Dom sang bac đại học pandar biak rilo jalan ngak piah pilih ruah

Hu jalan jang piah pilih ruah tame sang bac đại học bo drei takre, min jeng hu kan kadha jang – nan lac bruk di rilo anek saih tal 12 thun ini tuk dom sang bac đại học peih praong dom jalan pilih ruah. Taphia bruk pilih ruah iek tui điểm pacacah tamat THPT, chứng chỉ sap negar langiu pakat dunya, pilih ruah tapak, pilih ruah tui học bạ… thun ini, rilo sang bac đại học dalam taneh ia meda iek tui dom mbang pacacah karei, yau mbang patacah taong yaom prein bac, taong yaom hatai sahneng piah pilih ruah. Tui yaok pataom di Mintri pato magru, urak ini hu jaik 20 jalan pilih ruah, hu dom sang bac đại học ba tabiak pandar. Meng rilo jalan pilih ruah ini jeng ba tal  kan kandah ka anek saih dalam bruk thau cambaih khau tin, atau bac saong ôn tập piah hu mbaok tame dom mbang pacacah karei di dom sang bac. Nai gru Đào Thị Lệ Yên, lac gru pato di sang bac THPT Nguyễn Văn Huyên, tỉnh Tuyên Quang brei thau hatai sahneng di drei yau ini: “Pilih ruah ye chứng chỉ IELTS dahlak saneng lac oh mbuan. Kayua dom adei lac daok di dom tinh bhum ciek nan ye bruk ndem puac di dom adei jeng daok gaok kan kandah. Pagap yau dalam mbang pacacah kỹ năng ndem. Khol dahlak rilo meng pataom tame ôn pacacah tamat trung học phổ thông. Mayah dom adei halei caong khin piah  mek hu chứng chỉ sap negar langiu, bhian di nyu lac khol dahlak tacei jalan ka dom adei tame bac di dom pasak, kayua pasak hu nai gru, cei jru lac menuac di bangsa nan, meda mbuan lagaih ka dom adei.”

Kuhria tal tukvak ini, gam haong mbang pacacah tamat trung học phổ thông di Mintri pato magru, bilan pilih ruah thun ini hu jaik 10 mbang pacacah karei brei ka anek saih caong hu tame dom sang bac đại học. Yaok mbang pacacah karei jeng hu sa tanut prein bac, hatai sahneng karei di gauk, tukvak pacacah parai tabiak meng bilan 3 tal bilan 7. Tui Giáo sư Nguyễn Đình Đức, akaok mban pato magru, sang bac Đại học Quốc gia Hà Nội, rilo mbang pacacah karei gam hu rilo jalan jang, min jeng hu makna lac nyu trak damak jang, abih rilo jien padai jang ka dom anek saih dalam luac tukvak bac saong pacacah: “Dahlau dieh, mayah taong abih dom sang bac jeng iek tui bruk bac trung học phổ thông piah pilih ruah tame đại học, yau nan, sa adei meda nộp harak tame biak rilo caong khin, biak rilo sang bac. Urak ini dom gah karei di gauk, jalan pilih ruah jeng karei di gauk, bruk pandar kết quả di kadha pacacah trung học phổ thông  dak takik nao saong yau nan urang pacacah biak glaih glar.”

Meda mboh lac, bruk tamuh tabiak dom mbang pacacah karei piah duh ka bruk pilih ruah đai hoc hu maong lac sa bruk bahrau di thun ini di dom sang bac đại học saong hatai caong lac meda pilih ruah anek saih ka nyu njauk jang. Tapa bruk ini brei mboh lac, langiu di mbang pacacah tamat trung học phổ thông thun ini, anek saih caong tame sang bac đại học cdaok njauk hu mbaok tame rilo mbang pacacah karei di gauk piah duah jalan hu pilih ruah. Salih bahrau pakacah lac bruk njauk ngak saong eng drei dang tabiak pilih ruah lac quyen di dom sang bac, min dalam tuk jit ruak daok sarau kadhau yau urak ini, ye bruk peih biak rilo mbang pacacah, rilo jalan piah pilih ruah gam ngak brei abih rilo jien padai, gam ba tal trak damak ka anek saih./.

 Urang lang: Thu Thao – 28/03