Lac sa urang bon lin dahlau diah, hadiuk pasang muk Cao Thị Khưng (daok di puk palei Thạnh Hưng, xa Thạnh Đông, huyen Tân Châu), mada klak rup drei brei ka taneh aia saong njauk rambuis jaoh jao 4/4, 3/4. Yaom lac umo glaong, thun prong, min amuk Khưng tuk halei jeng daok sami samar hu mbaok tame rilo bruk ngak di palei pala. Meng urang dang akaok kapul nyaom urang kamei tal Urang dang akaok kapul ieik glang eng khik saong urang pambuak gah uranaih di puk palei. Taduan raok urang lambaok puk palei saong urang ngak mbang pablei salih mai rivang daong alin hadiah pandap kaya dalam Tết dalam tuk langik tasik lai la-ar di dom harei puac thun, amuk Khưng taduan hu anit ranam meng dom pok pandap biak hu makna nan. Amuk Khưng khan lac: ini lac pren pachreih biak prong, ngak brei ka khaol dahlak tuk halei jeng kham merat jang.

Jeng daok di puk palei Thạnh Hưng, xã Thạnh Đông, baoh sang amuk Nguyễn Thị Thu, umo 70 thun jeng hu ralo kadha bui sambai dalam dom harei puac thun tuk taduan mek hu dom pok pandap sit pachreih meng di urang pal akaok puk palei saong bhap bani. Amuk Thu nan lac sa urang jaoh jo njaom mbak asal jru mek kalik kruac dalam tuk vak hu mbaok tame bruk mesruh metak pacang khik palei negar. Rai diuk tok pambak tame yaom jien daong 5,4 trieu ndong yaok bilan, tok ginup blei jru cavao saong mbang huak, min amuk tuk halei jeng khik hu hatai saneng bui sambai. Dom pok pandap sit ba mai kadha haniem phol mbuan mbiah min biak sron mbon, ngak ka amek Thu mboh hatai anit ranam saong bruk sangka di manuac urang.

Dalam dom harei drut la-ar di bhum jalan tapen negar Tay Ninh, Kadung jien ngak dhar ngak pah hala DHN kayua Kapul nyaom Hùng Nhơn saong De Heus (Hà Lan) padang tagok hu ba mai ar thak sron mbuan saong hatai jia ka dom baoh sang kan kandah. Baoh sang ong Nguyễn Văn Được (daok di puk Thạnh Quới, xã Thạnh Đông) ieu lac sa di dalam dom baoh sang hu kadung jien ini daong. Ong Được, umo 78 thun, gam haong urang anek likei Nguyễn Văn Nhơn, umo 58 thun, dua urang thei jeng jaoh jo triak, diuk rai meng phun jien daong di rah ra. Mai meng bruk daong di puk palei saong urang ngak dhar pah hala, baoh sang ong Được hu sa baoh sang gul pataom meng di thun 2015. Sap ndom khàn kayua prong thun, ong Được drut droi brei thau: Hatung hatai anit ranam saong bruk klah rabha di bol bhap rah ra, daong ka baoh sang ong oh lac tok hu jang kadha bui sambai blaoh daok hu sa harei raya Tết trei sil.

Tân Châu ieu nan lac sa huyện hu jalan tapen negar di tỉnh Tây Ninh ngan haong labaih 47km jalan tapen nagar haong Campuchia. Rai diuk di sa binah bhap bani daok rilo kan kandah. Dalam dom thun tapa, bruk daong ba rah ra tuk halei jeng hu pakat ủy, karja huyện sangka peih ngak. Gam haong di nan, bruk nao gam di dom urang ngak mbang blei salih, urang ngak pahla dalam saong langiu huyện hu rik binah gam haong puk palei daong ba, sangka tal rai diuk ka urang buh rilo pren yava ka cách mạng, baoh sang kathaot, jaik kathaot, baoh sang hu rai diuk kan kandah di puk palei.

Tui Akaok UBND huyện Tân Châu Võ Hồng Sang, piah peih ngak siam jalan tacei ba di Trung ương, di tỉnh ka oh daok baoh sang taik tahak dalam thun 2025 saong sangka tal urang sarak karja tukvak masa raya Tết Nguyên đán, huyện Tân Châu taduan mek hu bruk daong di dom doanh nghiệp, kapul nyaom, urang ta-eng tagok tal yaok tỷ jien đồng. Bruk ngak pah hala ini daong peih tabiak rilo jalan brei ka rilo baoh sang kathaot, jaik kathaot, urang hu rai diuk kan kandah hu sang bahrau piah daok grap tanat rai diuk, hu dom pok pandap piah mbang raya Tết, uan raok thun bahrau.

Ong Nguyễn Văn Vy, Phaok akaok Ủy ban Mặt trận negar Việt Nam tỉnh Tây Ninh, brei thau lac dalam tỉnh hu labaih 9.000 urang njom njauk jru mek kalik kruac. Dom urang ini hu pakat nagar Trung ương, dom pakat, gah dalam tỉnh saong puk palei sangka min tapin tuk halei jeng hu bruk nao gam, klah rabha di dom jabat, urang ngak pahla dhar phol. Bruk klah rabha meng rah ra meda hu daong ka dom urang njom njauk jru mek kalik kruac yam tapa kan kandah, grap tanat rai diuk; taphia di nan daong ka mikva bhum tapen negar Tây Ninh hu sa baoh Tết trei sil, bui sambaih saong bak hatai anit ranam, brei mboh ka hatai jai anit ranam gauk dalam truh hatai baoh./.