Dalam dua mbang mesruh metak pacang cakak Thực dân France saong Đe quoc Amirik Mỹ, labik mesruh metak An Phú Đông – Bhein laneng Bhong hu nao tame dak rai sajarah meng kan di Sài Gòn – Chợ Lớn – Gia Định, hu Karja pok brei angan Anh hùng Lực lượng vũ trang bhap bani, ngan saong 516 liệt sĩ urang klaak rup drei, jaik 800 baoh sang hu prei yawa rup pabhap ka cách mạng…

     Dom thun tapa, yaok bilan sa mbang, di labik inem mek An Phú Đông, dam dara urang đoàn jeng hu daok peih ngak dom mbang ndom biai ilamu meng kan. Dalikan ka dom thun bilan rambah rambup, min khang hatai hu khan gilac piah dar piah thau dhar, daong ka dam dara harei ini thau cambaih laih saong duah thau jang ka ilamu meng kan siam gheih di bhummi. Sa-ai Đào Trọng nhân, Phaok Bí thư đoàn phường An Phú Đông, Quận 12 brei thau, Urang dam dara di puk palei bhian peih ngak bruk nao tal dom labik inem mek dak rai sajarah di Quận 12 yau: kalan Hanh Phú, baha Tường Quang, tu viện Khánh An… piah pabak jang hatai hadah ilamu mbaok hadah meta ka rai rah dam dara:

    “Khaol dahlak abih hatai hu mbaok tame dom bruk pato pakei dam dara uranaih pathram ilamu diuk rai piah jeng sa urang bol siam gheih; abih hatai hu mbaok tame dom bruk ngak kabhap bini rah ra, ba siam ka bol bhaap, iek glang pren yava ka bhap bani, yau peih ngak bruk brei darah pahla, ngak brei ka môi trường daok hu hacih sa-at, peih paha jalan nduac, daong ba dom urang hu rai diuk kan kandah. Nan nyu ieu lac bruk brei mboh ka bruk ngak di rai rah dam dara, rik daong tame dak padang taneh aia nagar.”

     Ong Nguyễn Thanh Minh, urang dahlau diah di kapul bonlin biệt động Quân khu Sài Gòn hu daok diuk rai pak ini brei thau: sang dahlak tuk halei jeng hadah mbaok hadah meta lac urang anek taco di bhum taneh An Phú Đông anh hùng. Ong saong ayut nao gam oh meda van hu ka dom thun bilan pacang cakak Khaman Amirik Mỹ, tuk halei jeng hu mikva labik ini anit ranam, daong ba. Urak ini kadha bui sambai di ong nan lac hu mboh bhummi di drei salih bahrau, dak harei dak kaya meda, jaman barau siam mekre jang:

     “Di truh dalam hatai, dahlak ndua dhal phuan Đảng saong Karja hu daong ka An Phú Đông dom bruk ngak, pagap yau ar pacang kraong Vàm Thuật, blaoh dom ar pacang karei, ribaong taoh, cơ sở hạ tầng, sang bac... hu peih praong, siam gheih jang. Karja srap gap abih piah ka bhap bani An Phú Đông nao tagok.”

     Urak ini bruk iek glang ka bol bhap rah ra, mong iek ka baoh sang mbang tui sarak karja, urang hu ba rup ka taneh ia jeng hu puk palei sangka. Quận daok pataom tame prein khang brei ka bruk pasiam veik harak gar hành chính, panduan salih lek số, peih ngak dom bruk ngak prong… bruk pasiam veik ban sit daok hu patui veik peih ngak prong dalam tui jalan xã hội hóa. Ông Nguyễn Văn Đức, Akaok UBND Quận 12, TP.HCM brei thau:  

     “Hu rilo bruk ngak nan lac mek hu rilo baoh jeng siam mekre hu mboh di meta, pagam haong bruk mbang angui di bol bhap rah ra, duh ka rai diuk di bhap bani. Quận 12 tukvak tapa hu bruk sangka di urang pal akaok, tacei pato di urang pal akaok ban, bruk tacei pato di Quận ủy 12. Dalam nan hu bruk nao gam saong hatai ba ngak abih drei di kapul nyaom urang jakar, urang đảng saong bhap bani, abih hatai hu mbaok tame dom bruk ngak kayua puk palei ba tabiak.”

     Salam uan raok 50 thun harei peih paha gah Meraong – taneh aia tame sa baoh nagar, 145 jabat di angaok Quận 12 mboh tangin tut angan 427 bruk ngak brei ka ka bol bhap rahra, jalan mbak nao mai dalam palei... ngan haong taong abih yaom jien labaih 52 tỷ đồng. Tal urak ini, jaik abih dom bruk ngak nan hu ba tame pandar, ba mai kein laba hu mboh di meta brei ka bol bhap rah ra. Pren diuk rai bharau daok tamuh yaok harei angaok bhum taneh meruh metak meng kan./.