan pilih ruah lac pilih ruak tuyen tapak saong pilih ruah aval tui danak dak karei, pilih ruah tui diem pakacah tamat THPT 2024. 

Ong Phạm Thái Sơn, Yam ndok Pasak pilih ruah, Sang bac Đại học Công thương TP.HCM brei thau lac thun 2024, sang bac khik tani tanat jalan pilih ruah yau thun dahlau, lac pilih ruah meng diem pakacah tamat THPT, pilih ruah meng học bạ saong pilih ruah meng diem pakacah taong yaom prein bac. Tukvak taduan harak gar piah pilih ruah meng học bạ tui kuhria lac di akaok bilan 3. Ong Sơn ndem lac: “Sang bac thun ini kuhria pilih ruah abih tih  meng 6.500-7.000 urang. Dut saong thun 2023 meda tagok meng 200-300 urang.”

Langiu di nan, dom sang bac jeng brei tagok dom urang pilih ruah ngan haong dom jalan pilih ruah karei di sang bac yau Sang bac Đại học Sư phạm TP.HCM jeng kuhria patagok urang pilih ruah iek tui diem di mbang pakacah taong yaom prein bac di sang bac, Sang bac Đại học Ngân hàng jeng ramik veik tỷ lệ ngan haong jalan pilih ruah iek tui mbang pakacah taong yaom tame di mangaok komputer./.