Rilo gru pato saong anek saih sangka jalan tabiak đề môn Ngữ văn. Dom gru pato brei thau, đề minh họa hu dua binah, jaik dreh yau đề thi pakacah tamat THPT dom thun jaik di ini. Anai Nguyễn Thị Thu Phương, gru pato Ngữ văn sang bac THPT Nguyễn Hữu Huân (TP. Thủ Đức) brei thau, tui tacei pato di Mentri Pato megru lac hu dua janih đề, binah puac thau cambaih meda lac văn bản nghị luận, binah vak đoạn văn meda lac nghị luận xã hội, binah vak văn bản, anek saih hu tabiak đề vak Nghị luận văn học saong janih đề ka dua meda cagar veik. Tui nan, gru pato njauk pato ka anek saih kĩ năng vak đoạn saong kĩ năng vak văn bản, gam nghị luận xã hội saong nghị luận văn học.

Langiu di nan, đề minh họa pandar dom ngữ liệu langiu tapuk giáo khoa ka binah puac thau cambaih saong vak, pasiam hu bruk bac văn mẫu, bac pilih labik, sahneng rapeik rapai ka đề pakacah… Meng nan meda daong ka anek saih patagok hu prein puac saong ilamu langyah bruk. Min gru Thu Phương mboh lac đề minh hoạ haong asal kadha hu pambuak pagam tal dua tác phẩm, tukvak ngak bài tok dalam 120 minit, bo langyah dom kadha ba tabiak lac atah  saong trak ngan haong anek saih, abih di nyu lac dom adei cảm thụ văn học oh ka siam:“Dom văn bản langiu tapuk giáo khoa oh lac patagok hu pren khang di anek saih, bo nyu daok ngak brei salih jalan pato di gru pato saong jalan bac di anek saih. Asal kadha oh lac tok pataom tame dom tác phẩm dalam danak dak, bo gru pato saong anek saih jeng brei duah thau ka bruk puac peih prong dom tác phẩm langiu danak dak. Meng nan jeng daong ka anek saih hu tukvak piah pathram, pachreih ilamo puac saong daong ka bruk saneng di dom adei hu siam jang.”

Ngan haong dom đề thi yau Vật lý, Hoá học, Lịch sử…, langiu di sua tangi trắc nghiệm hu rilo jalan palih ruah hu pandar dalam rilo thun, đề minh hoạ daok hu sua tangi trắc nghiệm palih ruah njauk atau suan. Kayua yau nan ye, anek saih brei thau cambaih meng meda ngak njauk.

Gru Phạm Lê Thanh, gru pato môn Hoá học sang bac THPT Nguyễn Hiền (Quận 11) brei thau, đề minh hoạ yaom lac tok daok dalam danak dak tal 10 min mong tapa đề meda mboh hu jalan ngak piah taong yaom pren bac saong phẩm chất di anek saih. Asal kadha đề thi brei mboh hu bruk duah thau  tự nhiên tui meta maong gah hoá học. Dom kadha sua tangi ka bản chất hoá học, oh daok lac dom bài tập, bài toán vô lí yau dahlau diah. Đề minh hoạ hu nao tame dalam asal kadha hoá học, ứng dụng pambuak pagam haong dom hagait rah tabiak dalam rai diuk. Đề thi daok pambuak pagam jalan pakacah kadha sua tangi trắc nghiệm tui jalan javap jaleiy katut panak. Gru Thanh lac:“Dua jalan ngak ini taong yaom hu pren bac di anek saih di labik trun hu taong lụi, oh pandar mẹo, kỹ xảo trắc nghiệm piah tah klaak, meda kan jang. Anek saih brei thau hu bản chất hoá học nan ka meng palih ruah hu đáp án njauk. Đề thi neh raba hu yaok nyaom, neh raba hu yaok đối tượng karei di gauk bo đề thi klak dahlau diah oh ka ngak hu.”

Ngan haong môn Ngoại ngữ, dalam nan hu sap Anh, gru Đặng Thanh Huân, gru pato di sang bac THPT Nguyễn Hữu Thọ (Quận 4) brei thau, đề minh hoạ pakacah tamat THPT thun 2025 hu rilo salih bahrau. Bruk tabiak đề dak harei dak jaik jang haong dom đề thi chứng chỉ dunya: “Đề minh hoạ brei mboh asal kadha oh njauk lac tok taong yaom hu kiến thức sap negar langiu bo daok taong yaom tame pren bac sap negar langiu. Pagap yau meng câu 16-23, anek saih brei thau pandar tui, ngak yau habar piah thau saong sap gap veik ka nyu laghaih.”

Taphia di nan, dom gru pato jeng caong khin Mentri Pato megru padang ngak asal kadha đề thi piah ka anek saih meda pandar tui bruk di anak meta rilo jang. Meng bruk thau cambaih ilamu bac ta-a meda pachreih hu hatai sahneng duah di anek saih, pandar tui kiến thức hu bac blaoh piah langyah dom bruk di anak meta, plaih di bruk bac kanal./.