Bilan pilih ruah anek saih thun ini, sang bac ĐH Giao thông vận tải caik tabiak 1 rabau 100 chỉ tiêu ka jalan pilih ruah iek tui bruk bac da-a di pakat trung học phổ thông (daok ieu lac pilih ruah iek tui học bạ). Abih tukvak taduan mek hồ sơ, sang bac taduan hu labaih 20 rabau hồ sơ tut angan pilih ruah, ngak brei bruk pilih ruah glaih glar jang, kayua brei pilih iek dom hồ sơ biak rilo. Điểm piah hu pilih ruah iek tui học bạ tagok khang lac bruk di jaik abih dom sang bac ĐH thun ini. Ong Nguyễn Phi Long, Akaok jabat pato pakai, Học viện Urang kumei Việt Nam brei thau: “Thun ini gah bo kol drei brei thau điểm piah hu pilih ruah glaong di abih, gah glaong di abih lac 25 điểm. Meyah duk gah ini haong 5 thun dahlau ye nyu tagok 5 điểm, piah mboh  ini lac bruk tagok biak praong”.

Ngan haong dom sang bac cộng điểm ka dom anek saih mek hu giải dalam dom mbang pakacah anek saih joi pakat tỉnh, pakat negar atau dom chứng chỉ quốc tế ye điểm piah hu pilih ruah meda tagok tal 29, atau 30 điểm meteh, ba tal bruk điểm tuyệt đối jeng oh tame hu yau thun dahlau nyu rah tabiak veik. Dalam tuk nan, chất lượng di anek saih hu pilih ruah iek tui học bạ dalam dom thun jaik di ini jeng ngak brei dom sang bac mboh suh sah. Ong Nguyễn Thế Hùng, Phaok Yam ndok Học viện Sarak saong Patagok brei thau, thun ini, Học viện trun meneing bruk pilih ruah iek tui học bạ saong ba meneing chỉ tiêu tapa jalan ngak karei hu chất lượng jang.

Điểm piah hu pilih ruah tui jalan iek tui học bạ tagok glaong, min oh njauk lac chất lượng di anek saih glaong, nan ye dom sang bac top akaok “ndom oh” haong jalan pilih ruah ini, atau hu pilih ruah, min brei hu gam dom bruk karei. Ong Nguyễn Đình Đức, Akaok mBan Pato pakai, Đại học Quốc gia Hà Nội khan lac: “Kol dahlak biak paglaong hatai sangka, nan ye kol dahlak tok brei pilih ruah 10% iek tui bruk bac da-a pakat trung học phổ thông, min brei hu chứng chỉ quốc tế IELS 5.5 saong brei tapa sa mbang pakacah sát hạch phỏng vấn di Hội đồng pilih ruah di dom gah pato pakai”.

Dom urang ilamu gah pato megru mboh lac, bruk điểm hu pilih ruah tui jalan iek tui học bạ tagok glaong, atau rilo sang bac pagam tame dom tanut pilih ruah brei mboh lac dom sang bac oh jia abih tame bruk taong yaom bac da-a di pakat phổ thông. Ong Lê Viết Khuyến, dahlau daih ngak Phaok akaok Vụ pato pakai Đại học, Mintri Pato Megru ndom lac:“Dalam tuk Việt Nam kol drei urak ini bruk khik ramik chất lượng di pato pakai đại học jeng daok oh ka lagaih, ndom hagait tal bruk khik ramik chất lượng di dom sang bac phổ thông. Meyah iek tui điểm học bạ meda tamuh tabiak bruk likau điểm, blei điểm”.

Bruk điểm piah hu pilih ruah iek tui học bạ tagok biak glaong yau thun ini, ye langiu di bruk iek veik jalan taong yaom di pakat phổ thông, Mintri Pato Megru jeng njauk yam tal bruk lac brei hu 1 jalan ngak yau ye Pasak khảo thí độc lập, piah ka anek saih hu taong yaom tui sa tanut yau gauk di dalam taneh ia./.

Urang lang: M.Phuong