Di TP.HCM, meng tukvak jit ruak COVID-19 tal urak ini, nao gam haong dom mbang jao jit bruk ngak tapak, sàn giao dịch bruk ngak online hu daong pambuak bruk ngak ka urang ngak. Urang vak Kim Dung daok di TP.HCM hu kadha vak ndem ka bruk ini:

Dalam 6 bilan akaok thun 2023, TP.HCM hu jaik 92 ribau urang lahik bruk ngak. Anak bruk nan, Pasak Dịch vụ bruk ngak ban raya hu peih 59 mbang, sàn giao dịch bruk ngak online, tacei bruk ngak ka jaik 70.000 urang saong hu labaih 43.000 urang taduan bruk ngak.

Tui ong Huỳnh Hoàng Thắng, Phó Yam ndok Pasak dịch vụ bruk ngak TP.HCM, bruk giao dịch bruk ngak online hu patagok meng 3 thun tapa, abih di nyu nan lac tukvak jit praong COVID-19, lagaih haong bruk salih số, daong patak pataom hu rilo tukvak, phun jien ka urang ngak saong doanh nghiệp. Gam haong nan, dom urang ngak duah hu bruk ngak jeng tagok biak rilo.

Urak ini, Pasak Dịch vụ bruk ngak TP.HCM daok hu labaih 50 doanh nghiep tut angan tame pilih ruah labaih 6.193 labik bruk ngak. Kayua yau nan ye, meng urak ini tal puac thun, tui kuhria pasak meda peih 96 mbang giao dịch bruk ngak, tui jalan tapak saong jalan online. Ong Huỳnh Hoàng Thắng, Phó Yam ndok Pasak dịch vụ bruk ngak TP.HCM brei thau: “Drei jeng parabha janih, meng dom paka yaok pataom hatai caong di doanh nghiep, tui nan kol dahlak meda daa ka nyu lagaih haong yaok tukvak. Doanh nghiệp halei caong tapak ye tapa dom mbang giao dịch tapak. Daok dom doanh nghiệp halei tok hu mbaok tame online ye kol dahlak meda daa dalam dom mbang sàn giao dịch bruk ngak online. Nan lac dom jalan ngak hadei ini kol dahlak meda peih ngak”.

Daok tui ong Nguyễn Văn Sang, Phó Yam ndok Pasak dịch vụ bruk ngak dam dara TP.HCM (di Thành Đoàn TP.HCM), doanh nghiệp tuk hu mbaok tame mbang jao jit online ka oh taong yaom hu ilamo di urang ngak. Jaik abih dom doanh nghiep rilo meng ndem mayai dom asal kadha praong di doanh nghiệp, ka oh sua tangi dalam ka dom asal karei pambuak tal gah pilih ruah. Taphia di nan, tuk sua tangi tapa online, hu bruk doanh nghiep njauk hatai pilih ruah min tuk gaok tapak ye oh taduan brei ngak.

Pasak jeng brei caga tani tanat dom khau tin pilih ruah ka doanh nghiep; jhul khang bruk pathau khan ka hatai caong pilih ruah, ilamo njauk ngak piah yaih khan dahlau ka urang ngak. Ong Nguyễn Văn Sang daok brei thau lac: “Kol dahlak brei tagok bruk pambuak gauk di pilih ruah tapak saong online, daong ka dom urang ngak daok di bhum palei pala, bhum atah biyah saong dom tinh, ban karei meda hu mbaok tame haong kol dahlak tapa livestream atau lac hu mbaok tut angan dahlau tame room piah kol dahlak meda yaih khan haong doanh nghiep piah drei patagok bruk pambuak gauk piah cak rok patagok darak pasa urang ngak hu siam lagaih jang”.

Daok tui ong Vũ Trọng Hiền, Yam ndok nhân sự Cty TNHH May Thêu Thuận Phương (Quận 6 TP.HCM), cty jeng kham merat hu mbaok tame dom san giao dịch bruk ngak kayua pak ini peih tabiak. Min, doanh nghiep njauk caga dahlau bruk pilih ruah urang ngak, pandar công nghệ, mạng xã hội piah dui pachreih, brei thau ka bruk pilih ruah. Di Công ty Thuận Phương, hu tal 40-50% urang ngak urak ini lac hu pilih ruah tapa mạng xã hội facebook.

Piah hu mbaok tame dom mbang giao dịch bruk ngak hu siam, urang ngak njauk duah thau ka doanh nghiep bo drei daok tut angan tame, khik kajap bruk hu mbaok tame pilih ruah; thau cambaih ka bruk ngak saong asal kadha tui khau tin bo doanh nghiep daok pilih ruah; ndem mayai nao mai haong doanh nghiep ka yaom jien bilan, dom chế độ phúc lợi piah thau cambaih jang ka bruk ngak bo drei daok tut angan tame. Abih di nyu nan lac, urang ngak njauk pabak ka drei dom ilamo njauk hu tuk nao likau bruk ngak./.