Ong Nguyễn Đặng Hiến, Tong Yam ndok Cty TNHH Sản xuất saong Palei salih Tân Quang Minh (Bidrico) ndom lac, urang ngak padeih ngak hadei di Tết lac bruk bhian rahtabiak. Yaok thun, Cty jeng kurang labaih 5% kapul urang ngak bruk. Daok thun 2023, Bidrico khang hatai jhul doanh số tagok dua mbang dut saong thun 2022, nan ye meng tuk ini, Cty njauk kuhria tal bruk pilih ruah urang ngak bahrau. Urak ini, urang ngak njauk ngak 3 ca sa harei piah samu haong đơn hàng pablei tabiak negar langiu, nan ye njauk caong hu veik 110 urang piah pabak don hang hu mbaoh tangin haong dom gah pambuak bruk. Ong Nguyễn Đặng Hiến ndem lac: “Bruk pilih ruah urang ngak bruk di kol dahlak lac caong hu veik 30% tra. Ngan haong dom urang lahik bruk dalam tukvak tapa di dom gah, yau ye jhik mayim, kalik takhaok, pandap kayau ye kol dahlak meda taduan mayah urang ngak caong mai ngak bruk veik”.

Daok di Công ty Furukawa Automotive Parts Viet Nam, Labik chế xuất Tân Thuận, Quận 7, TP.HCM (lac Cty ngak paok talei điện radaih 4 baoh), piah peih praong bruk ngak saong pabak urang ngak padeih bruk dahlau di Tết, công ty jeng daok pilih ruah 200 urang ngak lac urang kumei, umo meng 18 thun tal 40 thun. Langiu di yaom jien bilan ba tabiak lac meng 8-10 triệu đồng sa bilan ngan haong urang ngak bahrau, daok hu ký túc xá, radaih pajeng ba urang ngak.

Pasak Kuhria mboh dahlau bruk caong urang ngak saong brei thau ka darak pasa urang ngak TP.HCM (FALMI) mboh lac, thun ini TP.HCM caong hu 300.000 - 320.000 urang ngak. Dalam nan, quý 1 caong hu 79.000 - 87.000 urang ngak, quý 2 lac 72.500 - 75.500 urang ngak, quý 3 saong 4 jeng caong hu meng 73.000 tal 81.500 urang. Jaik 70% bruk caong pilih ruah bahrau bhian mboh di gah pablei salih - dịch vụ; daok bruk caong hu urang ngak di gah ngak kong - xây dựng meblah 30%.

Ong Nguyễn Văn Lâm, Phó Yam ndok Sở Lao động – Thương binh saong xã hội TP.HCM brei thau, urak ini, hệ thống dịch vụ bruk ngak di TP.HCM biak parilo. Langiu di kanja lac Pasak Dịch vụ bruk ngak di Sở saong Pasak bruk ngak dam dara di Thành Đoàn TP.HCM, daok hu labaih 120 labik hu brei bruk meyaih khan bruk ngak di dalam ban raya, daok pambuak bruk cung cầu urang ngak di dom doanh nghiệp: “Kol dahlak meda peih dom sàn giao dịch bruk ngak online pambuak tapak haong dom tỉnh gah Tây Nam Bộ, bhum Tây Nguyên piah ka dom tinh, ban ini pambuak haong urang ngak daok veik, ka oh duah hu bruk ngak. Piah pambuak haong dom doanh nghiệp Ban raya. Tuk dom urang ngak mai gilac TP.HCM ye pambuak chip haong bruk ngak”.

Amuk Trần Minh Ngọc, Yam ndok Pasak bruk ngak siam brei thau, yaok thun, bruk caong pilih ruah saong duah bruk ngak hadei di Tết Nguyên đán jeng tagok glaong meng 20% tal 40% dut saong quy puac abih di thun dahlau di nan. Thun ini, caong pilih ruah hadei tết di abih tih dom gah jeng daok tagok min tanut patagok meda oh glaong yau dom thun dahlau. Amuk Ngọc brei thau lac, darak pasa dunya hu rilo srau kadau caik ka doanh nghiep kuhri kuhria veik bruk cai pandar, pasiam di abih yaom jien sahui:“Ngan haong nyaom gah urang ngak, bo abih di nyu nan lac di darak pasa pablei tabiak negar langiu, doanh nghiep meda brei ngak dahlau di abih bruk khik takai urang ngak hu ilamo glaong, langyah dom đơn hàng bo cty daok hu. Di darak pasa  dalam taneh ia jeng mboh hu siam jang, min oh hu biak rilo siam lagaih piah meda ndom lac hu patagok siam jang ka bruk pilihy ruah dalam Quý 1 thun ini”.

Jeng tui kuhria mboh di gah pilih ruah, yaih khan bruk ngak, urak ini hu rilo gah jeng daok gaok kan kandah kayua darak pasa di dunya, kayua yau nan ye hu doanh nghiệp meda rami ramik veik phun jien pah manuac ngak, patakik veik bruk ngak, bruk pilih ruah bahrau jeng oh rilo. Kayua yau nan ye, urang ngak caong duah bruk ngak atau ngak bruk karei njauk caik hatai piah pilih ruah bruk ngak ka nyu lagaih./.