Bruk di quy hoach mbang ini lac tal thun 2030, Bà Rịa - Vũng Tàu hu ginup tanut chuan di ban pakat negar. Gam haong bhum kong nghiep-tapen tasik praong ye meda patagok saong salih birau dom đô thị vệ tinh yau asar pusak  tacei ba,  pambak praong patagok dom bhum taphia, tapen tasik, palei pala haong 8 đô thị janih 5. Dalam nan bhum Đông Nam meda hu 5 đô thị vệ tinh lac: Phước Bửu, Bình Châu, Hồ Tràm, Đất Đỏ saong Phước Hải.

Ong Tạ Quốc Trung, Yam ndoc Sở Xây dựng tỉnh Bà Rịa - Vũng Tàu brei thau: Piah ngak hu bruk ba tabiak nan, karja dom puk palei brei paglong jalan sahaneng, peih ngak quy hoạch catang, siam lagaih tui Sarak 06/2022 di Mentri Chính trị  ka bruk quy hoạch, dak padang, khik iek saong patagok khang kajap đô thị Việt Nam tal thun 2030, pamong tal thun 2045:“Khol dahlak pok panuac tagok likau brei padang ngak danak dak patagok đô thị. Danak dak nan sa gah pabak hu bruk quy hoach di tỉnh hu mbaoh tangin blaoh, gam ngak jeng sa he thong đô thị palei pala, pamong tal bruk cakrok patagok khang kajap tui Nghị quyết 06/2022 di Mentri Chính trị”.

Ban sit Phú Mỹ brei thau lac labik hu makna praong dalam cak rok patagok kong nghiep - tapen tasik di Bà Rịa - Vũng Tàu anak tal. Meng quy hoach birau ba tabiak, Phú Mỹ dalam Bhum chức năng kong nghiep- cảng tasik, patagok dom to hop praong ka kong nghiep - dịch vụ - đô thị di ban birau Phú Mỹ. Gam haong nan, pambuak gauk siam haong jalan vành đai kong nghiep, đô thị, jit vu, logistics tapen jalan Vành đai 3, Vành đai 4 TP.HCM saong dom jalan peih drah samar di bhum Đông Nam Bộ.

Tui ong Phạm Viết Thanh, Bí thư Tỉnh uỷ Bà Rịa - Vũng Tàu, quy hoach di tỉnh mbang ini peih tabiak tukvak lagaih birau ka cakrok patagok di tỉnh, ngak brei cambaic laic jalan di Đảng ka bruk tuk halei jeng iek praong anek manuac  lac pasak di bruk cakrok patagok. Dalam danak dak hu mbaoh tangin blaoh, Bà Rịa-Vũng Tàu brei caik hatai buh jien tame ngak brei papatok jalan mbak sumu gauk, ralo jalan ba ngak, salih pandar so pambuak haong salih bruk hành chính saong paglong ilamo ngak bruk di karja. Ong Phạm Viết Thanh ndom lac, tỉnh meda ba mbuan lagaih di abih saong pambuak bruk, yam takai nao gam saong hu trach nhiem haong po dau tu, haong doanh nghiep:“Meng quy hoach nan, tỉnh pambak tame padang mo hinh, parabha labik patagok, lang talaih dom labik gal tavak, ngak birau prein khang patagok saong padang prein khang patagok birau. Gam haong nan, pambuak gauk peih ngak 3 bruk  praong, nan lac buh jien tame ngak sumu hạ tầng saong rilo gah; salih pandar so pambuak haong salih birau hanh chinh saong paglong ilamo ngak bruk di karja”.

Di tuk peih bruk brei thau Quy hoach tỉnh Bà Rịa -Vũng Tàu, Phó Thủ tướng Trần Hồng Hà ndom lac, piah ka quy hoạch tỉnh Bà Rịa -Vũng Tàu hu tame dalam raidiuk, njauk brei hu jalan peih ngak siam. Bruk ba tal jak jeng siam mekre nan lac bruk peih ngak, bruk sami samar, salih birau hadah krah di Đảng bộ tỉnh saong bruk ngak di bhap bini, doanh nghiep lac pasak, lac po saong lac prein khang. Tỉnh brei nao dahlau dalam bruk dak padang dom yaom glaong karei di tapen tasik bo dalam taneh ia oh hu:“Brei padang ngak dahlau sa labik pablei salih tự do pambuak haong dom tapen tasik Cái Mép, lac dom tapen tasik tok di Viet Nam nao tabiak pabah mbang dunya. Bà Rịa - Vũng Tàu njauk thau cambaic laic thaik thaok di labik pablei salih tự do pambuak haong Cái Mép. Ini lac bruk piah ka Bà Rịa – Vũng Tàu daong taneh ia roh duah, padang ngak mo hinh”.

Urang ilamo gah kinh te mboh lac, Bà Rịa - Vũng Tàu daok biak ralo taneh oh ka ba tame pandar. Wy hoach tỉnh birau hu ba tabiak brei mboh cambaih yaok labik, yaok bhum dalam tỉnh jeng hu sa jalan patagok karei di drei, pambuak veik jeng sa labik siam mekre, yasa haong bhum prein khang gah kinh te Đông Nam bộ./.