Bhap bini alin hadaih taneh piah ngak jalan

Di dom jalan labik 1, xã Bình Lợi, huyện Bình Chánh, dahlau daih bak gluh baok, kandaong ia, jalan nao mai kan kandah, abih di nyu nan lac dalam bilan hajan. Lac urang ngak nong, bruk ngak mbang duah jien pagam pambak tame bruk ngak padai saong raong glang, min tuk hu karja brei thau dom kein laba dalam bruk padang ngak jalan mbak, ong Võ Văn Chò daok di ấp 1, xã Bình Lợi njauk hatai alin hadiah labaih 1.000m2 taneh di sang drei (tui yaom darak pasar lac labaih 3,2 tỷ đồng) brei Karja. Langiu di nan, ong daok jak ba labaih 30 sang bhap bini alin brei labaih 10.000m2 taneh piah ngak jalan palei saong ar pacang ia sua ribaong Bà Tỵ.

Lac jalan hẻm dân sinh tamuh eng meng thun 1997, hẻm 300/23 jalan Nguyễn Văn Linh (phường Bình Thuận, quận 7) atah 350m, gar praong 4 - 5m. Dalam nan, 170m hu gar biak sit. Hadei di rilo mbang hu karja taom gaok, ndom biai, taong abih 39 sang bhap bini njauk hatai alin hadiah 200m2 taneh, tui yaom darak pasar lac labaih 12tỷ đồng piah peih praong dom labik biak sit angaok jalan hẻm 300/23. Ong Nguyễn Đỗ Minh Thiện, Chủ tịch UB bhap bini phường Bình Thuận khan lac, piah hu bruk njauk hatai pachreih tui yau ini, dahlau di abih, lac bruk njauk gauk di abih hệ thống chính trị; tui jalan “Karja saong bhap bini gam ngak”, bhap bini brei taneh, Karja buh jien padai padang ngak; dahlau di tuk taom gaok, ndom biai haong bhap bini, kol dahlak duah thau hatai caong, dom tavak tavaiy piah lang talaih, daong ka dom sang hu dom bruk kan kandah.

Di quận 3, bruk jak ba bhap bini alin hadiah taneh peih jalan gaok kan kandah jang. Akaok mBan Dân vận Quận ủy quận 3 Trần Thị Hường brei thau, dalam quận hu jaik 600 jalan hẻm praong mala 3m njauk peih praong piah ba mbuan lagaih ka bhap bini saong ngak brei hadah hadai puk palei. Meng thun 2000, quận hu ba tabiak bruk jak ba bhap bini alin hadiah taneh peih hẻm, min kayua bruk ngak oh ka samu gauk, nan ye siam lagaih oh hu yau hatai caong. Bac megru ilamu meng dom thun dahlau, dom kapul nyaom chính trị - xã hội khang hatai brei tapa rilo jalan ngak gheih yau ye: yaok mbang jak ba jeng hu brei bruk cambaih laih; patagok bruk ba akaok nao dahlau di dom urang đảng, sang hu ilamu cách mạng; samar langyah dom tavak tavaiy di dom sang bhap bini dalam tuk taom gaok, pambak praong, pok meyaom dom sang alin hadiah taneh ngak jalan;… Meng nan, hadei di labaih 20 thun, quận 3 hu labaih 3.700 sang bhap bini alin hadiah taneh ngak jalan di 95 jalan hẻm.

Biak di nyu, dahlau thun 2000, ban raya Hồ Chí Minh hu rilo jalan, hẻm sit, oh ginup quy chuẩn ka jalan mbak, mỹ quan đô thị saong pacang khuah, padam khuah. Dalam tuk nan, ban raya hu bruk cakrok glaong, menuac sia dak harei dak rilo, dui tui rilo bruk njauk ngak chip,… Tui jalan xã hội hóa di mBan Chấp hành Đảng bộ ban raya mbang 6, Nyaom roya Đảng bộ ban raya Hồ Chí Minh mbang ka 7, vaktu 2000-2005, Thường vụ Thành ủy hu tacei pato, brei thau tal dom pakat ủy, tổ chức đảng, karja dom pakat dom bruk ngak cambaih laih, dalam nan, hu bruk jak ba bhap bini brei taneh peih praong hẻm. Hadei di labaih 20 thun peih ngak, ban raya hu labaih 168.000 sang bhap bini brei labaih 5,3 triệu m2 taneh, kuhria tabiak yaom jien lac labaih 10 rabau tỷ đồng, pabak ka 5.230 danak dak. Langiu di bruk alin hadiah taneh, bhap bini daok hu rik daong jien padai piah peih jalan, peih hẻm saong dom danak dak pabak ka bhap bini haong yaom jien labaih 458 tỷ đồng.

Ong Phan Văn Mãi, akaok UB bhap bini ban raya HCM brei thau, bruk jak ba bhap bini alin hadiah taneh peih praong hẻm lac jalan ngak njauk, lagaih di ban raya. Bruk ini oh lac pambak praong tal raidiuk di bhap bini, bo daok lac prein khang bharau piah ka ban raya peih ngak dom bruk karei karei./.

Urang lang: M. Phương – 25/08