Bruk taong yaom gru pato, anek saih ba tal bruk tiêu cực saong ruak thành tích

Makna di bruk pok mayaom lac piah pachreih urang bac, urang ngak kham marat jang piah hu hadah jang urang karei, min kayua bruk pok mayaom biak mbuan nyu  ba tal cagar veik bruk siam. Dom urang gam bac gam me-in jeng taduan hu harak mayaom yau urang kham marat bac biak rilo, ye ngak habar meng ba mai bruk pachreih hatai? Tapa nan nyu daok ngak ka urang kham marat mboh biak thiệt thòi, pandik hatai, ngak ka urang oh kham merat jeng taduan hu harak pok mayaom, lac bac da-a siam, oh cang kham marat tra.

Talei pambuak gauk di thành tích anek saih saong gru pato nyu hu tỉ lệ thuận, bruk ini njauk min nyu suan tuk ba bruk ini jeng “bảng vàng thành tích” piah yaih khan haong manuac sia ka dom anek saih bac tiên tiến, joi jaik 100%. Bruk njauk klao nan lac tuk anek saih oh hu bac dở, gru pato njauk patagok điểm piah ka anek saih nan hu joi kayua thành tích di drei gam haong sang bac. Bruk taong yaom gru pato, anek saih ba tal bruk tiêu cực saong ruak thành tích. Blaoh tui nan hu biak bruk meyaom, rilo harak meyaom hu pok brei daok rahtabiak di rilo pakat bac urak ini.

Piah ngak ka bruk pok mayaom jeng prein pachreih bac, pato pakai biak biai ye gah pato magru njauk maong tapak tame bruk biak. Oh meda hu bruk taong abih anek saih jeng bac naih joi, jeng oh hu bruk gru pato pachot rup drei eng tuk taong yaom anek saih ngan haong dom điểm số  praong min biak di nyu lac oh njauk. Nan oh njauk lac pato magru!

Mayah daok khik bruk pok mayaom ban glai ban klo yau urak ini, meda ba tal bruk oh samu gauk dalam pacacah, taong yaom. Saong bruk pok manyaom oh njauk manuac, oh njauk bruk meda ngak ka dom urang ranaih umo saneng oh njauk ka ilamu, ka prein khang di rup drei.

Panuac ndem “manyaom ka nyu metai” meda hu ndem veik dalam bruk lạm phát pok mayaom yau urak ini. Mayaom oh njauk dalam pato magru meda ngak ka rilo anek saih jeng thu lagu kayua daok having akaok dalam thành tích "ảo"./.

Urang lang: Thu Thao – 11/06