Sang bac tiểu học Suối Trầu daok caga yah klaak, salih tabiak labik tái định cư

Jalan ka 10 lac jalan tame labik pasak xã Suối Trầu, nao tapa labik mban khik ramik danak dak padang ngak mblang kapal haoh Long Thành. Dom janih radaih ủi, radaih ben daok ngak bruk piah ngak brei samu mbaok mbaok taneh, thur mur par bak abih. Yaok rituh baoh sang jeng daok dalam thur mur, daok dalam labik padang ngak mblang kapar haoh Long Thành.

Sang ong Nguyễn Văn Tuyên daok hu 3 urang daok di ấp Suối Trầu 1 (urak ini lac daok dalam xã Bình Sơn), makna lac huyện Long Thành oh ka ieu nao bốc thăm taduan mek labik tái định cư yaom lac sang ong hu taduan blaoh jien bayar, jien daong. Ong Tuyên brei thau lac dom baoh sang daok gar di pak ini biak glaih glar, radaih pajeng haluk nduac nao mai gam gam, mbuan ba tal bala saong thur mur bak abih: “Caong lac kanja ngak habar brei labik daok sanar drah piah padang ngak sang, nao tabiak labik bahrau, daok pak ini biak kan kandah, glaih glar”.

Baoh sang di amuk Nguyễn Thị Nghiệp biak klak, mbaih mbaoh kayua lavik paje oh hu ramik ngak pasiam. Sang amuk Nghiệp hu 5 urang jeng daok veik di labik ini, bruk ngak di dom urang dalam sang lac ngak pah meng tangin takai. Yaom lac hu taduan blaoh jien bayar mek taneh min sang amuk Nghiệp jeng ka oh hu taduan labik daok bahrau. Jeng yau dom baoh sang daok gar gilac veik, amuk Nghiệp jeng caong samar hu tabiak daok di labik daok bahrau kayua Hương lộ 10 meda kreik viek piah padang ngak dom bruk di mblang kapar haoh Long Thành. Langiu di bruk labik daok, amuk Nghiệp jeng brei mboh hatai caong hu daong salih bruk ngak hadei di tuk nao daok di labik bahrau.

Sa bruk haduh hatai karei di dom baoh sang daok dalam bhum danak dak mblang kapar haoh Long Thành lac bruk Sang bac tiểu học Suối Trầu daok caga yah klaak, salih tabiak labik tái định cư. Ong Đỗ Hữu Chiểu – Phó Akaok Sang bac tiểu học Suối Trầu brei thau: Meng akaok thun bac hu 32 anek saih tabiak labik daok bahrau. Thun bac anak tal, sang bac meda oh daok di labik klak tra. Piah plaih sarau kadau dalam bruk bac di dom anek saih, ong Chiểu caong lac: “Caong khin dom pakat, dom gah jhul samar bruk padang ngak dom sang bac di labik tái định cư dak samar dak siam, piah khol dahlak hu tani tanat dahlau di tuk tame thun bac bahrau”

Ong Nguyễn Khắc Phong – Phó mBan khik ramik danak dak mblang kapar haoh Long Thành brei thau: Bruk kreik jalan Hương lộ 10 nao tapa labik padang ngak mblang kapar haoh, mban khik ramik danak dak meda ba mbuan lagaih ka bhap bini daok viek daok nao mai di jalan Hương lộ 10 dalam sa bilan piah panduan ba dom pandap panda dalam sang danaok tapa labik karei. Hadei di sa bilan, huyện Long Thành saong xã Bình Sơn meda peih praong jalan nduac tabiak jalan Roya 51. Tui ong Phong, jalan nao ini atah jang yaok paluh cây số dut saong jalan Hương lộ 10 min meda khik hu salamat bruk nao mai angaok jalan: “Taong abih dom alan công vụ kayua khol dahlak padang ngak dalam mblang taneh 1810 ha jeng cakak tapa jalan Hương lộ 10. Tuk padang ngak jalan công vụ ye Hương lộ 10 oh nao hu tra kayua jalan công vụ rilo meng bier jang meng 3-4m dut saong jalan Hương lộ 10”

Tui UBND huyện Long Thành, piah jhul samar bruk langyah labik daok bahrau ka dom baoh sang daok viek dalam bhum danak dak mblang kapar haoh, huyện hu jao ka dom gah pambuak tal samar drah langyah salah abih ka dom baoh sang piah tabiak daok di labik bahrau. Ngan haong dom baoh sang daok  tavak tavaiy gah harak gar, UBND huyện Long Thành daok cang dom gah ba tabiak jalan piah ka UBND tỉnh Đồng Nai langyah piah pasang iek, brei labik tái định cư.

Tal urak ini, kapul pasang iek tái định cư xã hu brei ka 2.381 dalam 4.330 baoh sang njauk rami ramik labik tái định cư, (dalam nan hu pasang iek brei ka 1.773 baoh sang saong hu brei harak jao taneh ka 1.241 sang). UBND huyện Long Thành daok ngak pasiam harak gar jao taneh ka dom baoh sang ginup bruk piah pasang iek. Tukvak anak tal, huyện Long Thành daok pasang iek gah adat hukum, ngak pasiam harak gar piah ka dom xã pasang iek brei labik daok bahrau ka jaik 1.950 baoh sang./. 

Urang lang: Thu Thao – 30/03