Labaih 25 thun tapa, Bình Dương mbeik drei meng sa tinh ngak nong, tiểu thủ kong nghiep tapa ngak kong. Bruk khang hatai salih bahrau bruk patagok kinh te hu ba Bình Dương jeng sa tinh ngak kong dang akaok dalam Bhum kinh te praong di gah maraong negar saong di taneh ia.

Đô thị hóa di Bình Dương jeng lac top akaok dalam taneh ia, mek hu 85% saong lac sa dalam 2 tinh, ban ba akaok dui pachreih hu bruk buh jien tame tapak di negar langiu (FDI) tame Việt Nam. Jien mek tame kuhria tui akaok manuac glaong abih dalam taneh ia, lac 170 triệu đồng sa urang sa thun.

Tui dom chuyên gia, urang roh duah, yaom lac hu dom jak jeng min dalam tukvak anak tal, Bình Dương meda dang anak rilo kan kandah, tavak tavaiy yau ye “dang di labik jien mek tame mbaih", bruk kinh tế dịch vụ meblah bier, ngak tabiak daok pandar rilo urang ngak. Gam haong nan, Bình Dương ka oh dui pachreih hu dom urang buh jien tame ngak praong, ba akaok. Tinh jeng ka oh hu chuỗi ngak tabiak di bhum.

GS.TS Trần Thọ Đạt, Akaok Hội đồng Ilamo saong pato pakai Sang bac Đại học Kinh tế quốc dân brei thau lac, piah khik bruk patagok, Bình Dương njauk salih jalan patagok kinh tế, brei tabiak truh jalan cak rok dahlau daih  piah yam tagok tanut glaong bahrau.

 “Dalam tukvak anak tal, bruk salih meng cak rok tui chiều rộng bo dư địa thu lagu jaik abih njauk salih tapa bruk patagok gam pambuak tui chiều rộng, gam pambuak haong chiều sâu. Bruk nan caik ka Bình Dương njauk hu jalan ieu pataom prein khang, phun jien negar langiu hu chat luong glaong jang, njauk hu jalan ngak piah dui pachreih prein khang ilamo công nghệ. Yau nan, kol drei meng hu prein khang bahrau piah ka Bình Dương vak veik dalikan jak jeng dalam 25 thun tapa”

Dom chuyên gia huac lac mayah Bình Dương oh ngak siam bruk “khik takai” saong dui pachreih urang ngak, meda oh ginup menuac ngak ka doanh nghiệp. Kayua lac jaik 60% rahra di Bình Dương lac urang meng dom tinh, ban mai daok, mai ngak bruk. Dalam tuk nan, urak ini, dom tinh jeng hu labik ngak kong ye urang ngak meda daok veik palei piah ngak bruk. Kayua yau nan ye, Bình Dương njauk pabak veik taneh riya daok jaik dom labik ngak kong piah padang sang daok xã hội, caik hatai tal bruk bac taa di anek bhik piah ka urang ngak sahanang kak kajap suai labik. Gam haong nan, tinh njauk hu sarak daong pato urang ngak hu ilamo glaong pabak ka tukvak salih số. GS.TS. Tạ Ngọc Tấn, dahlau daih lac Ủy viên Trung ương Đảng, Phó akaok Thường trực Hội đồng Lý luận Trung ương brei thau lac:

 “Ndem tal salih so jhui saneng dahlau tal bruk salih so meng ilamo bo njauk salih so meng anek manuac, kayua yau nan ye, njauk pato pakai anek manuac. Pato meng urang ngak hu ilamo glaong ba akaok piah langyah dom bruk praong di salih so;saong pato pakai paglaong ilamu ka dom urang jakar piah ka dom urang nan thau, hu mbaok tame bruk salih so, blaoh hadei di nan tal bruk pato pakai rahra piah thau, pandar dom dịch vụ salih số."

Tui dom chuyên gia, Bình Dương caong cak rok khang kajap ye dalam quy hoạch di tỉnh njauk caik hatai tal bruk ngak pasiam cơ sở hạ tầng di ban saong di dalam puk palei; patagok pato magru, y tế, ilamo hu chat luong glaong; hu jalan khik caga alam môi trường khang kajap, lagaih haong bruk biến đổi khí hậu…

Meng dom panuac rik tame di dom chuyên gia, urang pan akaok tỉnh Bình Dương hu ieu kakei dom gah, dom kapul roh duah pabak tame piah rami ramik tỉnh siam tui jalan khang kajap.

Tui nan, tukvak I, tal thun 2030, Bình Dương tamuh tabiak bruk ngak kong - đô thị - dịch vụ - hadah krah – khang kajap. Tukvak II, tal thun 2050, Bình Dương padang hu bruk ngak kong - đô thị - dịch vụ dunya – salih bahrau hadah krah – ilamo công nghệ, dalam nan padang dom labik ngak kong pambuak haong ilamo saong cong nghe dui pachreih hu dom viện, sang bac, dom bruk roh duah cak rok saong salih bahrau, dom gah dịch vụ, dịch vụ số piah dui pachreih dom gah ngak kong hu yaom patagok glaong.​/.