Mai tal bhum palei hu rilo bhap bani urang bangsa Khmer diuk rai yau Trà Cú, Cầu Kè meda hu mboh ka bruk “salih bahrau mbaok meta palei pala” hadei di 13 thun peih ngak danak dak pakat negar padang ngak palei pala bahrau (NTM). Rai diuk di bhap bani mboh hu patagok, kinh te - xa hoi hu salih bahrau biak siam.

Hoa thuong Thạch Thảo, urang dang akaok baha Cành Đal, xa Hòa Ân, huyện Cầu Kè brei thau, tuk peih ngak bruk agama di baha, langiu di khao tin gah sarak bangsa, agama, jalan ba di Ndang, adat hukum di Karja, ong daok pagam tame pathau khan brei thau ka bruk padang ngak palei pala bahrau. Langiu di nan, ong daok jak ba bruk rik daong di mikva anek ugama hu labaih 2 ty piah padang ngak tatua, ngak jalan, padang ngak sang papraong gul pataom, daong ka anek saih ranam bac megru naih joi.

 “Bruk ngak brei ka bol bhap rah ra oh ta-eng dahlak blaoh daok hu urang dang akaok baha, Mbang khik iek dom baha jeng hu mbaok tame, meng bruk jak ba, rik daong pren yava piah ngak jalan, ndien, menjek gom truac hadah langiu jalan… piah jak gauk padang ngak puk palei drei ngak salah blaoh bruk padang ngak palei pala bahrau, pamong tal palei pala piah iek".

Daok di huyen Trà Cú, bruk ngak mbang kinh te - xa hoi gaok rilo kan kandah. Meng harei peih danak padang ngak palei pala bahrau, rai diuk di bhap bani oh padeih tagok. Tal harei ini, huyen Trà Cú hu angan huyen palei pala ngak nong bahrau. Mek hu jak jeng siam mekre ini, nan lac hu bruk rik daong di bhap bani, nao dahlau nan lac ong Rương puk Giồng Tranh, xa Ngãi Xuyên, urang hu angan je dalam bhum srok urang Khmer. Ong hu alin hadiah labaih 3.000m2 taneh saong phun kayau, baoh karaoh, ong abih hatai pathau khan, jak ba mikva padang ngak palei pala bahrau. Hu jalan, mikva ngak hu 2 mbang padai dalam thun, pambuak haong bruk pala njam patam; bruk ngak mbang kinh te di baoh sang dak harei dak tagok.

“Dahlak sahneng lac drei hu taneh, hu pren ngak daok Karja hu jien padai ye jak gauk padang ngak palei ngak nong bahrau. Oh lac tok ta-eng baoh sang dahlak, blaoh mikva di labik ini tuk pal hu jalan ngak thei jeng njauk hatai, kayua meng lavik mai puk palei ini oh ka hu jalan betong, jalan manyek piah nao tal tuk hu danak dak padang ngak palei ngak nong bahrau meng hu yau nan. Bhap bani thei jeng bui sambai.”.

Akaok UB Bhap bini tinh Tra Vinh Lê Văn Hẳn brei thau tinh Trà Vinh urak ini hu jaik 400 urang hu angan je, ini lac dom urang nao dahlau dalam bruk padang ngak palei ngak nong bahrau, ba akaok peih ngak dom bruk ngak bruk ngak mbang, alin hadiah taneh ngak jalan… Langiu di nan jak ba rik daong jaik pluh ty dong, jaik 20.000 prein harei ngak, alin hadiah labaih 167.000m2 taneh pala njam patam piah ngak dom bruk ngak di palei pala:

“Tinh mong mboh lac bruk padang ngak palei ngak nong bahrau nan lac bruk ngak praong di taong abih he thong chinh tri, njauk mek manuac urang dang akaok bruk ngak. Dalam dom harei mikva nao tame baha ye dom ong car, ong sư peih ngak bruk pathau khan brei ka bhap bani thau, taduan mek hu jalan ba di Ndang saong Karja ka bruk padang ngak palei ngak nong bahrau. Tapa di nan mikva dak harei dak caik hatai sangka gam haong puk palei peih ngak ka nyu siam jang”.

Tal tukvak ini, tinh Tra Vinh hu Rajaei taduan lac ngak salah blaoh danak dak padang ngak palei ngak nong bahrau. Tinh Tra Vinh ba tabiak jalan ngak tal thun 2029, 100% dom xa hu rilo bhap bani bangsa takik mek hu tanut palei ngak nong bahrau paglaong. Ini lac bruk meda peih ngak hu tuk dom sarak cak rok patagok bhum urang bangsa takik tuk halei jeng hu Ndang, karja sangka buh jien tame ngak./.