Tapa peih ngak bruk patrun kathaot thun 2022, dom sang kathaot rilo gah daok di tanut trun hu 1-1,5% sa thun, dalam nan baoh sang kathaot bangsa takik trun labaih 3% sa thun, baoh sang kathaot di dom huyện kan kathaot trun 4-5% sa thun. Da-a mikva saong taong abih gauk pang kadha vak “Raidiuk bhap bini dom bangsa takik dak harei dak hu siam jang” di Quỳnh Anh:

Tui Sarak ka 861 harei 4/6/2021 di Thủ tướng Rajaei, dalam taneh ia hu 3.434 xã dalam bhum bhap bini bangsa takik saong bhum ceik di 53 tỉnh, ban di Trung ương, lac: 1.673 xã bhum I, 210 xã bhum II saong 1.551 xã bhum III.

Bruk bangsa thun 2022 hu rik daong praong dalam bruk peih ngak dom kadha ka patagok KTXH. Baoh sang kathaot trun hu yau tanut ba tabiak, bruk ngak mbang ngak huak di bhap bini hu tani tanat saong dak harei dak siam jang; kết cấu hạ tầng daok hu cakrok, bruk pato megru, y tế di bhum bangsa takik hu rilo salih bharau, siam lagaih; ilamu bangsa daok hu sangka khik ramik saong patagok. Bhum bangsa takik saong bhum ceik tani tanat, cakrok, rik daong khik kajap sron mbon puk palei; an ninh- quốc phòng jeng hu khik kajap. Bhap bini dom bangsa jum pataom gauk, jia tame jalan salih bahrau, peih ngak siam dom sarak di Đảng, hukum di Karja, paglaong hatai sangka anak bruk khin palai pajoa di kol khamang.

Bahrau ini, di Nyaom biai online pakat negar pataom iek veik bruk bangsa thun 2022; maong tapa 1 thun peih ngak Danak dak bruk ngak negar patagok KTXH bhum bhap bini bangsa takik saong bhum ceik tukvak 2021-2030, mbang  I: meng thun 2021 tal thun 2025, dom tỉnh ban hu panuac caong Trung ương patabiak dom tanut daong buh jien tame ngak danak dak 1, danak dak 2, danak dak 5, danak dak 9; UB Bangsa saong dom Mintri, dom gah pambuak tal samar patabiak tacei pato ka dom danak dak daok veik. Rajaei samar jao jalan ngak phun jien sự nghiệp taong abih tukvak tui yaok dự án thành phần di Danak dak piah ka tỉnh, ban peih ngak hu siam lagaih; patabiak Sổ tay tacei pato peih ngak danak dak pato pakai, pasram megru paglaong ilamu ka bhap bini saong urang jakar dom pakat peih ngak danak dak; patabiak harak gar pato pasram.

Dom tỉnh ban jeng pok panuac tagok Rajaei pasang iek hu sarak karei daong phun jien piah peih ngak Danak dak dalam tỉnh ngan saong dom xã, ấp biak kan kandah oh daok dalam bruk buh jien tame ngak di Danak dak min sang kan kathaot bangsa takik daok rilo, raidiuk bhap bini daok kan kandah. UB Bangsa tacei pato saong công nhận dom palei oh daok dalam palei biak kan kandah min pabak ginup tanut 15% baoh sang bhap bini bangsa takik diukrai tui sarak ka 33 thun 2020 di Thủ tướng Rajaei lac palei dalam bhum bhap bini bangsa takik saong bhum ceik.

Ong Hầu A Lềnh, UV mBan chấp hành TW Đảng, Akaok Mintri - Chủ nhiệm UB Bangsa, ndom lac: “Bruk bangsa, sarak bangsa daok hu Đảng, Karja biak caik hatai sangka, dom Mintri, dom gah di TW saong dom tỉnh ban kham merat pambuak gauk peih ngak, rik daong pasiam raidiuk, bruk ngak mbang, ngak huak ka bhap bini bangsa takik”.

Meng dom bruk ngak hu dalam thun 2022, piah ka Danak dak bruk ngak bangsa thun 2023 saong dom thun patui di nan ngak hu tui bruk ba tabiak, UB Bangsa pataom tame tacei pato, peih ngak 10 bruk ngak praong. Dalam nan, peih ngak ka nyu siam jang Danak dak bruk ngak negar patagok KTXH bhum bhap bini bangsa takik saong bhum ceik./.