Brei mboh tapak anak mata bruk ngak sarak di Ndảng, Karja brei ka bangsa, agama, thun 2023, Kapul rajabol Mblang 7 oh padeih brei chul khang jalan “Kati katang jalan pambuak talei rohim jaik taphia, daong ba, urang bangsa, agama”. Kuk Politik Mblang rajabol Quân khu 7 dang ngak harak pato tacei jaka, rajabol bhap bini di bhum taneh roh duah, bac magru thau brei ka gah agama, urang tui agama, bruk ngak di agama dan haong sarak karja brei agama di bhum palei jeng ye urang rajabol tui agama.

Dom jabat, labik dhua, di bhum palei dang ngak bruk gah agama, ngak bruk dakwah jak ba bhap bini urang gah agama hu ralo salih barau, pahadah barau, ngak njauk ngak jeng ralo bruk siam makre ye hatai anit ranam brei ka binguk hadah di “Bộ đội Wa Hồ”. Thượng tọa Thích Minh Hạnh, Phó Mbang Trị sự Giáo hội Phật giáo tỉnh Bà Rịa - Vũng Tàu ndom mayai lac:

“Yaom lac hu daok jaik taphia Kapul rajabol tinh Baria Vung Tau, kon hulin dahalak paham thau ralo brei ka pakaro saron mbon puk paga bhum palei, thau pacang caga kanjah chak di dalam bhum palei haong caga tanah ia nagar cambac lac tantu di dalam anak urang tui agama Bhat. Inilac sa janih brei khik khang khik kajap khik karo di bhum palei”.

Thun 2023, Kapul halau janeng Pato magru Khik caga karo nagar mblang rajabol Quân khu 7 bac magru pabak ilamu caga karo nagar brei ka labaih 200 urang halau janeng imem imam urang ngak man uak rup tui agama di banraya HCM haong di 8 tỉnh. Patui di nan, dom urang ngak man ibadat urang acar agama roh duah bac magru thau jalan sarak hukum Ndang Komunik, hukum Nagar brei ka bruk padang pakhang taneh ia Nagar Palei, bruk ngak caga kajap karo negar, adat hukum agama; daong dakwah ka urang diuk siam makre agama siam makre dunya.

Thun  2023, abih jabat mblang Quân khu 7 hu labaih 4.000 dam dara anek urang agama tame rajabol, labih 24% urang. Dom jabat labik dhua pambuak gauk ngak siam sarak agama di karja dalam pilih mek bon lin rajabol, ba tame Đảng, Đoàn. Dalam nan, dom acar urang ngak gah agama, urang daong bruk brei ka agama ba bih hatai jak ba dak wah anek kamuan di drei chreih hatai tame rajabol bruk ngak praog glaong brei ka taneh ia bangsa nagar, ngak njauk Hukum bruk ngak di rajabol; ba abih hatai jak ba gauk pachreih gauk ranam nagar, ngak bruk nagar, daong rup tame brei patagok kinh tế - xã hội, pakaro politik, khik kajap karo taneh ia bhum palei. Mục sư Đinh Thuận, Urang pan akaok Kapul Tin Lành Phan Thiết, tỉnh Bình Thuận lac:

“Dalam kapul di kon hulin dahalak hu dam dara tagok jalan ngak rajabol jeng dom dam dara, khang karo dan haong ranam nagar, mboh biak siam gheih. Kayua yau nan ye akau kakei dom adei saai dam dara urang agama ngak tui hukum nagar piah daong prein yawa di drei brei khik kajap taneh ia nagar drei, ngak siam bruk rajabol bruk di rahra bhap bini”.

Ong Vũ Hoài Bắc, Urang akaok Jabat Mbang Agama Rajaei Chính phủ brei thau lac:

“Bruk di Mblang rajabol Quân khu 7 ngak jeng meng tukwak masa blaoh, dalam nan hu bruk brei pachreih pahit sihat prein yawa, pasram khang kadang rup bhap di labik hu ralo urang agama brei peih hu ralo siam makre brei ka rup bhap manuac urang, pambuak talei khang siam di bhap bini di abih pakat. Daong brei pakhang kajap talei rohim dalam rajabol bhap bini rahra mboh siam mboh gheih”.

Pakat Ndảng ủy, Bộ Tư lệnh Mblang rajabol Quân khu 7 pok praong pok glaong bruk yak yum jum pataom, pambuak talei jaik taphia haong dom kapul agama, daong gauk, ba gauk dalam mikwa urang dalam agama ieu lac sa bruk ngak asal di drei, di dalam hatai urang kapul rajabol Quân khu haong taneh ia palei nagar, haong bhap bini rahra. Gam tui di nan jeng caong hatai khin acar urang hu angan je di dalam agama chreih hatai jak ba gauk dak wah gauk ngak njauk ngak siam jalan sarak karja jalan patacei di Đảng, sarak karja, hukum nagar, adat cambat sarak di bhum palei; ba hatai ngak siam dalam bruk padang yak yum jum pataom abih bhap bini, jum pataom taong abih dom dom agama, jum pataom rahra haong rajabol; oh padeih pambuak khang talei haong kapul rajabol Quân khu ngak siam bruk ngak kuhria ka bhap bini, daong ka rahra patruh eik patrun kathaot, paatah ngak yang mabang oh njauk tui ilamu, rami ramik khik siam ilamu bangsa./.