Rilo bhum mik va bangsa takik hu ba ilamu tame pandar 

Meng sa boh sang dalam sarak sang kan kathaot lavik thun, sang saai Lò Thị Da, daok di  xã Quang Chiểu, huyện Mường Lát hu dong phun pajaih, anek pajaih, meng danak dak patrun kathaot di palei. Hadei di  5 thun peih ngak, tal urak ni, sang saai hu tapon athur, menuk ada tagok tal yaok rituh drei, gam song bein phun mbang boh, yaok thun jien mek tame hu yaok pluh   triệu đồng, jeng sang ginup meda di palei.

Meng u bruk dong di palei, drei trun menieng bruk duh hatai ka phun jien, kham rong glang, pala drak, jeng hu mbuan lagaih kayua drei oh hu phun min hu dong phun pajaih, anek pajaih. Gah ilamu kỹ thuật jeng hu dong meng harak tapuk, urang jakar tacei pato ilamu piah drei ngak tui..

Palih ruah boh sang gheih piah ngak kreih camin song pambak prong lac sa dalam dom jalan ngak bo tỉnh Thanh Hóa peih ngak danak dak pakat negar ka bhum bhap bini bangsa takik  song bhum ceik. Ong Hà Văn Thuỷ, Phaok  Bí thư Thường trực Huyện uỷ Quan Hoá brei thau, brei salih jalan sahneng, jalan ngak dalam bruk peih ngak danak dak, pataom tame pathau khan, jak ba, paglong bruk ka urang jakar, urang đảng, klaak jalan sahneng pagam pambak tame karja.

Danak dak pakat negar brei ka bhum bhap bini bangsa takik hu Quốc hội brei tapa di sarak ka  120 harei 19/06/2020. Bruk parabha phun jien  hu  Ủy ban Thường vụ Quốc hội pasang iek brei ngak di harei  22/5/2022. Ni lac, danak dak biak prong, mbang camereip  Đảng, Karja caik prein yava, jien padai song bruk sangka biak praong, patui jalan patagok sarak bangsa dalam tuk vak dahlau deih.  

Tui  Bộ trưởng chủ nhiệm Ủy ban bangsa di Quốc hội Hầu A Lềnh, ni lac danak dak prong, pataom tame di 13.222 palei biak kan kandah  dalam  3.434 xã di  51 tỉnh bhum bhap bini bangsa takik. Jeng lac, dom bhum bhap bini hu  bruk kinh tế xã hội kan kandah abih dalam taneh ia, dok di  3 bhum praong lac  Tây Nam Bộ, Tây Nguyên song  Tây Bắc. Ong  Hầu A Lềnh brei thau: 

Ni lac sa danak dak biak prong, hu gam sarak bahrau, gam sarak klak dok hu pandar. Kayua yau nan ye, bruk pataom tame piah padang sa jalan ngak harak gar tacei ba peih ngak danak dak lac bruk abih rilo pren yava  song tani tanat. Kayua ini lac mbang camereip  Đảng song karja caik sa pok jien  karei, nan ye, oh brei ngak meng ngak, chủ quan; brei pasang iek nao, pasang iek mai.

Yaom lac, kadung jien dok rilo kan kandah, min Quốc hội, rajaei brei tagok pok jien buh tame ka bruk patrun kan kathaot rilo jang 2 mbang dut song tuk vak dahlau,palagaih ka urang kathaot, boh sang kathaot mbuan hu mbang tui dom  dịch vụ xã hội, abih di nyu nan lac di dom labik palei pala bhum ceik, palao kaoh,rik dong peih ngak bruk patagok kinh tế, khik kajap an sinh xã hội, ngak hu bruk patrun boh sang kathaot. Dom danak dak di karja saong bruk hu mbaok di  Mặt trận negar Việt Nam, dom kapul nyaom, menuac urang, urang ngak pahla  dong ka urang kan hu ba tal siam lagaih lac sang kan kathaot dalam taneh ia trun labaih 1,43% sa thun ; labaih 650 xã, 1.200 palei tabiak truh rai duik biak kan kandah; 170 ribau boh sang “prong jum pataom” hu padang ngak; urang bangsa takik song sang kathaot hu mbang tui  tong abih bảo hiểm y tế…

Pok an sinh xã hội jiak 62.000 tỷ đồng pasiam dom kan kandah di jit prong  Covid-19, yaok ribau  tấn brah dong chip song yaok ribau tỷ đồng meng kadung jien khik caga di kadung jien trung ương piah dong ka bhap bini bhum kreh negar pasiam veik dom khat lahik di  “ia sua kateik mangaok ia sua, ribuk kateik mangaok ribuk” lac kham merat biak prong, samar drah piah ka bhap bini hu  mbang tui “quyền sống”, quyền hu iek glang y tế, quyền ngak mbang duah jien. Nan jeng lac dom kham merat kayua  nhân quyền di Đảng, di karja Việt Nam./.

Urang lang: Hanipha- 10/10